Isaia 51:9 - Baibuli Ekibono kya Katonda 2014

⁹ Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 51:9 ပူးပေါင်းရင်းမြစ်များ

Yobu 26:12

Olw'obuyinza bwe yaghangula enhanda; olw'amagezi ge yaazikiriza Rahabu ogusota gwamu.

Yobu 9:13

Obusungu bwa Katonda tibukoma, aghangula abazigu be, abayambi ba Rahabu.

Zabbuli 21:13

Wo Musengwa Katonda, ogulumizibwenga buliidho olw'amaani go. Ife tunaayembanga era twakusaakanga olw'obukumu bwo.

Zabbuli 44:1

Wo Katonda waife, twawulira n'amatu gaife nga badhaadha baife batukobera ebyo bye wakolanga mu nnaku dhaibwe, mu biseera ebyabita.

Zabbuli 44:2

Nga bwe wabingagho amaghanga agandi mu bifo byago n'oizaamu abantu bo, nga bwe wadaazadaaza amaghanga ago era n'osobozesa abantu bo okukulankulana.

Zabbuli 44:23

Wo Musengwa Katonda, zuuka! Lwaki otenduka? Situka! Otatusuula ere n'otwerabirira irala!

Zabbuli 44:24

Lwaki otwegisaaku? Lwaki oleka ni batukiriga era ni batudaazadaaza?

Zabbuli 59:4

Aghazira kisobyo kye nkoze, beeyuniriza emberi wange okuneeteega. Musengwa Katonda balingirire obone, era ositukiremu oidhe ombeere.

Zabbuli 7:6

Wo Musengwa Katonda, idha obakambughalire. Situka Katonda wange tala, olwanise ekiruyi ky'abazigu bange, kuba iwe toyenda kusaliriza.

Zabbuli 77:5

Ndowooza ku biseera eby'eira, naidhukira emyaka egyabita.

Zabbuli 78:65

Agho Musengwa Katonda yaazuuka ng'oti n'ava mu ndoolo, era ng'oti n'omuntu ow'amaani asuuyiriire olw'okunhwa omwenge ogw'emizabbibu.

Zabbuli 87:4

Katonda akoba ati: “Mu bantu abantya n'omuli ab'e Rahabu, ab'e Babiloni, ab'e Filisitia, ab'e Tiro n'ab'e Ethiopia. Ndibabalira mu bazaale ab'e Yerusalemu.”

Zabbuli 89:10

Watentena ogusota gu Rahabu waagwita; waabinga abazigu bo n'omukono gwo ogw'amaani, baasansaana.

Zabbuli 89:11

Eigulu liryo, n'ensi yiyo n'ebigirimu byonabyona, niiwe owabikola.

Zabbuli 93:1

Musengwa Katonda ni Kyabazinga ali n'ekitiisa n'amaani. Ensi kyeva n'eba engumu mu kifo kyayo, ni ghabula ekisobola okugiseseetula.

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Isaia 30:7

Obuyambi ensi Misiri bw'ebagha buzira kye bubaganhula waire okubagasa. Kyenviire ntuuma Misiri eyo eriina, ‘Ogusota Rahabu ogutamoodha.’ ” Agho Katonda yankoba ati:

Isaia 51:17

Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Isaia 51:5

Ndija mangu naabawonia, era ekiseera kyange eky'okulokola kiri kumpi. Mwene nze ninze ndifuga amaghanga. Era ensi edh'eghala dhinteegereire nga dhisuubirira mu nze okudhirokola.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Isaia 53:1

Abantu bairamu bati: “Naani asobola okwikiriza bye tuwuliire? Era naani asobola okwikiriza ati omukono gwa Musengwa Katonda n'ogwakola ekyo?

Isaia 62:8

Musengwa Katonda yeerayiriire mu buyinza bwe ati: “Bwenebwene tiriirayo kuwaayo mere yaimwe ya mpeke kuliibwa bazigu baimwe. Abagwira tibalinhwa mwenge gwaimwe gwa mizabbibu gwe mwafaabiikanira.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Mika 7:15

Wo Musengwa Katonda, tukolere ebyewuunhio nga bwe wakolanga mu biseera bye twalinga e Misiri.

Habakkuku 2:19

Mukagwireku imwe abakoba ekiti muti: “Zuuka,” oba eibaale eritaghanga na kwogera muti: “Situka.” Ghaligho okwolekebwa kw'oghanga okufuna okuva y'ekintu ng'oti n'ekyo? Ni bwe baba nga baakirimbyaku kyonakyona feeza ni zaabu, era kisigala nga kiziramu bulamu naire.

Habakkuku 3:13

Waja okulokola abantu bo, okulokola oyo eyasiigibwa omuzigo okuba kyabazinga. Wakuba omukulembeze w'abakozi b'ebibi waamutentena, era waamaliragho irala be yakulemberanga.

Zekaria 10:11

Bwe baliba nga bali kubita mu nhandha ey'e Misiri, nze Musengwa Katonda ndikuba okwefuukuula okw'enhandha eyo, n'entobo ey'omwiga Kiyira yaakala. Okwekuluntaza kw'Abasiria kuliisibwa ghansi, n'obuyinza bw'Abamisiri bwawaagho.

Zekaria 2:13

Abantu mwenamwena musiriikirire mu maiso ga Musengwa Katonda, kuba asitwike alikwidha ng'aviira mu kifo kye ekitukuvu mw'aba.

Luka 1:51

Akoze eby'amaani n'omukono gwe, abeekuza mu birowoozo byaibwe yabasansaania.

Yoanne 12:38

Isaia omulanzi kye yakoba kyatuukirira, bwe yakoba ati: “Musengwa, naani eyaikiriza obukwenda bwaife? Naani Musengwa ye yayoleka amaani ge?”

Ebikolwa by'Abatume 7:7

Era Katonda yaakoba ati, ‘Aye ensi eyo ndigisalira omusango, era ebyo nga biwoire baliidha bansinziza mu kifo kino.’

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.

Okwolekebwa 11:17

Baakoba bati: “Tukweyanza Musengwa Katonda, Aghanga Ebintu Byonabyona, aligho era eyaligho. Kuba okozeisa obukumu bwo waatoolera okufuga.

Okwolekebwa 12:9

Ogusota ogukologho ogwo, n'ogwo omusota ogw'eira ogwetebwa Omukemi era Sitaani omuguya ow'ensi yoonayoona. Ogusota ogwo gwasuulibwa ku nsi ni bamalaika baagwo.

Abalamuzi 6:13

Gideoni yaamukoba ati: “Isebo, nkweghembye ka mbuuzeeku: oba nga Musengwa Katonda ali n'ife, lwaki bino byonabyona bitutuukaku? Era ebyewuninkiriza bye yakolanga, badhaadha baife bye baatughayiranga, biri gha? Baatughayiranga bati Musengwa Katonda yabatoola mu Misiri. Aye mpegaano Musengwa Katonda atulekuliire agho, era atughaireyo mu buyinza bw'Abamidia.”