Isaia 56:10 - Baibuli Ekibono kya Katonda 2014

¹⁰ Abakulembeze b'abantu bange bali ng'oti batulu beene. Tibakaalimu magezi, bali ng'oti n'embwa edhitaboigola. Baba mu kuwongera, na mu kutenduka ndoolo, na mu kuloota.

Isaia 56:10 ပူးပေါင်းရင်းမြစ်များ

2 Bakyabazinga 12:6

Aye omwaka ogwamakumi abiri n'esatu (23) nga kyabazinga Yoashi n'afuga gwatuuka, aye nga bazira ghe balongoosiisaaku naire.

Isaia 29:10

Musengwa Katonda abaleeteire okuwongera ng'oti n'abaja okutenduka endoolo enhingi einho. Imwe abalanzi, amaze okubaziba amaiso. N'imwe ababoni ababonekerwa, emitwe gyaimwe amaze okugighembaku.

Isaia 29:9

Mwesirughaze mufuuke basirusiru! Mwetulughaze mufuuke batulu! Mutamiire nga timunhweire na ku mwenge! Mutagale nga timukombye ku kitamiiza naire!

Isaia 52:8

Muwulire abakuumi b'ekibuga kyaimwe bwe baasiikana! Bali kwembera ghalala olw'eisanhu, kuba bali kubonera irala n'amaiso gaibwe nga Musengwa Katonda ali kwira e Sioni.

Isaia 58:1

Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Okulira 4:14

Abalanzi abo ni bakabona abo baatambulatambulanga eyo batyo mu nguudo edh'ekibuga ng'oti batulu, nga boonoonefu olw'omusaayi gw'abantu be baitanga, era ng'olw'ekyo ghazira muntu agema ku bivaalo byaibwe.

Ezekieli 13:16

abo nga n'abalanzi ab'omu Isiraeli abaalanga ku Yerusalemu, bati baabonekerwa nga kija kubaamu miraala myereere, waire nga mu butuufu bwene tighaali miraala naire. Nze Musengwa Katonda ninze nkobye.”

Ezekieli 33:6

Aye omukuumi bw'abona olutalo nga luli kwidha, n'atafuuwa igwala kulabula bantu, olutalo ni lwidha era owundi ku bantu abo n'afiiramu ng'ali mu bibi bye, olwo omusango ogw'okufa kwe ndiguta ku mukuumi oyo.

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Nahumu 3:18

Isebantu kyabazinga ow'e Assiria, abakungu bo bali mu ndoolo dhe bataja kuvaamu ebyanda n'ebyanda. Abantu bo basansaaniire mu nsozi era ghazira muntu wa kubasololeza ghalala.

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Ab'e Filippi 3:2

Mwekuume abakozi ab'ebibi abeesala omubiri, edho mbwa dheene.