Isaia 54:7 - Baibuli Ekibono kya Katonda 2014

⁷ “Nakulekulira agho okumala akaseera, aye ndikwiza ye ndi, kuba nkugonza inho.

Isaia 54:7 ပူးပေါင်းရင်းမြစ်များ

Zabbuli 106:47

Wo Musengwa Katonda waife kola otuwonie, otusoloze okuva eyo mu maghanga ye twasansaanira. Olwo tukusiimenga olw'eriina lyo eitukuvu, era tukusaakenga olw'ekitiisa kyo.

Zabbuli 107:3

n'abaiza okuva mu nsi kamaala e buvandhuba n'e bugwandhuba, ni mu nsi edhiri ku luuyi olw'omukono omugooda ni ku lw'omukono omusaadha olw'e buvandhuba.

Zabbuli 30:5

Kuba obusungu bwe bubaagho kaseera buseera, aye obulungi bwe bubaagho mu bulamu obw'omuntu bwonabwona. Omuntu asobola okulira obwire bwonabwona, ate bwe bukya yaaseka.

Zabbuli 30:6

Bwe nali nga ndi bukalamu, naja neekiina nga nkoba nti: “Ezira kirindhugumiza.”

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 11:12

Musengwa Katonda alighanikira amaghanga bendera, yaagamanhisa nga bw'ali kusoloza abantu abaabingibwa mu Isiraeli ni mu Buyudaaya, abatoole eyo ye baabasansaaniza mu ndhuyi eina edh'ensi.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 14:1

Musengwa Katonda aliiramu okugemerwa Abaisiraeli ekivunika, yaabalonda kabiri okuba abantu be. Era alibaizaayo mu nsi yaibwe, baaba omwo. N'abasenze baliidha baabeeyimbaku, baabanga ghalala ni baidhukulu ba Yakobo abo.

Isaia 26:20

Mwidhe imwe abantu bange, mwingire mu ndhu dhaimwe, mweigalize mwegise omwo okumala akaseera, okutuusa obusungu bwa Katonda lwe buliwaagho.

Isaia 27:12

Ku lunaku olwo, Musengwa Katonda alisoloza abantu be Abaisiraeli, okuva ku mwiga Eufurate okutuuka ku kaiga ak'oku nsalosalo ni Misiri, ng'oti n'omuntu asensa engaano okuva mu biwusu.

Isaia 27:8

Musengwa Katonda yabonereza abantu be ng'abatwala mu bunhage. Yabakunguudhia n'empewo ye enkambwe eva e buvandhuba.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 49:13

Iwe eigulu yemba olw'eisanhu, n'iwe ensi osagambe. Imwe ensozi mutimbuke mwembe enhembo; kuba Musengwa Katonda aiziiza mu bantu be amaani. Era aligemerwa ekivunika abantu be abadaazibwadaazibwa.

Isaia 49:18

Linga ere ku ndhuyi dhoonadhoona obone. Baabo bali kwesoloza okwidha y'oli. Nze Musengwa Katonda nkoba nti nga bwendi omulamu, abantu bo abo baidha kukuleeteranga okwesiima, ng'oti n'ebyamadholobera bwe bireetera omugole abivaire okwesiima.

Isaia 49:21

Agho olyebuuza mule oti, ‘Naani eyanzaalira abaana bano boonaboona? Nze nafiirwa abaana, naasigalagho mulala ati ng'oti n'ole atazaalangaku, era abazigu bantoolagho, bantwala mu bunhage. Kale, naani eyaleeta abaana bano, ate nga bwenebwene nze naasigalagho mulala nti? Abaana bano baava gha.’ ”

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 56:8

Musengwa Katonda, oyo asoloza abantu be Abaisiraeli abaabingibwa mu nsi yaibwe, akoba ati alisolozaayo n'abandi, boona baidha beeyongera ku abo abaamala eira okusolozebwa.

Isaia 60:10

Musengwa Katonda akoba Yerusalemu ati: “Ab'amaghanga agandi balizimba ebimante byo ebikwezungulwire, ni bakyabazinga baibwe baakugheereza. Nze nakubonereza nga ndiku obusungu, aye mpegaano nkugemeirwa ekivunika, naakusaasira.

Isaia 60:4

Weezunguluze amaiso obone, abantu boonaboona nga bwe bali kwesololeza aghalala nga baidha y'oli. Batabane bo baliva eghala eyo baidha; ni baghala bo balibabbeeda baabaleeta y'oli.

Isaia 62:4

Toliiramu kabiri kwetebwa “Eyalekulirwa agho,” oba ensi yo okwiramu okwetebwa “Ekifulukwafulukwa.” Aye olyetebwa “Eyasiimibwa,” n'ensi yo yaayetebwa “Mufumbo”; kuba Musengwa Katonda akusiima, era ensi yo eriba ng'omukazi omufumbo.

Isaia 63:7

Ndiromboodha nga Musengwa Katonda bw'atugonza nga talekera, era naamusaaka olw'ebyo byonabyona by'atukoleire. Era ndimusaaka kuba ayoleike ekisa ekitaloodheka eri ab'endhu ya Isiraeli, olw'okusaasira kw'ali nakwo okwidhwire okugonza okungi einho.

Isaia 66:18

Nze ndidhi bye bakola ni bye balowooza. Ekiseera kiidha kutuuka nsoloze ab'amaghanga goonagoona aboogera enimi edha buli nsambo. Baliidha baabona ekitiisa kyange,

Yeremia 51:5

kuba nze Musengwa Katonda, Katonda Afuga Amagye, tirekuliire agho Baisiraeli na Bayudaaya, waire nga beene baiza omusango ye ndi, nze Omutukuvu wa Isiraeli.

Okulira 3:31

Musengwa talekulira agho muntu n'amwerabirira irala.

Okulira 3:32

Waire asobola okuleetera omuntu okudaagadaaga, aye olw'okugonza kwe okungi okutakoma, amala yaamugemerwa ekivunika;

Ezekieli 36:24

Ndibatoolayo eyo mu maghanga, naabasolozaayo eyo mu nsi dhoonadhoona, naabaiza mu nsi eyaimwe.

Mika 4:6

Musengwa Katonda akoba ati: “Ekiseera kiidha kutuuka, nsoloze ghalala abantu be nabonereza, ni mbaleka batwalibwa mu bunhage okudaagiradaagira eyo.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

Ab'Efeso 1:10

Entegeka eyo aligituukiriza ng'ekiseera kyayo kituuse, ng'ayimba ghalala mu Kurisito ebintu byonabyona ebiri mu igulu n'ebiri mu nsi.

Amateeka Agokubiri 30:3

Musengwa Katonda waimwe aidha kubagemerwanga ekivunika. Aidha kubasolozanga eyo mu maghanga goonagoona y'anaabasansaanizanga, abaize mwiremu okuba obukalamu.

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”

2 Petero 3:8

Aye bakagwa, muteerabira nga mu maiso ga Musengwa olunaku olulala, n'emyaka olukumi (1,000), byaga, ghazira ndhawulo.