Isaia 55:2 - Baibuli Ekibono kya Katonda 2014

² Lwaki mumalira empiiya dhaimwe ku ebyo ebitali mere? Lwaki mufaabiikanira ebyo ebitabaigusa? Mumpulirise bukalamu kye nkoba, olwo musobole okulyanga ebyo ebisinga kuba birungi, era mubenga basangaavu.

Isaia 55:2 ပူးပေါင်းရင်းမြစ်များ

Zabbuli 22:26

Abaavu balirya baiguta; abo abanoonia Musengwa Katonda balimusaaka! Mbendeza mubenga bwera ebyanda n'ebyanda!

Zabbuli 34:11

Mwidhe baana bange mumpulirise, ndidha kubeegeresa okutya Musengwa Katonda.

Zabbuli 36:8

Batoola ku bungi bw'emere eri mu ndhu yo baakola embaga, era baafuna ku birungi byo ebikuuluula ng'oti mwiga.

Zabbuli 63:5

Ndidha kuwuliranga mule bukalamu ng'oti n'omuntu aliire ku mbaga ensavu, era ndidha kukusaakanga n'eisanhu.

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Ensambo 1:33

Aye oyo awulira bye nkoba aidha kubanga mu miraala, era atyamenga atereere ng'aziramu kutya naire.”

Ensambo 7:23

akalaso mwe kagifumitira mu byenda. Omwisuka yali ng'oti n'enhonhi bw'eziinhuuka, ng'eri kuja okugwa ku mutego. Yali taidhi ng'ali kweita mwene.

Ensambo 8:32

“Agho ni, baana bange, mumpulirise. Ba nkabi abo abagema bye nkoba.

Ensambo 9:5

“Idha olye ku mere yange ye nfumbye, era onhwe ni ku mwenge gwange ogw'emizabbibu gwe mpiisiisa.

Omulangirizi 6:2

Katonda aja yaagha omuntu okuba omukombe, yaaba n'ebintu kamaala, era yaaba n'ekitiibwa, nga ghazira kintu ky'atali nakyo. Aye ate Katonda oyo yaaloba okumuganha okweyagalira mu bintu ebyo, kabiri omuntu atamanhiibwa naire yaabyeyagaliramu. Ekyo kiziramu muganhulo, era kiruma inho.

Isaia 1:19

Bwe munaabanga abagonvu era abawulize, mwidha kulyanga ku bibala ebirungi ebiva mu nsi yaimwe.

Isaia 10:27

Olunaku olwo bwe lulituuka, imwe ndibatoola mu buyinza bw'Abassiria, naabatwikula n'obuzito bwe baabatwikanga, naazikiriza ebikoligo ebibali ku mabega.”

Isaia 25:6

Ku lusozi luno Sioni, Musengwa Katonda Afuga Amagye alifumbira amaghanga goonagoona embaga, ng'eriku emere esinga bulungi n'omwenge gw'emizabbibu ogusinga bulungi.

Isaia 44:20

Omuntu oyo ali ng'oti n'ole alya eivu. Aba yeerimbye era ng'adaaliimye, nga takaasobola kuwonia bulamu bwe, waire okwebuuzaaku mule ati: “Ekifaananie kye ngemye mu ngalo dhange ti kya buguya bwereere?”

Isaia 46:6

Abantu baja baafukumula mu nsawo dhaibwe zaabu, baapima ni feeza ku minzaani. Olwo baasasula omugheesi era baalagira ebintu ebyo abigheeseemu ekifaananie eky'omusambwa, era baamala baakikubira amakiryaivu baakisinza.

Isaia 51:1

Musengwa Katonda akoba ati: “Mumpulirise imwe abanoonia okulokolebwa, mulowooze ku ibaale kwe mwabaadhibwa, ni ku kirombe eky'amabaale mwe baabasima.

Isaia 51:4

Imwe abantu bange mumpulirise; imwe eighanga lyange mutege kutu muwulire bye nkoba. Nditaagho amateeka gange, naayegeresa abantu boonaboona okukola amazima agaliba ekimulika eri amaghanga goonagoona.

