Isaia 52:10 - Baibuli Ekibono kya Katonda 2014

¹⁰ Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Isaia 52:10 ပူးပေါင်းရင်းမြစ်များ

Yobu 40:9

Iwe oyaga ninze amaani? Era osobola okutyabuka n'amamiro agali ng'oti n'agange?

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 67:2

Olwo ensi yoonayoona emanhe ebyo by'oyenda; amaghanga goonagoona gamanhe amaani go agawonia.

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Isaia 33:13

Imwe mwenamwena ab'okumpi n'ab'eghala, muwulire bye nkoze, mukakase nga ndi n'obuyinza.”

Isaia 40:5

Olwo ekitiisa kya Musengwa Katonda kiryeyoleka, abantu boonaboona baakibona. Musengwa Katonda mwene n'akobye.”

Isaia 45:22

Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

Isaia 48:20

Muve mu Babiloni, mulumuke muje! Mulangirire amawulire gano buli ghantu nga mukuba emizira, mugasansaanie gatuuke eyo yoonayoona ensi y'ekanga. Mukobe muti: “Musengwa Katonda anunwire omugheereza we Yakobo.”

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 53:1

Abantu bairamu bati: “Naani asobola okwikiriza bye tuwuliire? Era naani asobola okwikiriza ati omukono gwa Musengwa Katonda n'ogwakola ekyo?

Isaia 59:16

Yeewuunhia okubona nga ghaziragho muntu waire omulala ati, afaayo kuwolerezaagho abo abatuntuzibwa. Kale mwene alikozesa obuyinza bwe n'obutuufu bwe, yaanunula abantu be okubatuusa ku bughanguzi.

Isaia 62:1

Ku lwa Sioni nze tiidha kusirika, ku lwa Yerusalemu tiidha kuwuumula naire, okutuusa nga kimaze okununulwa, n'obughanguzi bwakyo bwayaka ng'oti muliro.

Isaia 63:5

Nalingirira inho, aye nga tibona aidha ye ndi kuunhamba. Naatya inho, aye nga ghazira angumya. Kale naakozesa amaani gange n'obusungu bwange, byandeetera okughangula.

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Luka 2:30

Kuba amaiso gange gaboine okulokola kwo,

Luka 3:6

Olwo abantu boonaboona baabona nga Katonda bw'alokola.’ ”

Ebikolwa by'Abatume 13:47

kuba ekyo Musengwa kye yatulagira, bwe yatukoba ati, ‘Nkutairegho obe ekimuliikirira eri abamaghanga agandi, obe obulokozi bw'ensi yoonayoona.’ ”

Yoshua 4:24

Olw'ekyo abantu boonaboona ku nsi baidhanga kumanha, nga Musengwa Katonda wa bukumu obutaloodheka, era mwena mwidha kutyanga Musengwa Katonda waimwe oyo ebyanda n'ebyanda.”

Okwolekebwa 14:6

Agho naabona malaika owundi ng'ali kuguluka, nga yeeruupye eyo mu igulu. Yali agheereibwa amawulire amalungi ag'ebyanda n'ebyanda agakobere abo abali ku nsi aba kiisi kika, aba kiisi lulimi, aba kiisi luse n'aba kiisi ighanga.

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”