Isaia 52:14 - Baibuli Ekibono kya Katonda 2014

¹⁴ Abantu kamaala baamwewuunhia inho, okumubona ng'ayonooneibwa emboneka ye okusinga omuntu owundi yeenayeena bwe yaali ayonooneibwaku. Yali afuusefuuse nga takaafaanana bantu.

Isaia 52:14 ပူးပေါင်းရင်းမြစ်များ

Zabbuli 22:15

Amaani gankaze ng'oti n'olujo olukalanga, olulimi lwaneesibira ku kibuno naasigala agho mu nkungu ng'omufu.

Zabbuli 22:17

Amagumba gange goonagoona geegeze, abazigu baaningaku baaneerolera.

Zabbuli 71:7

Mbairenga kya kuboneraku eri abantu kamaala, olw'okuba iwe oli mukuumi wange ow'amaani.

Isaia 50:6

Nataagho omugongo gwange baakuba, naataagho amatama bankuunhuula ekirevu, era naaloba kukyukira mbali, nga bali kunfuudha mu maiso okunswaza.

Matayo 26:67

Baamufuudha mu maiso, baamudaazadaaza inho, baamukuba empi,

Matayo 27:14

Yaaloba kumwiramu waire kibono kirala, era omufuzi oyo yeewuunhia ekibitiriire.

Matayo 7:28

Yesu bwe yamala okwogera ebibono ebyo abantu beewuunhia endhegeresa ye

Mariko 10:26

Agho beewuunhia n'okusingagho era mule beebuuza bati: “Memale olwo naani asobola okulokolebwa?”

Mariko 10:32

Agho Abeegeresebwa baaba mu ngira nga baja e Yerusalemu, Yesu nga n'abembereiremu; beewuunhia inho era baamunonereza nga batya. Kabiri yaatoola Eikumi n'Ababiri yaatoolera okubakobera ebija okumugwira, ng'akoba ati:

Mariko 5:42

Mangu ago omughala yaasituka yaatambula, kuba yali wa myaka ikumi n'ebiri. Era kino kyabeewuunhisa ekibitiriire.

Mariko 6:51

Agho yaaniina mu lyato mwe baali empewo yaalekera agho, baayasaamirira inho,

Mariko 7:37

Era beewuunhia inho baakoba bati: “Byonabyona abikola bukalamu. Abasigha abazibula amatu, ni bakasiru aboogeza!”

Luka 2:47

Era boonaboona abaamuwulirisa beewuunhia inho amagezi ge, ni bye yairangamu.

Luka 22:64

baamughemba ku maiso memale baamukoba bati: “Teeba, naani akukubye?”

Luka 4:36

Boonaboona baayasaamirira, era buli muntu yaakoba mwine ati: “Kiki kino? Emizimu emibi agiragira n'obukumu n'amaani gyavaagho!”

Luka 5:26

Boonaboona baayasaamirira, baasaaka Katonda, era nga baidhwire okutya baakoba bati: “Olwaleero tuboine ebinene!”