Isaia 55:6 - Baibuli Ekibono kya Katonda 2014

⁶ Munoonie Musengwa Katonda nga mukaasobola okumubona gh'ali, mumusabe ng'akaabali kumpi.

Isaia 55:6 ပူးပေါင်းရင်းမြစ်များ

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

2 Ebyomubyanda 19:3

Aye era iwe okaaliku ebirungi, kuba wasaaniagho mu nsi yo ebifaananie by'omusambwa omukazi Ashera, era waafuba okukolanga ebyo Katonda by'ayenda.”

Ezera 10:2

Agho Shekania mutabane wa Yehieli owundi ku batabane ba Elamu yaakoba Ezera ati: “Tusungughaiza inho Katonda waife, olw'okubayiza abakazi abamaghanga agandi agali mu nsi eno. Aye waire ebyo biri bityo, Isiraeli ekaaliyo n'eisuubi.

Yobu 8:5

Aye bw'onaakyuka n'ogondera Katonda, era n'omweghemba oyo Aghanga Ebintu Byonabyona,

Zabbuli 14:2

Musengwa Katonda aba mu igulu yaalingirira ghansi, okubona oba nga eriyo omuntu alimu amagezi, asinza Katonda.

Zabbuli 145:18

Abo abasaba Musengwa Katonda, Musengwa Katonda oyo tabasuulirira, abo ababa nga bamusabye n'omwoyo omulala.

Zabbuli 148:14

Eighanga lye alighaire amaani, abantu be abamutya baamusaaka, abo nga n'Abaisiraeli b'agonza einho. Mwenamwena musaake Musengwa Katonda!

Zabbuli 27:8

Wankoba oti: “Idha onsinze.” Mpegaano nze nkoba nti: “Musengwa Katonda, ndidhie okukusinza

Zabbuli 32:6

Kyenva ni nkoba kiisi akutya, akusabenga mu biseera eby'enaku, olwo ebizibu ebyekuluumulula ng'oti mwiga gwa mwidhuzo lwe bitalimutuukaku.

Zabbuli 34:19

Ebizibu ebigwa ku batuufu biri kamaala, aye Musengwa Katonda abawonia yaatoolagho ebizibu byaibwe byonabyona.

Zabbuli 75:1

Wo Katonda waife, tusiimye inho, tusiimiire irala! Tusaaka eriina lyo nga tuloodha ebyewuunhisa kamaala by'okola.

Zabbuli 95:7

Oyo ni Katonda waife, ife tuli bantu be b'alabirira, era tuli ntaama dhe dh'ayaya. Kale ngoli ni olwaleero muwulira ky'akoba!

Ensambo 8:17

Ngonza abo abangonza, abo abandhagala n'omwoyo omulala bambona.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 26:9

Omwoyo gwange gwegomba okuba aghalala n'iwe obwire, era nkunoonia obutakoogha. Kuba bw'osalira abantu emisango mu nsi, olwo beega okukola ebituufu.

Isaia 45:19

Tyogerangaku mu kaama ng'oti n'ali mu nsi ey'enzikiiza. Tikobangaku Baisiraeli kuunooneza mu nsi ntabangufutabangufu, ni badaagira bwereere nga ti bambona. Nze Musengwa Katonda ndhogera mazima, naakobera abantu ebituufu.”

Isaia 45:22

Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

Isaia 46:13

Obulokozi bwange mbuseesiisa kumpi, tibukaali ghala naire. Tija kulwagho kulokola bantu bange. Ndinunula Yerusalemu olwa Isiraeli okumpeesanga ekitiisa.”

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 58:9

Bwe munandhetanga ndidha kuvugiranga, era bwe munandiriranga ndidhanga kubairamu nti, ‘Ndi ghano!’ “Bwe mulyetoolamu omuze ogw'okutuntuza banaimwe, okubanhoomerera, n'okuboogeraku ebibi,

Isaia 65:10

Balinsinzizanga e Sharoni era baatwalanga ebyayo byaibwe, baabyayira mu biketezo eby'e Sharoni eyo, ate byawuumuliranga mu kyetebwa Ekiiko eky'Ebizibu.

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Yeremia 25:5

abaabakobanga bati, ‘Buli muntu alekere okukola ebibi era akyuse empisa dhe embi. Memale olwo musigale nga muli mu nsi Musengwa Katonda ye yabagha, imwe ni badhaadha baimwe, ebenga yaimwe ku bwaimwe.

