Isaia 55:11 - Baibuli Ekibono kya Katonda 2014

¹¹ Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Isaia 55:11 ပူးပေါင်းရင်းမြစ်များ

Isaia 40:8

Waire nga kituufu ng'eisubi liniala n'ekimuli kyamagala, aye ekibono kya Katonda kibaagho ebyanda n'ebyanda.”

Isaia 45:23

Neerayiriire mwene, era kye ndhogera tija kukitoolagho naire: Kiisi muntu alinkubira amakiryaivu, era kiisi lulimi lulyeyama mu liina lyange.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Isaia 54:9

“Nga bwe nalayira mu biseera bya Noa obutairamu kabiri kuleeta maadhi ga mwidhuzo kubanda ku nsi, ni leero ntyo bwe ndi kulayira obutairamu kabiri kukusungughaliranga na kukudhuukanga, waire okukubonerezanga.

Isaia 59:21

Nkoze n'imwe endagaano, era mbaghaire obuyinza bwange n'endhegeresa yange, bibenga byaimwe buliidho. Era okuva ni mpegaano mwidha kungonderanga era mwegeresenga abaana baimwe okumpuliranga ebyanda n'ebyanda.”

Yeremia 1:11

Agho Musengwa Katonda yambuuza ati: “Yeremia, oli kubona ki?” Naamwiramu nti: “Ndi kubona olusaga olw'omuti omwalumondi.”

Yeremia 1:12

Musengwa Katonda yankoba ati: “Oboine bukalamu, kuba ndi kwetegereza inho ekibono kyange kye nja okutuukiriza.”

Yeremia 1:13

Kabiri Musengwa Katonda yambuuza omukuzi ogwokubiri, ati: “Oli kubona ki?” Naamwiramu nti: “Ndi kubona entamu eri kutogota, ng'eri ku luuyi olw'omukono omugooda olw'e buvandhuba era nga yeeghendhekeire eruuyi eno.”

Yeremia 23:20

Era obusungu bwa Musengwa tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.”

Yeremia 25:13

Ndituusa ku Babilonia buli kabi akaaghandiikibwa mu kitabo kino, ke neesoomera okusindikira amaghanga goonagoona, nga bwe nayogera nga mbita mu Yeremia.

Ezekieli 24:14

Nze Musengwa Katonda mwene, ninze nkobye. Era ekyo ndikikola naakituukiriza. Tiriira inhuma, tirisaasira era tiryeidhusa naire. Ndikusalira omusango nga njiira ku mpisa dho ni ku bikolwa byo.” Musengwa Katonda atyo bw'akoba.

Amosi 6:11

Bona eno, Musengwa Katonda bw'aliragira, endhu enkologho n'edho entono dhija kumenhebwamenhebwa dhisigale bumulumulu.

Zekaria 1:6

Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Matayo 24:35

Eigulu n'ensi biriwaagho aye ebibono byange tibiriwaagho.

Yoanne 6:63

Mwoyo n'agaba obulamu, omubiri ghazira kye guganhula. Ebibono bye mbakobye ni Mwoyo era n'obulamu.

Ab'e Roma 10:17

Kale ni okwikiriza kuva mu kuwulira bukwenda, era obukwenda buli mu kukobera abantu ebigema ku Kurisito.

1 Ab'e Korintho 1:18

Abo abali kuzikirira tibabona makulu mu kibono kya kufa kwa Kurisito ku musalaba, aye ife abali kulokolebwa tukibona nga n'amaani ga Katonda.

Amateeka Agokubiri 32:2

Nsaba bye ndhegeresa bibe ng'oti n'amaadhi agali kugwa, bye ndhogera bigwe ng'oti musulo, ng'oti n'oluudhi olufuunhagala ku bimera ebigonvu, ng'oti n'olumiiyirizi ku isubi eito.

1 Ab'e Thessalonika 2:13

Era titulekera kweyanza Katonda kuba bwe mwawulira ekibono kye, kye twabakobera mwakisangaalira ti ng'ekibono eky'abantu aye ng'ekibono ekya Katonda, nga era bwenebwene bwekiri ekibono kya Katonda ekikolera mu imwe abaikiriza.

Abaheburayi 6:7

Amaadhi gatoonha ku itaka emikuzi kamaala, eitaka lyaganhwa, era lyakuza ebisimbe ebiganhula beene byo Katonda yaaligha enkabi.

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

1 Petero 1:23

Kuba mwazaalibwa omukuzi ogwokubiri. Aye ku luno timwazaalibwa muzaire oyo afa, aye mwazaalibwa oyo atafa, nga mubita mu kibono kya Katonda ekiramu era ekitawaagho.

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.