Isaia 51:8 - Baibuli Ekibono kya Katonda 2014

⁸ kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Isaia 51:8 ပူးပေါင်းရင်းမြစ်များ

Yobu 13:28

Kyenva ni nseenena ng'oti n'ekintu ekivunda; oba ng'oti n'ekivaalo ekiriibwa ebisiisa.”

Yobu 4:19

memale obwo waalowooza oti aneesiga abantu abakolebwa mu itaka, abali ng'oti nkungu era b'asobola n'okuniantula ng'oti bisiisa.

Isaia 14:11

Ebitiibwa byo n'enhembo dhe baakwemberanga ku ntongooli, byonabyona babiisiisa e magombe. Enhengere buti n'edhifuuse omufaliso gw'osulaku, era dhaafuuka emyebwiko gye weebwika.’

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 46:13

Obulokozi bwange mbuseesiisa kumpi, tibukaali ghala naire. Tija kulwagho kulokola bantu bange. Ndinunula Yerusalemu olwa Isiraeli okumpeesanga ekitiisa.”

Isaia 50:9

Bona, Musengwa Katonda mwene n'ambeera. Kale naani alinsalira omusango okunsinga? Abazigu bange boonaboona balikairigha baazikirira baawaagho ng'oti kivaalo ensiiriri ky'eriire.

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Isaia 54:9

“Nga bwe nalayira mu biseera bya Noa obutairamu kabiri kuleeta maadhi ga mwidhuzo kubanda ku nsi, ni leero ntyo bwe ndi kulayira obutairamu kabiri kukusungughaliranga na kukudhuukanga, waire okukubonerezanga.

Isaia 66:24

Bwe balibanga bavaayo, baliringanga ku mirambo egy'abantu abandheemera, kuba enhengere edhibalya tidhirifa, n'omuliro ogubookya tigulizikira, era baliba kyenhinhalwa eri abantu boonaboona.”

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Hosea 5:12

Kale kyendiva ni nsaaniagho Isiraeli ng'oti n'ekintu ekiriiriibwa ebisiisa, ni mmaliragho irala Buyudaaya ng'oti n'ekintu ekivunze n'enhengere.

Luka 1:50

Ekisa kye ku bamutya kirigho ku nse n'ense.