Isaia 54:12 - Baibuli Ekibono kya Katonda 2014

¹² Obusolya obw'endhu dho ndibuzimbisa amabaale ageetebwa agate, emiryango gyo naagizimbisa ageetebwa karabunkule, ate ebimante byo ebikwezungulwire naabizimbisa amabaale agandi ag'omughendo aga buli nsambo.

Isaia 54:12 ပူးပေါင်းရင်းမြစ်များ

1 Bakyabazinga 7:4

Mu bisenge byayo mwalimu enhiriri isatu edh'amadinisa, nga galinzagainia.

Okuvaayo 28:19

Ate akanhiriri akokusatu kabeeku ageetebwa yasintha, agate, ni amethisiti.

Isaia 49:16

Bona eno iwe ekibuga Yerusalemu, nkoze ekifaananie kyo mu ngalo dhange, era ebisenge byo mbibona n'amaiso gange buli kaseera.

Isaia 54:11

Musengwa Katonda akoba ati: “Iwe ekibuga Yerusalemu odaazibwadaazibwa era oyuuzibwayuuzibwa kiwunga, ghaaloba kubaagho akugumyaku naire. Aye bona eno, ndikuzimbisa amabaale ag'okudholigadholiga, emisingi gyo naagizimbisa amabaale ag'omughendo ageetebwa saffiro.

Isaia 54:13

Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Ezekieli 48:31

eribaayo emiryango esatu egirituumibwa amaina ag'ebika eby'Abaisiraeli omulyango gwa Reubeni, n'ogwa Yuda, n'ogwa Levi.

Zekaria 9:16

Ku lunaku olwo, Musengwa Katonda wa Isiraeli aliwonia abantu be abo, ng'oti n'omwayi bw'awonia ebyayo bye obutatuukibwaku kabi. Balimesunkanira mu nsi ye ng'oti n'amabaale ag'omughendo bwe gamesunkanira ku ngule.

Okwolekebwa 21:12

Kyali kyezungulwirwa ekimante ekikologho era ekireeyi, nga kuliku emiryango ikumi n'ebiri nga giriku bamalaika ikumi na babiri. Era nga gighandiikiibwaku amaina ag'ebika eikumi n'ebibiri eby'Abaisiraeli.