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Ezekieli 14:6

“Kale ni kobera ab'eighanga Isiraeli oti nze Musengwa Katonda ndi kubakoba nti: Mwenenie, mukyuke muve mu kusinza ebitali nze Katonda. Mukyuke muve ku ebyo byonabyona ebyenhinhalwa bye mujiiraku.

Ezekieli 33:11

Bakobe oti nze Musengwa Katonda nga bwendi omulamu, tinhumirwa kubona mwonooni ng'afiire. Aye nhenda akyuke aleke ebibi bye, abe mulamu. Imwe abantu b'eighanga Isiraeli, mukyuke. Mukyuke muve mu mpisa dhaimwe embi. Lwaki mwenda okufa?

Ezekieli 8:6

Era Katonda yankoba ati: “Iwe omuntu, oli kubona bye bali kukola? Oli kubona ebyenhinhalwa ebibitiriire, Abaisiraeli bye bali kukolera ghano, ebindeetera okwesamba eisinzizo lyange ni mba eghala einho nalyo? Aye ate oidha kubona ebyenhinhalwa ebibitiriire einho ebisinga n'agho.”

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Hosea 10:12

Nze naakoba nti, ‘Mulime enimiro dhaimwe edhaawuumuzibwaku okulimwa, musige ensigo ey'obutuufu. Mwidha kukungula ebibala olw'okungonza nze obutalekera. Kino n'ekiseera okuunoonia nze Musengwa Katonda. Era ndidha kwidha mbamwageku emikisa egy'obulokozi mingi ng'oti n'amaadhi agagwa.’

Amosi 5:6

Muje musinze Musengwa Katonda memale mube abalamu. Aye bwe mutaaje kumusinza, aidha kutumbukira ku kibuga Betheli ng'oti muliro, gwokye Abaisiraeli nga guziraku n'aguzikiza.

Yona 3:8

Buli muntu ateekwa okwesiba ekutiya, na buli nsolo esibibwe ekutiya. Buli muntu ateekwa okulekayo ebibi by'akola n'ebikolwa eby'obukambwe, yeeghembe Katonda n'omwoyo mulala okumusonigha.

Matayo 5:25

Isania ni y'owoza naye nga mukaali mu ngira, y'owoza naye alobe kukutwala ya mulamuzi, omulamuzi kukugemya mwisirukale kukusuula mu ikomera.

Luka 13:25

Mwenemu bw'alimala okusituka n'asibagho olwigi, imwe mulyemerera ku luya mwatoolera okukonkona ku lwigi nga mukoba muti, ‘Musengwa, twiguliregho.’ Alibairamu ati, ‘Tibaidhi! Muva gha?’

Yoanne 8:21

Yesu kabiri yaakoba ati: “Nze ndidha kuvaagho mulindhagala, era mwafiira mu kibi kyaimwe. Nze ye nja imwe timughanga kujaayo.”

Ab'Efeso 3:13

Kyenva mbeeghemba, mulobe kuwaamu maani olw'okubona nga ndaagadaaga ku lwaimwe, kuba ekyo kibagheesa ekitiisa.

Amateeka Agokubiri 4:29

Aye nga muli eyo, mwidha kusabanga Musengwa Katonda waimwe. Era bwe munaamusabanga n'omutima gwaimwe gwonagwona era n'omwoyo gwaimwe gwonagwona, aidhanga kubawulira.

Amateeka Agokubiri 4:7

“Agho Musa yaayongera okukoba ati: ‘Ezirayo ighanga lindi, ni bweriba eikologho litya, liri na katonda aliri okumpi einho, ng'oti ni Musengwa Katonda waife bw'atuba okumpi nga tumusabye okutubeera.

Abaheburayi 2:3

memale ife tuliwona tutya bwe tugayaalirira obulokozi obukulu obwaga agho? Obwo Musengwa mwene n'eyasooka okubulangirira, memale abo abaabuwulira, baatukakasa nga bwa mazima.

Abaheburayi 3:13

Aye mulambaganenga buli lunaku, kasita luba nga lwetebwa “Olwaleero”, ghalobe kubaagho naire omulala ku imwe obuguya obw'ekibi ye bukalangusa omwoyo.