Isaia 57:10 - Baibuli Ekibono kya Katonda 2014

¹⁰ Mwekaluubiriza inho nga muli kunooniayo bakatonda abandi, aye era mwaloba kukoogha waire okuwaamu amaani; kuba mulowooza muti ebitali Katonda ebyenhinhalwa ebyo bye musinza, bibagha amaani.

Isaia 57:10 ပူးပေါင်းရင်းမြစ်များ

Isaia 47:13

Abawi b'amagezi b'oli nabo abangi bakumenhera bwereere: oli n'abeetegereza ebiri ku igulu, waaba n'abeekebeedha emuunienie, n'abo abalagula nga bajiira ku kuboneka kw'omwezi. Kale ku lwaki abo tibavaayooku kukuyamba, bakukobere ebirikutuukaku?

Yeremia 18:12

“Aye baidha kwiramu bati, ‘Busa, lwaki tukyusa? Ife twidha kusigala nga tukola ebyo emyoyo gyaife emikalangufu era emibi bye gyenda.’ ”

Yeremia 2:25

Mulobe kuseenenia ngaito dhaimwe, waire okwereetera ekigheeghe, nga mulumuka okunonereza emisambwa. Aye imwe mukoba muti, ‘Titusobola kulekera agho, kuba tugonza inho emisambwa egy'abamaghanga agandi, era egyo gye twidhanga okunonereza.’ ”

Yeremia 2:36

Lwaki mukyukakyuka ni mujiira ku misambwa gy'abamaghanga agandi? Kale ni Misiri eidha kubaleka mu ibbanga, ng'oti ni Assiria bwe yakola.

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Yeremia 9:5

Buli muntu aguya mwine, ezira ayogera bya mazima. Baanalirira kwogera bya buguya byereere, era tibalekera kwonoona ni beenenia.

Ezekieli 24:12

Aye ndaagiire bwereere, omubiri gw'obutalaivu munene inho, tigusobola kuwaamu na muliro.

Habakkuku 2:13

Bona eno, Musengwa Katonda Afuga Amagye n'eyaleetera amaghanga ge mwaghangula, gakola emirimo emikalangufu, aye nga bye bakola bija kwokebwa bwokebwe. Era Musengwa Katonda oyo n'agaleetera okufaabiikana nga tigaja kuganhulwa naire.

Ab'e Roma 7:9

Nze nali mulamu ng'amateeka gaziragho, aye ekiragiro bwe kyaidha, ekibi kyasituka