Isaia 52:11 - Baibuli Ekibono kya Katonda 2014

¹¹ Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Isaia 52:11 ပူးပေါင်းရင်းမြစ်များ

1 Ebyomubyanda 15:12

Yaabakoba ati niimwe abakulu b'enda dha baiseimwe mu kika kya Levi. Mwetukuze imwe beene ni baganda baimwe, mughange okuleeta Sanduuku ya Musengwa wa Isiraeli mu kifo kye ngitegekeire.

Okuvaayo 30:19

Aaroni ni batabane baidha kukozesanga amaadhi ago, okunaaba mu ngalo ni ku bigere.

Isaia 1:16

Munaabe, mutukule mukomye agho bye mukola nga mbona, ebitali bya butuukirivu. Mulekere agho okukolanga ebibi,

Isaia 48:20

Muve mu Babiloni, mulumuke muje! Mulangirire amawulire gano buli ghantu nga mukuba emizira, mugasansaanie gatuuke eyo yoonayoona ensi y'ekanga. Mukobe muti: “Musengwa Katonda anunwire omugheereza we Yakobo.”

Isaia 66:20

Baliiza baganda baimwe boonaboona nga babatoola mu maghanga goonagoona, baabaleeta ng'ekigheebwayo eri nze Musengwa Katonda, ku lusozi lwange olutukuvu Yerusalemu. Balibaleetera ku mbalaasi, ku nhumbu, ku ngamiya, ku bigaali eby'omu lutalo, ni ku bigaali ebindi, ng'oti n'Abaisiraeli bwe baleeta ebigheebwayo eby'emere ey'empeke mu isinzizo nga babitaire mu bintu ebirongoofu ebireeterwamu.

Yeremia 31:21

Muteegho obumanhiso ghe mubita, mumanhe engira ye mwagema nga muja. Mwire imwe Abaisiraeli, mwire ewaimwe mu bibuga bye mwavaamu.

Yeremia 50:8

“Imwe Abaisiraeli, mulumuke e Babilonia! Muve mu nsi eyo ey'Abakaladea! Niimwe mube musooke okugireka.

Yeremia 51:45

Imwe Abaisiraeli mulumuke muveegho. Muwonie obulamu bwaimwe, bulobe kutuukibwaku kabi ke nnaaleeta mu busungu bwange obubitirivu.

Yeremia 51:6

“Imwe Abaisiraeli n'Abayudaaya, mulumuke muve mu nsi Babilonia muwonie obulamu bwaimwe! Mulobe kufiira bwereere olw'ebibi bya Babilonia, kuba kino n'ekiseera nze Musengwa Katonda neesasulize ku nsi eyo nga ngibonereza nga bw'egwaniire.

Ezekieli 44:23

“Bakabona banaayegeresanga abantu bange okwawulagho ebintu ebitukuvu n'ebitali bitukuvu, n'okwawulagho ebirongoofu n'ebitali birongoofu.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 11:45

Ninze Musengwa Katonda eyabatoola mu Misiri, mbenga Katonda waimwe. Kale ni mubenga batukuvu, kuba nze ndi mutukuvu.”

Abalevi 11:47

Ago n'aganaakozesebwanga okwawulanga ebirongoofu ku bitali birongoofu, n'okwawulanga ebiramu ebiikirizibwa okuliibwa, ku ebyo ebitaikirizibwa.

Abalevi 21:6

Babenga batukuvu eri Nze Katonda waibwe, era balobenga kwonoona liina lyange, kuba bagheereza eri Nze Musengwa Katonda waibwe ebigheebwayo eby'okulya ebyokebwa. Kyebanaavanga ni baba abatukuvu.

Zekaria 2:10

Musengwa Katonda akoba ati: “Mwembe era musagambe, imwe abantu b'omu Yerusalemu, kuba ndi kwidha mbenga ghalala n'imwe.”

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Okubala 16:26

Yaakoba abantu boonaboona ati: “Mbeeghemba muve okumpi ni weema edh'abantu bano ababi era mutagema ku kintu kyaibwe kyonakyona. Bwe mutaakole mutyo, musobola okuzikirizibwa ghalala nabo olw'ebibi byaibwe.”

Okubala 19:11

“Omuntu bw'anaagemanga ku mulambo ogw'omuntu, aidha kusigalanga nga tiimulongoofu okumala enaku musanvu.

Okubala 19:16

Omuntu yeenayeena bw'anaabanga ng'ali eyo kuliya, n'agema ku muntu ye baise obwite, oba ku muntu afiire mwene, oba ku igumba ery'omuntu, oba ku magombe, aidha kubanga nga tiimulongoofu okumala enaku musanvu.

Okubala 8:6

“Yawula Abalevi ku Baisiraeli abandi boonaboona, era obatukuze.

Ebikolwa by'Abatume 10:14

Aye Petero yairamu ati: “Busa, Musengwa. Nze tiryangaku kintu kya muziro waire ekitali kirongoofu.”

Ebikolwa by'Abatume 10:28

Yaabakoba ati: “Imwe beene mwidhi nga bwe kimenha amateeka Omuyudaaya okukolagana n'ow'eighanga erindi waire okumukyalira. Aye Katonda andaze nga tikigwaine kweta muntu yeenayeena mubi oba atali mulongoofu.

Ab'e Roma 14:14

Ndidhi era nkikakasa mu Musengwa waife Yesu, nti ghazira kya kulya kitali kirongoofu, ku bwakyo. Aye omuntu bw'aikiriza nga tiikirongoofu, olwo kifuuka ekitali kirongoofu.

2 Ab'e Korintho 6:17

Kale Musengwa akoba ati: “Mweyawule ku bataikiriza Kurisito, mubaveemu. Era mutagemanga ku kitali kirongoofu, memale olwo zeena mbasangaaze.

Ab'Efeso 5:11

Muteeyimbanga mu kukola bintu bya mu nzikiiza ebiziramu nsa abantu bye bakola, aye mubyatuukirizenga.

1 Petero 2:11

Aboluganda, nga bwe muli ababise era abanoonia obubudamo mu nsi muno, mbeeghembye mulobere irala kujiira ku mubiri bye gwegomba ebirwanisa omwoyo.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

Okwolekebwa 18:4

Era naawulira amamiro agandi agava mu igulu nga gakoba gati: “Bantu bange, mumuveemu, mulobe kweyimba mu bibi bye, na kugabana ku bibamba bye;