Isaia 56:8 - Baibuli Ekibono kya Katonda 2014

⁸ Musengwa Katonda, oyo asoloza abantu be Abaisiraeli abaabingibwa mu nsi yaibwe, akoba ati alisolozaayo n'abandi, boona baidha beeyongera ku abo abaamala eira okusolozebwa.

Isaia 56:8 ပူးပေါင်းရင်းမြစ်များ

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Zabbuli 106:47

Wo Musengwa Katonda waife kola otuwonie, otusoloze okuva eyo mu maghanga ye twasansaanira. Olwo tukusiimenga olw'eriina lyo eitukuvu, era tukusaakenga olw'ekitiisa kyo.

Zabbuli 147:2

Musengwa Katonda ali kuzimba Yerusalemu buyaaka; ali kwiza Abaisiraeli abaali abanhage.

Isaia 43:6

Ndiragira oluuyi olw'omukono omugooda olw'e buvandhuba lwabalekula, naalagira n'oluuyi olw'omukono omusaadha olw'e buvandhuba lwaloba kubaloberaku. Olwo mwaleeta batabane bange okuva eyo eghala, era mwaleeta ni baghala bange okuva eyo mu nsi dhoonadhoona.

Isaia 49:12

Mubone eno, abantu bange baliva ghala eyo: abandi baliva ku luuyi olw'omukono omugooda olw'e buvandhuba, abandi baava e bugwandhuba, n'abandi baava mu kiketezo ky'e Sinimu.’

Isaia 49:22

Musengwa Katonda akoba ati: “Ndikolera ab'amaghanga akamanhiso, naabalagira baaleeta batabane baimwe nga bababbeedeire mu bifuba byaibwe, era baaleeta ni baghala baimwe nga bababeese ku migongo gyaibwe.

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 54:7

“Nakulekulira agho okumala akaseera, aye ndikwiza ye ndi, kuba nkugonza inho.

Yeremia 30:17

Ndibalongoosa mwairagho bukalamu nga bwe mwali, era naawonia amabwa gaimwe waire ng'abazigu baimwe bakoba bati, ‘Sioni kiri ng'oti n'omuntu ye baabinga adaagiradaagira eyo atyo. Ghazira akifaaku naire.’ Nze Musengwa Katonda, ninze nkobye.”

Yeremia 31:10

Musengwa Katonda akoba ati: “Imwe amaghanga mumpulirise, era mulangirire bye nkoba mubituuse mu biketezo eby'oku nhandha ebiri eghala, muti, ‘Musengwa Katonda mwene n'eyasansaania abantu be. Era mwene oyo n'alibasoloza, n'abakuuma ng'omwayi bw'akuuma ebyayo bye.’

Ezekieli 34:12

Ng'omwayi bw'ayagaaza buli ghantu, nga ghaligho edhindi ku ntaama dhe edhisansaine, zeena ntyo bwe ndyagaaza woonawoona okuzuula entaama dhange ye dhiri. Ndidhitoola eyo yoonayoona ye dhaasansaanira ku lunaku olwo olw'ebire ebyereere ku igulu n'enzikiiza agemye bedimudimu!

Hosea 1:11

Abantu ab'omu Buyudaaya n'ab'omu Isiraeli baliiramu okuba aghalala, beerondera omukulembeze mulala. Era ebintu biriiramu okubajiira obukalamu mu nsi yaibwe. Bwenebwene olunaku lw'e Yezireeli luliba lukologho inho.

Mika 4:6

Musengwa Katonda akoba ati: “Ekiseera kiidha kutuuka, nsoloze ghalala abantu be nabonereza, ni mbaleka batwalibwa mu bunhage okudaagiradaagira eyo.

Yoanne 10:16

Ndi n'entaama edhindi, aye nga tidhiri mu kyayo kino. Nteekwa dhoona okudhireeta, dhiriwulira amamiro gange, era dhirifuuka dha mu kyayo kirala n'omwayi mulala.

Yoanne 11:52

Ate nga tiikufiiririra ighanga kyonka aye n'okusoloza aghalala abantu ba Katonda abaali beeswireswire.

Yoanne 7:35

Abayudaaya beebuuzagania bati: “Ategeka kuja gha ye tutalimubonera? Ategeka kuja mu bale abeetabika n'Abagureki, ayegerese Abagureki?

Ab'Efeso 1:10

Entegeka eyo aligituukiriza ng'ekiseera kyayo kituuse, ng'ayimba ghalala mu Kurisito ebintu byonabyona ebiri mu igulu n'ebiri mu nsi.