Isaia 54:1 - Baibuli Ekibono kya Katonda 2014

¹ Iwe Yerusalemu, obairenga oti n'omukazi omugumba, omukazi atazaalanga ku mwana naire. Aye mpegaano timbuka oyembe era okube emizira; kuba oidha kuba n'abaana kamaala okusinga n'omukazi iba y'atavangaku n'amulekulira agho.

Isaia 54:1 ပူးပေါင်းရင်းမြစ်များ

Amainhama 21:6

Sara yaakoba ati: “Katonda andeeteire okuseka. Kiisi anaakiwulirangaku aidha kusekeranga ghalala ninze.”

Zabbuli 113:9

Aleetera omukazi omugumba okusangaala mu maka; yaamugha okuzaala abaana. Mwenamwena musaake Musengwa Katonda.

Olwembo 8:8

Tuli ni mwanhinaife omuto, akaali okusunia amabeere. Tulimukolera ki bwe ghalibaagho aidha okumukobya?

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 24:14

Abo abaliba bawoniegho balyemba n'eisanhu lingi; abaliba ku luuyi olw'e bugwandhuba balisaaka ekitiisa kya Musengwa Katonda.

Isaia 44:23

Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Isaia 49:13

Iwe eigulu yemba olw'eisanhu, n'iwe ensi osagambe. Imwe ensozi mutimbuke mwembe enhembo; kuba Musengwa Katonda aiziiza mu bantu be amaani. Era aligemerwa ekivunika abantu be abadaazibwadaazibwa.

Isaia 49:19

Waire ng'ensi yo yali ezikiriziibwa yaalekebwagho etyo ng'ezise, aye olwo eriba ntono nga tesugamu abo abaliidha okugibaamu. Era abo abaagireka nga bamaze okugizikiriza, eriba ebali ghala inho.

Isaia 49:20

Abantu bo abaazaalirwa mu bunhage balikukoba bati, ‘Ensi eno efuuse ntono inho, tekaatumala, tughe aghantu aghandi ghe tunaaba.’

Isaia 62:4

Toliiramu kabiri kwetebwa “Eyalekulirwa agho,” oba ensi yo okwiramu okwetebwa “Ekifulukwafulukwa.” Aye olyetebwa “Eyasiimibwa,” n'ensi yo yaayetebwa “Mufumbo”; kuba Musengwa Katonda akusiima, era ensi yo eriba ng'omukazi omufumbo.

Isaia 66:7

“Ekibuga kyange Sioni kiri ng'oti mukazi azaala ng'akaali kulumwaku naire! Ebisa byali bikaali na kumuluma, ng'azaala omwana mulenzi.

Zefania 3:14

Imwe Abaisiraeli, mwembe era mukube n'emizira. Imwe ab'e Yerusalemu, musangaale era musagambe n'omwoyo gwaimwe gwonagwona.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Ab'e Galatia 4:27

Kuba ebyaghandiikibwa bikoba biti: “Sagamba, iwe omugumba atazaala. Timbuka oseke era okube emirali iwe atawulirangaku ku bisa bya mwana! Kuba omukazi ye baaleka agho aliba n'abaana kamaala okusinga omukazi owa iba atavangaghooku.”

1 Samueli 2:5

Abo abaalyanga ni baiguta, mpegaano bapakasa bupakase okufuna kye banaalya; aye abo endhala be yalumanga, buti tekaabaluma. Omukazi eyali omugumba buti aliku abaana musanvu, aye ow'abaana kamaala tasigaizaagho waire mulala.