Isaia 54:11 - Baibuli Ekibono kya Katonda 2014

¹¹ Musengwa Katonda akoba ati: “Iwe ekibuga Yerusalemu odaazibwadaazibwa era oyuuzibwayuuzibwa kiwunga, ghaaloba kubaagho akugumyaku naire. Aye bona eno, ndikuzimbisa amabaale ag'okudholigadholiga, emisingi gyo naagizimbisa amabaale ag'omughendo ageetebwa saffiro.

Isaia 54:11 ပူးပေါင်းရင်းမြစ်များ

1 Bakyabazinga 5:17

Kyabazinga yaalagira, baasima amabaale amakologho ag'omughendo, ag'okuzimbisa omusingi gw'eisinzizo.

1 Bakyabazinga 6:30

Ghansi mu Kifo Ekitukuvu Einho ni mu isinzizo lyonalyona, yaalimbyagho zaabu woonawoona.

1 Ebyomubyanda 29:2

Kale kye nviire ni nfuba nga bwe nsoboire, ni ntaagho ebintu byonabyona eby'okuzimbisa eisinzizo lya Katonda wange, bino: zaabu ow'okukolamu ebintu ebya zaabu, ni feeza ow'okukolamu ebintu ebya feeza, n'ekyuma eky'ekikomo eky'okukolamu ebintu eby'ekyuma eky'ekikomo, n'ekyuma ekigumu einho eky'okukolamu ebintu eby'ekyuma ekigumu einho, n'emiti egy'okukolamu ebintu eby'emiti, n'amabaale ag'omughendo ageetebwa onikisi, n'agandi ag'okuzimbisa, n'ag'okudholigadholiga, n'agandi ag'omughendo agamirimiinha ag'ensambo kamaala.

2 Ebyomubyanda 3:6

Baatonatona eisinzizo n'amabaale ag'omughendo, era baalitonatona ni zaabu eyava mu nsi y'Abaparavi.

Yobu 28:16

Zaabu omulungi ow'e Ofiri tayagayaga nago mughendo, waire amabaale ag'omughendo ageetebwa onikisi ni saffiro.

Zabbuli 34:19

Ebizibu ebigwa ku batuufu biri kamaala, aye Musengwa Katonda abawonia yaatoolagho ebizibu byaibwe byonabyona.

Okuvaayo 2:23

Bwe ghaabitagho ekiseera ekireeyi, kyabazinga ow'e Misiri yaafa. Era mu kiseera ekyo ng'Abaisiraeli bali mu nnaku olw'okubakozesa ng'abairu. Era mu bulumi obwo nga balira n'enaku olw'okubula ow'okubayamba. Okulira kwaibwe okwo kwatuuka ku Katonda.

Okuvaayo 24:10

baabona Katonda wa Isiraeli. Ghansi gh'ebigere bye nga ghali ng'oti ni ghe baayaliira amabaale ag'omughendo ageetebwa saffiro, aga langi ya bbululu omutangaavu obukalamu ng'eigulu.

Okuvaayo 3:2

Ghano malaika wa Musengwa Katonda yaamubonekera mu lulimi olw'omuliro nga luva mu kisaka ghagati. Musa yaalingirira ekisaka nga kigemye omuliro aye nga tikiri kusiriira.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Olwembo 5:14

Amakono ge gaakolebwa bulungi ng'oti mpeta dha zaabu, edhaateebwaku amabaale ag'omughendo. Omubiri gwe mulungi ng'oti isanka lye baalimbyaku amabaale ag'omughendo ageetebwa saffiro.

Isaia 14:32

Kale abakwenda b'eighanga ly'Abafilisiti abaliidha ye tuli tulibairamu tutya? Tulibairamu tuti, ‘Musengwa Katonda yataagho Sioni, era mu Sioni omwo abantu be abadaazibwadaazibwa mwe balirumukira.’ ”

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Isaia 49:14

Aye abantu b'e Yerusalemu baakoba bati: ‘Musengwa Katonda atulekuliire agho, era atwerabiire.’

