Isaia 53:7 - Baibuli Ekibono kya Katonda 2014

⁷ Baamudaazadaaza era baamukiriga, aye yaaba mugonvu yaakigumira, yaaloba waire okubumbula omunwa. Yaaba ng'oti n'entaama ye batwala okwita, era ng'oti n'entaama ye basalaku ebiviiri, n'etaliraku naire. Tiyabumbula munwa naire.

Isaia 53:7 ပူးပေါင်းရင်းမြစ်များ

Zabbuli 38:14

Bwenebwene mba ng'oti n'omuntu atawulira era azira kya kwiramu.

Zabbuli 38:15

Aye nze, niiwe ye neesiga. Iwe Musengwa Katonda wange niiwe oidha okumpa kye nkusaba.

Zabbuli 44:22

Busa naire, kuba ku lulwo twitibwa omusana n'obwire; tuli ng'oti n'entaama edhija okwitibwa.

Isaia 50:6

Nataagho omugongo gwange baakuba, naataagho amatama bankuunhuula ekirevu, era naaloba kukyukira mbali, nga bali kunfuudha mu maiso okunswaza.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Yeremia 11:19

Aye nali ng'oti n'entaama ento empolu ye bali kutwala okwita. Nali tiidhi nga ninze ye baali bali kutegekera okukola akabi, nga bakoba bati: “Ka tutemegho omuti nga gukaali mulamu bulungi. Ka tumwite aveegho ghalobe kubaagho amwidhukira naire.”

Okubala 7:27

Era kyalimu ni bino: Ente ento enume ndala, entaama ento enume ndala ey'omwaka omulala n'entaama enume ndala enkulu; ekyo nga n'ekigheebwayo ekyokebwa.

Matayo 26:63

Aye Yesu yaasirika busirike. Agho Omukulu wa Bakabona yaamukoba ati: “Mu ga Katonda omulamu, tukobere oba nga niiwe Kurisito Omwana wa Katonda.”

Mariko 14:61

Aye yaasirika, era azira kye yairamu. Kabiri Omukulu wa Bakabona n'okumubuuza yaamukoba ati: “Niiwe Kurisito Omwana w'oyo Katonda asaakibwa?”

Mariko 15:5

Aye Yesu tiyamwiramu kibono, era Pilato yeewuunhia!

Luka 23:9

Kale yaamubuuza ebibuuzo kamaala inho aye yaaloba kwiramu.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 19:9

Era yangira kabiri mu kisaagaati yaabuuza Yesu ati: “Oli wa gha?” Aye Yesu yaaloba okumwiramu.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

Okwolekebwa 5:6

Agho naabona Entaama Ento ng'eyemereire ghagati aghali ekityamo eky'obwakyabazinga, ng'eboneka ng'eyaitibwaku. Ebitonde ebiramu ebina (4) byali bigyezungulwire aghalala n'abakulembeze. Yali n'amayiga musanvu n'amaiso musanvu, nga n'egyo emyoyo omusanvu egya Katonda egitumibwa mu nsi yoonayoona.