Isaia 53:2 - Baibuli Ekibono kya Katonda 2014

² Omugheereza wa Musengwa Katonda oyo yakulira mu maiso ga Musengwa Katonda, ng'oti n'ekisimbe ekito ekisimba emizi mu itaka eikalu. Yali agho atyo ng'aziraku kisikiriza naire: tiyaliiku munhiriro ogwandituleeteire okumulingirira, oba okuba omulungi mu mboneka, ekyandituleeteire okumwegomba.

Isaia 53:2 ပူးပေါင်းရင်းမြစ်များ

Isaia 11:1

Ng'olusaga bwe lusibukira ku kikonge ky'omuti ogutemeibwa, ni mu baidhukulu ba Yesse mutyo bwe mulisimukamu kyabazinga.

Isaia 4:2

Olunaku olwo bwe lulituuka, Musengwa Katonda alireetera ebimera byonabyona n'emiti okuboneka obulungi era nga bya kitiisa. N'ebibala eitaka bye liribaza biriba bikalamu, byawoomera inho abo abaliba bawoniegho mu Isiraeli.

Isaia 52:14

Abantu kamaala baamwewuunhia inho, okumubona ng'ayonooneibwa emboneka ye okusinga omuntu owundi yeenayeena bwe yaali ayonooneibwaku. Yali afuusefuuse nga takaafaanana bantu.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 23:5

Musengwa Katonda era yaakoba ati: “Bona eno, ekiseera kiri kwidha, nteegho omwidhukulu omutuufu owa Daudi abe kyabazinga. Aja kufuganga n'amagezi era aidha kukolanga amazima n'ebituufu mu nsi ye.

Zekaria 3:8

Kale ni, iwe Yoshua Omukulu wa Bakabona ghalala ni bakabona baino, muwulire kino: Niimwe akamanhiso ak'ebiseera ebirungi eyo ye bwidha. Era nja kubooleka omugheereza wange ayetebwa Olusaga!

Zekaria 6:12

Omukobe oti Musengwa Katonda Afuga Amagye akoba ati, ‘Bona eno, omuntu ayetebwa eriina Olusaga aja kukulira gheene agho mwene gh'ali, era aja kuzimba eisinzizo lya Musengwa Katonda.

Mariko 6:3

Ono ti n'omubaadhi mutabane wa Maria? Ti muganda wa Yakobo, ni Yose, ni Yuda, ni Simoni? Baanhina tituli nabo kuno?” Kale baamuboola.

Mariko 9:12

Yaabairamu ati: “Kituufu Eliya asooka okwidha okutereeza byonabyona era nga bwe kyaghandiikibwa ku Mwana w'Omuntu, wa kudaazibwadaazibwa ebintu kamaala n'okutwalibwa ng'ekitagasa.

Luka 2:7

Yaazaala omwana we omuberi nga mulenzi, yaamuzingirira mu bugozi, yaamuta mu kiibo ensolo mwe dhiriira kuba tibaafuna kifo mu ndhu ey'abageni.

Luka 9:58

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana w'Omuntu azira gh'aisa mutwe.”

Yoanne 18:40

Kabiri bairamu nga baasiikana bati: “Ti oyo, aye Barabba.” Barabba ono yali munhazi.

Yoanne 19:5

Kale Yesu yaafuluma ku luya ng'avaire engule ey'amawa n'ekivaalo eky'erangi ya nakasooma eky'abakungu. Pilato yaabakoba ati: “Omuntu wuuno!”

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

1 Petero 2:14

oba babe abafuzi b'asindika okubonereza abo abakola obubi n'okusaaka abo abakola obukalamu.