Isaia 55:13 - Baibuli Ekibono kya Katonda 2014

¹³ Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Isaia 55:13 ပူးပေါင်းရင်းမြစ်များ

Zabbuli 96:12

Enimiro n'ebidhirimu byonabyona ka bisangaale, olwo emiti gyonagyona egy'omu kibira gyembe n'eisanhu,

Isaia 19:20

Obwo buliba bumanhiso obwoleka nga Musengwa Katonda Afuga Amagye ali mu nsi Misiri. Era abantu bwe balimulirira nga bali kutuntuzibwa, alibatumira omuyambi yaabalwanirira era yaabawonia.

Isaia 32:13

n'olw'ensi ey'abantu bange eri kumeramu amawa n'enkandwa. Bwenebwene munakughale olw'amayumba agasanhusa, abantu ge baasagambirangamu mu kibuga ekyo ekyeyagaza.

Isaia 35:1

Eirungu lirisagamba, ensi enkalukalu yaamulisa ebimuli.

Isaia 35:2

Eirungu liryemba lyakuba emizira. Liriboneka bulungi nga lisanhusa ng'oti n'ensozi dh'e Lebanoni, era lyaba igimu ng'oti n'enimiro edh'e Karumeli n'e Sharoni. Abantu boonaboona balibona ekitiisa kya Musengwa Katonda, baabona n'amaani n'obuyinza bwe.

Isaia 41:19

Ndimeza mu irungu emiti emivule, n'emikasia, n'emyoliva, n'emiti egindi. Ndimeza mu itaka eikalu emiti emisipuressi, n'emipulane, n'emyalumugi, gyonagyona gyakulira ghalala.

Isaia 43:21

Abo n'abantu bange, nze mwene be neeteeragho, bansaakenga.”

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Isaia 54:10

Ensozi dhisobola okuvaagho, n'obusozi bwawaagho. Aye nze okugonza kwe nkugonzaamu tikuja kuvaagho, n'endagaano ey'emiraala ye nakola n'iwe teja kukoma.” Atyo bw'akoba Musengwa Katonda oyo akugemerwa ekivunika.

Isaia 56:5

ndireetera eriina lye okwidhukirwanga buliidho mu isinzizo lyange ni mu bantu bange aghazira kwerabirwa naire, okusinga bwe yandibaire azaire abaana abalenzi n'abaghala.”

Isaia 60:13

Abantu balireeta emiti egiva e Lebanoni, emisipuressi, emipulane, n'emyalumugi, baagizimbisa buyaaka eisinzizo lyange okuliwoomya, n'okugheesa ekibuga kyange ekitiisa.

Isaia 60:17

Ndikuleetera zaabu mu kifo eky'okukuleetera ekyuma eky'ekikomo, naakuleetera feeza mu kifo eky'okukuleetera ekyuma ekigumu einho; naakuleetera ekyuma eky'ekikomo mu kifo eky'okukuleetera omuti, era naakuleetera ekyuma ekigumu einho mu kifo eky'okukuleetera amabaale. Ndireetera abakulabirira okubanga ab'emiraala aghazira kukunhigiriza; era naaleetera abo abakusalira amakatala, baakukoleranga ebituufu.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Isaia 63:14

Omwoyo gwa Musengwa Katonda gwagha abantu ba Musengwa Katonda oyo okuwuumula, baaba ng'oti n'ente edhitwaliibwa mu kiiko ekigimu. Kale Musengwa Katonda atyo yaabakulemberamu era yaaleetera eriina lye okugheebwanga ekitiisa.

Isaia 7:11

“Saba Musengwa Katonda wo akughe akamanhiso, ka kabe nga kava ghansi e magombe oba nga kava ghaigulu mu igulu.”

Isaia 7:19

Baliidha beeyugha mu biiko, ni mu ntanda edheeyatisa mu mbaale, ni mu bisaka byonabyona eby'amawa, ni mu byayiro byonabyona.

Isaia 7:24

Abantu baliidhanga omwo okuyiiga n'obulaso n'obusaale, kuba ensi eyo yoonayoona eriba eidhwire nkandwa na mawa.

Yeremia 13:11

Ng'ekivaalo ky'omu nkende bwe kyegemera irala ku nkende y'omuntu, ntyo bwe nayenda n'abantu b'omu Isiraeli n'ab'omu Buyudaaya boonaboona baneegemereku irala. Olwo babenga bantu bange abaleetera eriina lyange okusaakibwa n'okutiibwa. Aye beene baaloba okungondera.”

Yeremia 33:9

Ekibuga kino Yerusalemu kirindeetera eisanhu n'ekitiisa era kyaneesiimisa. Amaghanga goonagoona ag'omu nsi galitya era gaadhugumira nga baboine nga bwe nkolera abantu b'omu Yerusalemu ebirungi, era nga bwe mbaleetera ebintu okubajiira obukalamu.”

Yeremia 50:5

Balibuuza engira eja e Sioni, era baasimba mu ngira eyo nga bakoba bati, ‘Mwidhe tweyimbe ku Musengwa Katonda, tukole naye endagaano ey'ebyanda n'ebyanda, ye tutaja kumenhagho naire.’

Ezekieli 28:24

Musengwa Katonda era yaakoba ati: “Ku maghanga goonagoona ageezungulwire ensi Isiraeli agaaginhoomanga, tighalibaagho waire eirala liti eririgifuukira olukandwa okugikwadula oba okugifuukira eiwa okugifumita. Olwo balimanha nga ninze Musengwa Katonda.”

Mika 7:4

N'omuntu oyo atwalibwa okuba nga n'abasingamu obulungi n'obwesigwa, yeena muzira makulu ng'oti n'eisubi erizira muganhulo. Aye ekiseera kituuse Katonda ababonereze, nga bwe yabalabula ng'abita mu balanzi, abantu baibwe, ababalengeza ku bija okubaagho. Buti basobeirwa!

Zekaria 1:8

Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Luka 2:14

“Ekitiisa kibe ye Katonda eyo ghaigulu yeene, n'emiraala gibe ku nsi ku bantu be b'agonza.”

Yoanne 15:8

Bwe mwama einho muba beegeresebwa bange era mwoleka ekitiisa kya Lata wange.

Ab'e Roma 6:19

Ndhogera ng'omuntu obuntu, olw'obunafu obw'okutegeera kwaimwe. Ng'era bwe mweghangayo ni muba abairu mu kukola eby'eiko ni mu kwonoona, ni mukola ebibi, kale ni mperaano mwegheereyo irala ng'abairu ab'obutuufu, musobole okutukuzibwa.

2 Ab'e Korintho 5:17

Agho ni buli muntu aba mu Kurisito aba kitonde kiyaaka, ekikaire kivaagho ekiyaaka kyaidha.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.