Isaia 52:3 - Baibuli Ekibono kya Katonda 2014

³ Musengwa Katonda akoba ati: “Imwe abantu bange mwatundibwa mu bwiru nga ghazira asaswire mpiiya naire, era mulinunulwa nga ghazira asaswire mpiiya.

Isaia 52:3 ပူးပေါင်းရင်းမြစ်များ

Zabbuli 44:12

Abantu bo waabatundamu akaghendo akazira ghe kaaga, waaloba kufunamu magoba naire.

Zabbuli 44:13

Otufiire ekivume eri ab'oku muliiraano, baatusekerera era baatuyeeyereza.

Isaia 1:27

Olw'okuba Musengwa Katonda akolera ku mazima era nga mutukuvu, alinunula Yerusalemu n'abantu baamu boonaboona abeenenia.

Isaia 45:13

Ninze nasiikuula Kuro naamuleetera okuja okutereeza ebyali byonooneike. Era ndidha kuleeteranga by'akola byonabyona okuja obukalamu. Alizimba buyaaka ekibuga kyange Yerusalemu, era yaaleetera abantu bange okuva mu bunhage. Ekyo alikikola aghazira muntu kumugulirira waire okumugha empeera.” Musengwa Katonda Afuga Amagye, n'akobye.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 62:12

Mulyetebwa “Bantu batukuvu,” era “Abantu aba Musengwa Katonda abaanunulwa.” N'iwe Yerusalemu olyetebwa “Kibuga Katonda ky'ayenda,” era “Kibuga Katonda ky'atalekulirangaku agho.”

Isaia 63:4

kuba ekiseera kyali kimaze okutuuka eky'okununula abantu bange, n'okwesasuuliza ku bazigu baibwe.

Yeremia 15:13

Musengwa Katonda yankoba ati: “Eby'obukombe n'ebintu eby'omughendo eby'abantu bange, nja kubighaayo abazigu babinhage olw'okusasulamu ebibi ebingi bye bakoze mu nsi eno.

Ezekieli 16:31

ni weezimbira mu buli maagaanana ga luguudo amasabo okukoleramu obwamalaaya, ni mu buli luya lwa kibuga n'ozimbamu ebifo ebigulumivu eby'okusinzizaamu ebintu ebyo ebitali nze Katonda. Aye ate waaba nga toli kunoonia mpiiya ng'oti ni malaaya eyeetunda!

Ezekieli 34:27

Ensi eidha kubazanga ebirime, emiti gibalenga ebibala, n'abantu babenga mu nsi mu miraala. Era bwe ndimala okumenhamenha ebikoligo ebiri mu nkoto dh'abantu bange, ni mbawonia abo abaabafuula abairu, olwo balimanha nga ninze Musengwa Katonda.

Abalevi 25:54

Bw'ataanunulibwenga mu nsambo ng'oti n'eyo, anaalekulwanga ghalala n'abaana be bafuuka ba idembe, mu mwaka omutukuvu.

1 Petero 1:18

Mwidhi bukalamu nga ekyabaleetera okununulwa mu mpisa dhaimwe edhiziramu dhe mwatoola ku badhaadha baimwe, ti feeza oba zaabu ebiwaagho.