Isaia 51:21

Kale ni, imwe abadaazibwadaazibwa, ni mutamiira nga timunhweire na ku mwenge,

Isaia 51:23

Ekikopo ekyo ndikigemya abo ababalumya ni bakoba bati, ‘Mweyale ghansi ku itaka tubatambulireku tuje’, era mwena ni mutaagho emigongo gyaimwe ni gifuuka oluguudo kwe batambulira.”

Isaia 54:12

Obusolya obw'endhu dho ndibuzimbisa amabaale ageetebwa agate, emiryango gyo naagizimbisa ageetebwa karabunkule, ate ebimante byo ebikwezungulwire naabizimbisa amabaale agandi ag'omughendo aga buli nsambo.

Isaia 54:6

Isiraeli, oli ng'oti n'omukazi omufumbo akaali omuto, iba ye yabayiza, ate n'amala n'amuvaaku n'amulekulira agho mu nnaku; era oli ng'oti n'omukazi iba ye yabinga n'asigala nga munakughavu. Aye mpegaano Musengwa Katonda akweta oire y'ali, ng'akoba ati:

Isaia 60:15

Walekulirwa agho waakyayibwa, nga ghazira na muntu akubitamu. Aye ndikuleetera buliidho okubonekanga obulungi einho, era waaba kifo kya isanhu ebyanda n'ebyanda.

Yeremia 30:17

Ndibalongoosa mwairagho bukalamu nga bwe mwali, era naawonia amabwa gaimwe waire ng'abazigu baimwe bakoba bati, ‘Sioni kiri ng'oti n'omuntu ye baabinga adaagiradaagira eyo atyo. Ghazira akifaaku naire.’ Nze Musengwa Katonda, ninze nkobye.”

Okulira 1:21

Wulira nga bwe ndi kulira n'enaku nga ghazira na muntu wa kunsaasiraku. Abazigu bange boonaboona baawulira nga bwendi mu buzibu, era basangaavu okubona nga niiwe owabuntuusaaku. Wo Musengwa Katonda, tuusa mangu olunaku lwe wabeesoomera, era leka boona babe ng'oti ninze bwendi buti.

Ezekieli 1:26

Ghaigulu agh'emitwe egy'ebitonde ebiramu ebyo, mu ibbanga eryali ghaigulu ku ngulu, ghaaligho ekyaboneka ng'oti kityamo kya bwakyabazinga, nga kifaanana ng'oti n'eibaale ery'omughendo eryetebwa saffiro. Ku kityamo ekyo ekyaboneka ng'oti kya bwakyabazinga kwali kutyaimeku eyaboneka ng'oti muntu.

Ezekieli 10:1

Agho naja okulinga nti nga mbona ghaigulu agh'emitwe egy'ebitonde ebiramu ebyo, mu ibbanga eryali ghaigulu ku ngulu, nga ghaligho ekiri ng'oti kityamo kya bwakyabazinga, nga kifaanana ng'oti n'eibaale ery'omughendo eryetebwa saffiro.

Mika 7:11

Abantu ab'e Yerusalemu, ekiseera kiidha kutuuka musobole okuzimba ekimante okwezunguluza ekibuga kyaimwe. Era agho Yerusalemu kija kugazigha ensalosalo dhaakyo.

Matayo 8:24

Tibwalwa kiwunga ow'amaani yaasituka ku nhandha, amayengo nga genda kusaaniagho bwa lyato. Yesu yali atendwike.

Yoanne 16:33

Bino mbibakobeire mube miraala mu nze. Mu nsi muno mwidha kufuna ebizibu aye mugumenga, nze mpangwire ensi.”

Ebikolwa by'Abatume 14:22

Baagumya emyoyo gy'abeegeresebwa era nga babasikirira okunhweza okwikiriza, nga babakoba bati: “Tuli n'okubita mu bizibu kyodo okwingira mu Bwakyabazinga bwa Katonda.”

Ab'Efeso 2:20

kuba mwazimbibwa ku musingi ogw'Abatume n'abalanzi, nga Kurisito Yesu mwene n'eibaale eikulu ery'omu nsonda.

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.