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Isaia 62:9

Aye abo abaakungula emere eyo, n'abaligirya baasaaka Musengwa Katonda. N'abo abaanoga emizabbibu n'abalinhwera omwenge gwagyo mu mpya dh'ekifo kyange ekitukuvu.”

Isaia 65:23

Emirimo gye balikola tibalidaagira bwereere. N'abaana be balizaala tibalituukibwaku kabi naire kuba nze Musengwa Katonda mwene ndibagha enkabi ghalala n'eizaire lyaibwe.

Yeremia 12:13

Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Yeremia 17:24

“Koba abantu abo oti bateekwa okugonderanga ebiragiro byange byonabyona. Balobe kubbeedanga kintu kyonakyona kukibisa mu miryango egy'ekibuga kino ku lwa Sabbato, waire okukolanga omulimo gwonagwona. Aye bakuumenga olunaku olwo nga lutukuvu.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 31:14

Ndigha bakabona emere enhingi einho esinga bulungi, naagha n'abantu bange byonabyona bye beetaaga. Nze Musengwa Katonda, ninze nkobye.”

Hosea 12:1

“Abaisiraeli bye bakola biziramu muganhulo. Kuli ng'oti n'okwaya empewo eva e buvandhuba, n'ogibingirira olunaku lwonalwona. Beeyongera bweyongere kuguya na kukola bikolwa bya bukambwe. Bakola endagaano ni Assiria, era baasuubulagana ni Misiri.”

Hosea 8:7

Nga bwe baasiga empewo era balikungula kiwunga ow'amaani. Engaano nga tetaireeku bifaaganda, terivaamu mere naire. Aye ni bweyanditaireku ebifaaganda n'ebala, era abagwira n'abandigiriire.

Habakkuku 2:13

Bona eno, Musengwa Katonda Afuga Amagye n'eyaleetera amaghanga ge mwaghangula, gakola emirimo emikalangufu, aye nga bye bakola bija kwokebwa bwokebwe. Era Musengwa Katonda oyo n'agaleetera okufaabiikana nga tigaja kuganhulwa naire.

Matayo 15:9

Bansinza mu nsinza eziramu, nga beegeresa endhegeresa abantu ye bataagho obute, n'eba ng'oti n'endhegeresa eyange.’ ”

Matayo 22:4

Kabiri yaatuma abagheereza abandi yaabakoba ati, ‘Mukobe abaayetebwa muti, embaga etuuse, mmaze okwita ente endaagho n'ente entototo empiite, era mmaze okutegeka buli kintu baidhe ku mbaga.’

Matayo 5:6

Ba nkabi abalumwa endhala n'endiwo ey'okukola ebituufu, kuba baliigusibwa.

Mariko 7:14

Agho Yesu kabiri yaayeta abantu gh'ali, yaabakoba ati: “Mumpulirise mwenamwena era mutegeere.

Luka 15:23

Muleete n'ente entototo eyo empiite era ensavu obukalamu, mugiite, tulye, tusagambe

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Ab'e Roma 10:17

Kale ni okwikiriza kuva mu kuwulira bukwenda, era obukwenda buli mu kukobera abantu ebigema ku Kurisito.

Ab'e Roma 9:31

Aye ng'Abaisiraeli abaanoonia obutuukirivu obujiira ku Mateeka, tibaasobola kutuukiriza Mateeka ago.

Amateeka Agokubiri 11:13

“Kale ni mufubenga okutuukiriza ebiragiro, bye mbaghaire olwaleero. Mugonzenga Musengwa Katonda waimwe, mumugheerezenga n'omutima gwaimwe gwonagwona, n'omwoyo gwaimwe gwonagwona.

Abaheburayi 13:9

Okwegeresa okundi kwonakwona kwe babaleetera kutabadaalimyanga. Kuba ekikulu n'ekisa kya Katonda okutugumya omwoyo, okusinga akujiira ku mateeka ag'eby'okulya agataganhulangaku abo abagajiiraku.