Isaia 52:5 - Baibuli Ekibono kya Katonda 2014

⁵ Nze Musengwa Katonda kye nva ni nkoba nti, ‘Mpegaano kiki kye nnaakola, nga ndi kubona abantu bange babatwalira ku bwereere? Abo ababafuga beesuuta, era buli kaakyeire nze baanhooma.’

Isaia 52:5 ပူးပေါင်းရင်းမြစ်များ

2 Samueli 12:14

Aye olw'okuba wakola ekikolwa ekyo wanhooma inho Musengwa Katonda, omwana wo aidha kufa.”

Zabbuli 44:12

Abantu bo waabatundamu akaghendo akazira ghe kaaga, waaloba kufunamu magoba naire.

Zabbuli 44:16

olw'abazigu bange n'abo abankyagha okundheeyereza n'okunvuma.

Zabbuli 74:10

Wo Katonda, abazigu baife balituusa li okukusekerera? Obwo baja kuvumanga eriina lyo byanda na byanda?

Zabbuli 74:18

Aye Musengwa Katonda oteerabira kino nti abazigu bo bakusekerera, abantu abatakutya baakunhooma.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Isaia 22:16

‘Weeyeta ki iwe? Era naani akwidhi weena, memale obwo otuuke n'okwesimira amagombe mu lubaale?

Isaia 37:28

Aye ndidhi byonabyona ebikufaaku, ndidhi buli ky'okola, naamanha na buli y'oja, era naamanha nga bw'oneedundeekezaaku.

Isaia 37:6

Isaia oyo yaabakoba okwirayo ye musengwa waibwe, bamukobe bati: “Musengwa Katonda akoba ati, ‘Otatya bibono by'owuliire, abakungu ba kyabazinga w'e Assiria bye boogeire nga banvuma.

Isaia 47:6

Nasungughalira abantu bange, naababisa ng'oti tibakaali bange. Naabakugha okubafuga, waaloba kubasaasiraku naire. N'abakaire boona waabafugisa bukambwe.

Isaia 51:20

Abantu bo baziriike bali agho beegolomoire mu maagaanana aga buli luguudo. Bali ng'oti mpongo egwire mu lutuula lw'omuyiizi. Musengwa Katonda abanoziiza n'obusungu bwe, Katonda oyo abakangaiviire n'amaani.

Isaia 51:23

Ekikopo ekyo ndikigemya abo ababalumya ni bakoba bati, ‘Mweyale ghansi ku itaka tubatambulireku tuje’, era mwena ni mutaagho emigongo gyaimwe ni gifuuka oluguudo kwe batambulira.”

Isaia 52:3

Musengwa Katonda akoba ati: “Imwe abantu bange mwatundibwa mu bwiru nga ghazira asaswire mpiiya naire, era mulinunulwa nga ghazira asaswire mpiiya.

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Okulira 1:21

Wulira nga bwe ndi kulira n'enaku nga ghazira na muntu wa kunsaasiraku. Abazigu bange boonaboona baawulira nga bwendi mu buzibu, era basangaavu okubona nga niiwe owabuntuusaaku. Wo Musengwa Katonda, tuusa mangu olunaku lwe wabeesoomera, era leka boona babe ng'oti ninze bwendi buti.

Okulira 2:3

Amaani Abaisiraeli ge baali nago, Musengwa yasungughala ekibitiriire yaagabamalamu. Yaalekera agho okubabeera, baalumbibwa abazigu. Obusungu bwe bwayakira ku Bayudaaya ng'oti muliro, yaazikiriza buli kintu.

Ezekieli 20:14

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:9

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baaligho nga nsuubiza Abaisiraeli abo nti ndi kuja kubatoola mu nsi Misiri.

Zefania 1:10

Era Musengwa Katonda akoba ati: “Ku lunaku olwo, ghaja kubaagho okulira gha Mulyango ogwetebwa ogw'Ebyenhandha ogw'ekibuga Yerusalemu, era ghabeegho okuwowoola mu Kiketezo Ekiyaaka eky'ekibuga ekyo, era ghabeegho okugwa okw'amaani mu nsozi.

Ab'e Roma 2:24

Kyaghandiikibwa kiti: “Ku lwaimwe Abayudaaya eriina lyange livumibwa abamaghanga agandi.”

Abalamuzi 18:3

Bwe baali nga bali eyo, baategeera endhogera y'omwisuka Omulevi. Agho baaja y'ali, baamubuuza bati: “Okola ki ghano? Era naani eyakuleeta ghano?”