Isaia 55:10 - Baibuli Ekibono kya Katonda 2014

¹⁰ Amaadhi n'omugozi biva ku igulu byagwa, byaloba kwirayo ghaigulu kabiri, aye byafukirira eitaka, byameza ebimera era ebimera ebyo byamala byataaku ebibala. Olwo byagha omulimi ensigo ey'okusiga n'emere ey'okulya.

Isaia 55:10 ပူးပေါင်းရင်းမြစ်များ

Zabbuli 104:15

Afune n'omwenge ogw'emizabbibu ogumusangaaza, n'omuzigo ogw'ebibala eby'emiti emyoliva ogumusanhusa, era afune n'emere emugha amaani mu mubiri.

Isaia 30:23

Olwo buli bye mulisiganga, Musengwa Katonda alibifukiriranga amaadhi agagwa byakula, yaabaleetera okukungula ebirime eby'omwero. Ensolo dhaimwe dhiriba n'ebyayiro ebigazi obukalamu.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Isaia 61:11

Bwenebwene ng'eitaka bwe limeza ebimera, era ng'enimiro bw'ekuza bye bagisimbyemu, ni Musengwa Katonda atyo bw'alireetera obutuufu okumeruka mu bantu be, amaghanga goonagoona gaamutaamu ekitiisa.

Ezekieli 34:26

“Ndibagha enkabi, era baabanga mu kiketezo ekyezungulwire olusozi lwange. Naabaleeteranga amaadhi amalungi okugwa mu biseera byago mwe bageetaagira.

Hosea 10:12

Nze naakoba nti, ‘Mulime enimiro dhaimwe edhaawuumuzibwaku okulimwa, musige ensigo ey'obutuufu. Mwidha kukungula ebibala olw'okungonza nze obutalekera. Kino n'ekiseera okuunoonia nze Musengwa Katonda. Era ndidha kwidha mbamwageku emikisa egy'obulokozi mingi ng'oti n'amaadhi agagwa.’

Hosea 2:21

Mu biseera ebyo nze Musengwa Katonda, ndiwulira okusaba kw'abantu bange Abaisiraeli, naalagira eigulu lyagwisa ku nsi amaadhi.

Amateeka Agokubiri 32:2

Nsaba bye ndhegeresa bibe ng'oti n'amaadhi agali kugwa, bye ndhogera bigwe ng'oti musulo, ng'oti n'oluudhi olufuunhagala ku bimera ebigonvu, ng'oti n'olumiiyirizi ku isubi eito.

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.

1 Samueli 23:4

Agho Daudi yeebuuza ku Musengwa Katonda kabiri. Musengwa Katonda yaamwiramu ati: “Situkiramu oje e Keila, kuba ndidha kukugha Abafilisiti abo obaghangule.”