Isaia 52:6 - Baibuli Ekibono kya Katonda 2014

⁶ Kale ni ekiseera kirituuka abantu bange baamanha nga ninze Katonda, era nga ninze ndhogeire.”

Isaia 52:6 ပူးပေါင်းရင်းမြစ်များ

Zabbuli 48:10

Okuva ensi y'eva okutuuka y'ekoma, abantu boonaboona bakwidhi era bakusaaka. Obufuzi bwo buziramu kwekubira.

Okuvaayo 3:13

Aye Musa yaakoba Katonda ati: “Bwe ndituuka ku Baisiraeli ni mbakoba nti, ‘Katonda wa badhaadha baimwe antumye ye muli,’ memale ni bambuuza bati, ‘Eriina lye naani?’ Ndibakoba ntya?”

Okuvaayo 33:19

Musengwa Katonda yaamwiramu ati: “Ndidha kubisa obulungi bwange bwonabwona mu maiso go, era ndhatule eriina lyange nze Musengwa Katonda ng'owulira. Ndidha kugemerwa ekivunika oyo ye nhenda okugemerwa ekivunika, era nsaasire oyo ye nhenda okusaasira.

Okuvaayo 6:3

Nabonekera Aburahamu ni Isaaka era ni Yakobo nga Katonda Aghanga Ebintu Byonabyona aye tibeeyolekerangaku nga nkozesa eriina lyange eitukuvu erya Musengwa Katonda.

Isaia 40:9

Iwe aleetera Sioni amawulire amalungi, niina ghaigulu ku lusozi oluleeyi. Iwe aleetera Yerusalemu amawulire amalungi, kangula ku mamiro, oyogere n'amaani. Okobe ab'omu bibuga by'e Buyudaaya, oti: “Mubone, Katonda waimwe wuuyo aidha!”

Isaia 42:9

Bona, ebintu bye nalangirira eira biibyo bituukiriire. Mpegaano nja kubakobera ebiyaaka, nga bikaali na kutoolera kubaagho.”

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Ezekieli 20:44

Imwe abantu b'eighanga Isiraeli, ku lw'eriina lyange bwe ndibabisa obukalamu mu kifo eky'okubabisa obubi nga njiira ku bikolwa byaimwe ebikyamu ni ku mpisa dhaimwe embi, olwo mulimanha nga ninze Musengwa Katonda.”

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.