Isaia 57:1 - Baibuli Ekibono kya Katonda 2014

¹ Omuntu akola ebituufu afa, era ghaaloba kubaagho ekyo akitaaku mwoyo omuntu atya Katonda yaatwalibwa, era ghaaloba kubaagho ekyo akitegeera. Aye ng'abantu abalungi abo baba bawonezeibwa akabi akandibaidhiire.

Isaia 57:1 ပူးပေါင်းရင်းမြစ်များ

1 Bakyabazinga 14:13

Abantu boonaboona mu Isiraeli baja kumulira, bamuziike. Ku bantu ab'oku lulyo lwa Yeroboamu, oyo yenka n'aidha okuziikibwa, kuba oyo n'ayagaaniibwa ng'alimu akalungi akasiimibwa Musengwa Katonda, Katonda wa Isiraeli.

2 Bakyabazinga 22:20

Ndikutwala weeyimba ku badhaadha bo abaafa, waaziikibwa mu miraala. Era tolibona ku kabi ke ndituusa ku kifo kino.’ ” Agho abasaadha bairayo baakobera kyabazinga ebibono ebyo.

2 Ebyomubyanda 32:33

Agho Hezekia yaafa, yeeyimba ku badhaadha be abaafa, era yaaziikibwa mu kitundu eky'eitale mu lwambiidhi lwe baazikangamu baidhukulu ba Daudi. Abantu ab'omu Buyudaaya n'ab'omu Yerusalemu baamulira mu kitiibwa inho. Mutabane we Manasse yaamusikira ku bwa kyabazinga.

2 Ebyomubyanda 34:28

Era bona eno, ndikutwala weeyimba ku badhaadha bo abaafa, waaziikibwa mu miraala, waaloba kubona ku kabi ke ndituusa ku kifo kino ni ku bantu abakibaamu.’ ” Agho abasaadha bairayo baakobera kyabazinga obukwenda obwo.

2 Ebyomubyanda 35:24

Kale abagheereza be baamutoola mu kigaali kye eky'omu lutalo kye yalimu, baamwiza mu kigaali kye ekindi eky'omu lutalo, olwo baamutwala e Yerusalemu. Yaafiira eyo era baamuziika mu lwambiidhi lwa badhaadha be. Abantu boonaboona ab'omu Buyudaaya n'ab'omu Yerusalemu baamulira.

Zabbuli 12:1

Wo Musengwa Katonda, tubeere otuwonie, kuba tighakaaligho bantu bakaakutya iwe, waire okubaagho abakaakwesiga.

Zabbuli 37:37

Weekalirisenga omuntu aziraku musango era omutuufu; omuntu ayenda emiraala tabula izaire.

Isaia 42:25

Kale kyeyava n'atumaliraku obusungu bwe, era n'atusindikira entalo. Yatutumbukizaaku obusungu bwe ng'oti muliro bwayaka mu Isiraeli mwonamwona, aye twaloba kumanha birigho, bwatwokya aye era twaloba kubaagho ni kye twegamu naire!

Isaia 47:11

Aye ebizibu birikwidhira ebikusinga amaani, akabi k'otalisobola kwetoolaku kaakutuukaku mu kaseera buseera, waatuuka ku kuzikirira kw'otasobola kwewonia.

Isaia 47:7

Walowoozanga oti oliba inhebantu byanda na byanda, waaloba kutaayo mwoyo na kwidhukira nti buli kintu kiri n'enkomerero.

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Yeremia 18:11

Kale ni kobera abantu b'omu Buyudaaya n'ab'omu Yerusalemu, oti ndi kukola entegeka okubakolaku akabi, era neetegeike okubabonereza. Bakobe buli muntu alekere okukola ebibi, era akyuse empisa dhe n'ebikolwa bye ebibi.

Yeremia 22:10

Imwe abantu b'omu Buyudaaya, mutalirira kyabazinga Yosia eyafa era mutamulumirwa mwoyo. Aye mulirire inho mutabane we Yoahazi ye bali kutwala nga ti wa kwira; kuba taja kwirayo kubona ku nsi ye yazaalibwamu kabiri.

Ezekieli 21:3

Kobera ensi Isiraeli oti nze Musengwa Katonda ndi kukoba nti: Bona eno, buti nze nfuuse muzigu y'oli, era ndisowola empiima yange mu kiruutu kyayo naita abantu abakulimu, abatuufu n'ababi, naabakumalamu.

Mika 7:2

Mu Isiraeli muzira muntu mwesimbu akaasigairemu. Timukaali atya Katonda! Buli muntu aguniriire kakisa ka kutemula, era olw'ekyo buli muntu atega mwine olutuula.

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

Okubala 23:10

Naani asobola okubala baidhukulu ba Yakobo abangi ng'oti bwa nkungu? Oba naani asobola okumanha omughendo oguli mu kitundu obutundu ekirala ku buli bitundu ebina eby'Abaisiraeli abo? Leka nfe ng'abatuufu bwe bafa, leka enkomerero yange ebe ng'ey'abatya Katonda abo bw'eba!”