Isaia 53:3 - Baibuli Ekibono kya Katonda 2014

³ Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Isaia 53:3 ပူးပေါင်းရင်းမြစ်များ

Zabbuli 69:29

Aye nze ndi kudaazibwadaazibwa era ndi mu bulumi. Wo Katonda wange mponia, onkuumire ghe batantuukiraku.

Zabbuli 88:4

Mbalirwa mu abo ab'okwika e magombe; amaani gampoire.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Isaia 50:6

Nataagho omugongo gwange baakuba, naataagho amatama bankuunhuula ekirevu, era naaloba kukyukira mbali, nga bali kunfuudha mu maiso okunswaza.

Isaia 52:14

Abantu kamaala baamwewuunhia inho, okumubona ng'ayonooneibwa emboneka ye okusinga omuntu owundi yeenayeena bwe yaali ayonooneibwaku. Yali afuusefuuse nga takaafaanana bantu.

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Isaia 53:4

Bwenebwene yatwala obughafu bwaife, yeetwika enaku yaife. Aye ife twalowooza tuti okukubibwa n'okufumitibwa n'okudaazibwadaazibwa kwe kyali kibonerezo Katonda kye yamusindikira.

Mika 5:1

Abantu ab'e Yerusalemu mwesoloze mukole eigye! Batuzingiiza! Bakubye omufuzi wa Isiraeli ku itama n'olwigo.

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Matayo 26:67

Baamufuudha mu maiso, baamudaazadaaza inho, baamukuba empi,

Matayo 27:63

Baakoba bati: “Musengwa twidhukiire ng'omuguya oyo bwe yali ng'akaali mulamu yakoba ati, ‘Nga ghabiseegho enaku isatu ndizuukira.’

Mariko 10:33

“Mwetegereze, buti tuli kuja e Yerusalemu, Omwana w'Omuntu aidha kugheebwayo ye Bakabona Abakulu ni y'Abanamateeka. Abo baidha kumughaayo eri abamaghanga agandi,

Mariko 10:34

bamukiine, baamufuudheku amatanta, baamudaazedaaze era bamwite. Aye nga ghabise enaku isatu alizuukira.”

Mariko 14:34

Era yaabakoba ati: “Ndi n'enaku ku mwoyo eyenda na kundhita. Imwe musigale ghano mukuume.”

Mariko 15:19

Baamukonta mu mutwe n'olugada, baamufuudhaku, baakuba amakiryaivu baamusinza.

Mariko 9:12

Yaabairamu ati: “Kituufu Eliya asooka okwidha okutereeza byonabyona era nga bwe kyaghandiikibwa ku Mwana w'Omuntu, wa kudaazibwadaazibwa ebintu kamaala n'okutwalibwa ng'ekitagasa.

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

Luka 19:41

Agho Yesu yaatuuka okumpi n'ekibuga, bwe yakibona yaalira.

Luka 8:53

Baamusekerera, nga bakiidhi ng'afiire.

Luka 9:22

Era yaabakobera ati: “Omwana w'Omuntu taliroba kudaazibwadaazibwa inho. Abakulu ab'ebika, Bakabona Abakulu, n'Abanamateeka, balimwegaana era aliitibwa, ate ku lunaku olwokusatu alizuukira.”

Yoanne 11:35

Yesu yaalira.

Yoanne 8:48

Abayudaaya baakoba Yesu bati: “Tituli batuufu okukoba tuti oli Musamaria era oliku omuzimu omubi?”

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Abaheburayi 4:15

Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.