Isaia 52:7 - Baibuli Ekibono kya Katonda 2014

⁷ Nga kisangaaza okubona omukwenda ng'ali kubitira mu nsozi okwidha okuleeta amawulire amalungi, amawulire agalangirira emiraala era agalangirira obulokozi n'obughanguzi! Omukwenda oyo akoba ati: “Katonda waimwe n'afuga!”

Isaia 52:7 ပူးပေါင်းရင်းမြစ်များ

Zabbuli 59:13

bazikirize mu busungu bwo; bazikirize bagheekereregho irala. Abantu boonaboona bakimanhe nga Katonda n'afuga mu Isiraeli, n'okutuukira irala ensi y'ekoma.

Zabbuli 68:11

Musengwa Katonda yagha ekiragiro, abantu kamaala baatambuza amawulire bati:

Zabbuli 93:1

Musengwa Katonda ni Kyabazinga ali n'ekitiisa n'amaani. Ensi kyeva n'eba engumu mu kifo kyayo, ni ghabula ekisobola okugiseseetula.

Zabbuli 96:10

Mukobere amaghanga goonagoona muti: “Musengwa Katonda ni Kyabazinga! Ensi kyeva n'eba engumu mu kifo kyayo, ni ghabula ekisobola okugiseseetula. Aja kusalira abantu omusango nga tasaliriza.”

Zabbuli 97:1

Musengwa Katonda ni Kyabazinga, ensi yoonayoona k'esagambe, n'ebiketezo eby'oku nhandha eby'okumpi n'eghala bisangaale.

Zabbuli 98:2

Musengwa Katonda amanhiisa ensi yoonayoona obughanguzi bwe, yaayoleka ensi dhoonadhoona obukumu bwe obuwonia.

Zabbuli 98:3

Yakuuma ekisuubizo, kye yasuubiza endhu ya Isiraeli, eky'okubagonzanga obutalekera n'okubanga omwesigwa ye bali. Okuva ensi y'eva okutuuka y'ekanga, abantu boonaboona baabona obughanguzi bwa Katonda waife obulokola.

Zabbuli 99:1

Musengwa Katonda ni Kyabazinga; abantu ka badhugumire olw'okumutya! Ekityamo kye eky'obwakyabazinga kiri ku bitonde eby'amaghagha ebyetebwa bikerubi, ensi k'etengeete olw'okumutya.

Olwembo 2:8

Ndi kuwulira amamiro ag'omugonzi wange! Bona ere, wuule. Ali kwidha ng'atuumiratuumira ku nsozi enene, era yaidha ng'adalandira ku busozi obutono.

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 40:9

Iwe aleetera Sioni amawulire amalungi, niina ghaigulu ku lusozi oluleeyi. Iwe aleetera Yerusalemu amawulire amalungi, kangula ku mamiro, oyogere n'amaani. Okobe ab'omu bibuga by'e Buyudaaya, oti: “Mubone, Katonda waimwe wuuyo aidha!”

Isaia 41:27

Nze Musengwa Katonda ninze nasooka okukikobera Sioni naatuma abakwenda okukobera Yerusalemu amawulire amalungi nti, ‘Bona baabo. Baabo abantu bo bali kwira!’

Isaia 42:11

Eirungu n'ebibuga ebirimu ka byembere kulala nga bisaaka Katonda, n'abantu ab'e Kedari bamusaake. Abantu b'e Sela leka bakube emizira nga bali ku ngulu ku nsozi.

Mika 4:7

Waire nga balema era nga baatwalibwa eghala einho okuva ewaibwe, ndidha kubafuula bakaawonagho era mbafuule eighanga ery'amaani. Era nze Musengwa Katonda mwene, ndidha kubafugiranga ku lusozi Sioni okuva n'olwo okutuusa ebyanda n'ebyanda.”

Nahumu 1:15

Abantu ab'e Buyudaaya mubone eno! Omukwenda ali kwidhira ku nsozi ng'aleeta amawulire amalungi era ng'alangirira emiraala. Buti ni mukole ekibinuko era mutuukirize bye mweyama ye Musengwa Katonda kuba ababi abo tibaja kwirayo kabiri kulumba nsi yaimwe. Bazikiriziibwa baawaagho.

Nahumu 2:1

Imwe abantu ab'e Nineve, babalumbye. Oyo aja okumenhamenha ekibuga abatuuseeku! Mute abaisirukale ghaigulu ku kimante ekigumu ekyezungulwire ekibuga era mukuume enguudo edh'omu kibuga. Mwesibe mwenhwegule. Mwetegeke okulwana olutalo.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Matayo 25:34

Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Mariko 13:10

Kuba Amawulire Amalungi gali n'okukoberwa amaghanga goonagoona.

Mariko 16:15

Agho yaabakoba ati: “Muje mu nsi yoonayoona mukobere ebitonde byonabyona Amawulire Amalungi.

Luka 2:10

Aye malaika yaabakoba ati: “Mutatya, mubone eno, mbaleeteire Amawulire Amalungi era agasangaaza eri abantu boonaboona

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Ab'Efeso 6:15

Okuba abeetegefu okulangirira Amawulire Amalungi, agaleeta emiraala, kubabeere ng'engaito mu bigere byaimwe.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 14:6

Agho naabona malaika owundi ng'ali kuguluka, nga yeeruupye eyo mu igulu. Yali agheereibwa amawulire amalungi ag'ebyanda n'ebyanda agakobere abo abali ku nsi aba kiisi kika, aba kiisi lulimi, aba kiisi luse n'aba kiisi ighanga.