Isaia 54:13 - Baibuli Ekibono kya Katonda 2014

¹³ Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Isaia 54:13 ပူးပေါင်းရင်းမြစ်များ

Zabbuli 119:165

Abagonza amateeka go bawulira miraala myereere, ghazira kisobola kubasuula.

Zabbuli 119:33

Wo Musengwa Katonda, ndhegeresa okutegeera ebyo by'olagira, ndidha kubijiirangaku ekiseera kyonakyona.

Zabbuli 147:14

Akuuma ensalosalo edh'ekiketezo kyaimwe nga dhirimu emiraala, era yaabagha emere enkalamu yeene nga ya mwero.

Zabbuli 71:17

Wo Katonda wange, onsomeisa okuva mu buto bwange, ni ye buli eno nkaakobera abantu ebyewuunhisa by'okola.

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 2:3

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Isaia 26:3

Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Isaia 28:9

Bakoba bati: “Oyo yeena ayegeresa ani? Naani eyeetaaga ebyo by'ayegeresa? Koodhi aje ayegerese abato abaakava obw'oku mabeere!

Isaia 29:24

Abasirusiru balifuuka abategeevu, n'abo abatasiima abeemuluguunhia buli kiseera balisangaala olw'okwegeresebwa.”

Isaia 48:18

“Ha, kale ngoli wawulira ebiragiro byange! Wandibaire mu miraala egikuuluula ng'oti mwiga ogutakala, era waaba n'obughanguzi obw'amaani ng'oti kwefuukuula kwa nhandha.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Isaia 54:12

Obusolya obw'endhu dho ndibuzimbisa amabaale ageetebwa agate, emiryango gyo naagizimbisa ageetebwa karabunkule, ate ebimante byo ebikwezungulwire naabizimbisa amabaale agandi ag'omughendo aga buli nsambo.

Isaia 55:12

Muliva mu Babiloni nga muli basangaavu; mwavaayo mwatwalibwa nga muli mu miraala. Ensozi n'obusozi biritimbuka byayemba, n'emiti gyonagyona gyasangaala gyakuba mu ngalo.

Isaia 66:12

Musengwa Katonda akoba ati: “Bona, ndireetera ebirungi okuba mu Yerusalemu ebingi einho, nga bikuuluula bukuuluule ng'oti mwiga. Obukombe obw'amaghanga buliyoolookera omwo ng'oti n'omwiga ogwidhwire ni gubanda n'okubanda. Era imwe mulirabirirwa ng'oti mwana mughere inhina y'ayonsa, n'amulera era n'amutenga ku mubiri.

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Yeremia 33:6

Aye bona eno, ndiizaagho ekibuga kino bukalamu era naakireetera okuwona. Abantu baamu ndibaleetera okuba mu miraala kamaala, ng'ebintu bibajiira bukalamu.

Ezekieli 34:25

Ndikola nadho endagaano ey'emiraala, naamalagho mu nsi eyo ensolo enkambwe. Olwo entaama dhisobole okubanga eyo mu nsiko nga dhiri mu miraala, era dhitendukenga n'eyo mu bibira.

Ezekieli 34:28

Amaghanga agandi galiba nga tigakaabatuntuza, waire ensolo edh'omu nsiko mu nsi eyo okubakankamira. Baliba mu miraala nga ghazira kintu kyonakyona kibatiisa naire.

Ezekieli 37:26

Ndikola nabo endagaano ey'emiraala etawaagho byanda na byanda. Naabagha enkabi beeyongera obungi, era naabataamu eisinzizo lyange libabeemu ebyanda n'ebyanda.

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.

Mika 4:2

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Zekaria 10:7

Olwo abantu b'omu Isiraeli baliba ng'oti n'abalwani abaziramu ntete. Era mule baliba basanhuukirivu ng'oti n'abanhweire omwenge ogw'emizabbibu. Baidhukulu baibwe bwe baliidhukiranga obughanguzi buno, balisagambanga olw'ebyo nze Musengwa Katonda bye nkoze.

Matayo 16:17

Yesu yaamukoba ati: “Simoni mutabane wa Yona, oli wa nkabi, kuba ti muntu buntu eyakubwikulira ekyo, aye Lata wange ow'omu igulu.

Luka 24:45

Agho yaigula emyoyo gyaibwe okutegeera Ebyaghandiikibwa,

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Yoanne 6:45

Kyaghandiikibwa mu balanzi kiti, ‘Boonaboona balyegeresebwa Katonda.’ Yeenayeena awulira ebya Lata n'ayega, aidha ye ndi.

Ebikolwa by'Abatume 2:39

kuba ekisuubizo kya Katonda kyaimwe n'abaana baimwe, n'abo boonaboona abali eghala, boonaboona Musengwa Katonda waife oyo b'aba ng'ayese.”

Ab'e Roma 14:17

kuba Obwakyabazinga bwa Katonda tibuva mu kulya na kunhwa, aye buva mu butuufu, mu miraala na mu kusangaala, Mwoyo Mutukuvu by'atugha.

Ab'e Roma 15:13

Katonda, ensimuko ey'okusuubira, abaidhuze eisanhu n'emiraala olw'okumwikiriza, mughange okweyongeranga okuba n'eisuubi olw'amaani ga Mwoyo Mutukuvu.

Ab'e Roma 5:1

Kale oba nga mu maiso ga Katonda tubalibwa okuba abatuukirivu lwa kwikiriza, tuba n'emiraala ku lwa Musengwa waife Yesu Kurisito.

1 Ab'e Korintho 2:10

Aye niife Katonda be yamanhisa ekyama kye ng'abita mu Mwoyo we. Kuba Mwoyo aidhi buli kintu, era n'entegeka dha Katonda edh'omunda.

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'Efeso 4:21

Nkakasa nga mwamuwuliraku, era imwe ng'ababe, mwayegeresebwa amazima agali mu Yesu.

Ab'e Filippi 4:7

Era n'emiraala gya Katonda egiswikiriire okumanha kwonakwona gikuume emyoyo n'amagezi gaimwe mu Kurisito Yesu.

1 Ab'e Thessalonika 4:9

Tikyetaagisa muntu kubaghandiikira ku bigema ku kugonzania ng'abaikiriza. Katonda mwene n'eyabeegesa okugonza.

Abaheburayi 8:10

Eno n'endagaano ye ndikola n'abantu ba Isiraeli: Musengwa ayogera ati Mu biseera ebiri kwidha, ndita amateeka gange mu bidhuubo byaibwe, era ndigaghandiika mu myoyo gyaibwe. Ndiba Katonda waibwe, boona baaba bantu bange.

Abaheburayi 8:11

Ghazira aliba na kwegeresa mwine, oba aliba na kukoba muganda we ati, ‘Manha Musengwa!’ Kuba okuviira irala ku asembayo obuto okutuukira irala ku mukulu asingayo, boonaboona baliimanha.

1 Yoanne 2:20

Aye imwe, Omutukuvu yabagha Mwoyo kale mwenamwena muli n'amagezi.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.