Isaia 54:2 - Baibuli Ekibono kya Katonda 2014

² Kola ogaziye weema yo, ogaziye n'ensuubo dhaamu, oleeye n'emigugha gyayo, era onhweze n'enkondo dhaayo.

Isaia 54:2 ပူးပေါင်းရင်းမြစ်များ

Amainhama 26:22

Eyo yaavaayo, yaasima ensulo eyindi, baaloba kugikaayanira; yaagituuma eriina Rehobothi. Yaakoba ati: “Mpegaano Musengwa Katonda atughaire aghagazi, twidha kwala mu nsi.”

Okuvaayo 35:18

Era tukozese bino: enkondo edhigemerera Weema ey'Okwagaananirangamu ni Musengwa Katonda ku itaka, ghalala n'enkondo edhigemerera olugugiriro ku itaka, n'emigugha gyaku.

Okuvaayo 39:40

Era baamuleetera entimbe edh'oku lugugiriro olw'oku Weema Entukuvu, n'empango dhaayo, n'ebikolo byaku, n'ekikinzaagho mu mulyango ogw'olugugiriro, n'emigugha gyaku, n'enkondo dhaaku, n'ebikozesebwa byonabyona mu Weema.

Isaia 26:15

Wo Musengwa Katonda, oleeteire eighanga lyaife okweyongeraku obunene, waagaziya ensalosalo dhaalyo dhoonadhoona, era ekyo kyayongera okukugheesa ekitiisa.

Isaia 33:20

Mulingirire Sioni ekibuga kye tukulizaamu embaga edh'ebibinuko byaife ebyalagirwa. Mubone Yerusalemu nga bwe kirimu emiraala, kuba era ekyo n'ekifo ekibeekamu. Kiriba ng'oti ni weema ye batatoolagho, ng'enkondo dhaayo tidhisimbulwagho, waire emigugha gyayo okukutuka.

Yeremia 10:20

Eweema dhaife badhoonoine, n'emigugha egidhibamba gyonagyona gikutwike. Abaana baife batuviireku, tibakaaligho. Ghazira muntu wa kutubambira weema dhaife, na kudhitaamu nsuubo dhaamu.”

Mika 7:11

Abantu ab'e Yerusalemu, ekiseera kiidha kutuuka musobole okuzimba ekimante okwezunguluza ekibuga kyaimwe. Era agho Yerusalemu kija kugazigha ensalosalo dhaakyo.