Isaia 52:4 - Baibuli Ekibono kya Katonda 2014

⁴ Mwasooka mwaja mwasenga e Misiri, aye Abassiria baamala baabatwala mu bunhage nga bazira kye basaswire naire.

Isaia 52:4 ပူးပေါင်းရင်းမြစ်များ

Amainhama 46:6

Era baatwala ensolo dhaibwe, n'ebintu byaibwe bye baafunira e Kanaani, baaja e Misiri. Yakobo yaaja n'eizaire lye lyonalyona:

Amainhama 46:7

batabane be, ni baghala be, ni baidhukulu be abalenzi n'abaghala.

Yobu 2:3

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi. Era akaagumiire ku bwesigwa bwe, waire nga iwe wagezaaku okundhikirizisa mmuzikirize eby'obwereere.”

Zabbuli 25:3

Bwene otaganha abo abasuubirira mu iwe kuswala, aye abo ab'empwitu abakudheemera, ka baswale.

Zabbuli 44:12

Abantu bo waabatundamu akaghendo akazira ghe kaaga, waaloba kufunamu magoba naire.

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Isaia 14:25

Ndizikiriza Abassiria mu nsi yange, naabatyankirira n'ebigere ku nsozi dhange. Nditoola ku bantu bange ekikoligo eky'Abassiria abo, naabatwikula ebizito bye baabatwikanga.

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’