Isaia 51:6 - Baibuli Ekibono kya Katonda 2014

⁶ Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Isaia 51:6 ပူးပေါင်းရင်းမြစ်များ

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 111:3

Ebyo by'akola biidhwire ekitiisa n'obufuzi, era mutuufu ebyanda n'ebyanda.

Isaia 13:13

Ku lunaku nze Musengwa Katonda Afuga Amagye lwe ndiragiraku obusungu obubitirivu, ndidhugumiza eigulu, n'ensi yaaseetuka okuva mu kifo kyayo.

Isaia 33:6

era yaaleetagho emiraala mu nsi eno. Buliidho akuuma abantu be, yaabagha amagezi n'okumanha. Era okumutya, n'eky'obukombe kyaibwe ekisinga mughendo mu byonabyona.

Isaia 34:4

Endhuba n'omwezi n'emuunienie, birighanuka ku igulu byagwa, eigulu lyazingibwaku ng'oti nzingo ya kitabo. Eby'oku igulu byonabyona birimagala, ng'oti n'amakaba bwe gava ku muzabbibu oba ku mutiini, ni gagwa.

Isaia 40:26

Mulinge ghaigulu mubone! Naani eyatonda ebyo ebiri ku igulu? Ni Katonda omulala oyo abiduumira ng'oti igye, n'ayeta buli kirala eriina lyakyo. Era nga bw'ali omukologho ow'amaani agataloodheka, ghaziragho waire ekirala kiti ku ebyo ekitabaagho ng'ayese.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 50:9

Bona, Musengwa Katonda mwene n'ambeera. Kale naani alinsalira omusango okunsinga? Abazigu bange boonaboona balikairigha baazikirira baawaagho ng'oti kivaalo ensiiriri ky'eriire.

Isaia 51:8

kuba baliwaagho ng'oti n'ekivaalo ekiriiriibwa ensiriri oba enseete. Aye obulokozi bwange bwe ndeeta bwidha kubangagho byanda na byanda, mbawonienga aghazira kulekera.”

Isaia 54:10

Ensozi dhisobola okuvaagho, n'obusozi bwawaagho. Aye nze okugonza kwe nkugonzaamu tikuja kuvaagho, n'endagaano ey'emiraala ye nakola n'iwe teja kukoma.” Atyo bw'akoba Musengwa Katonda oyo akugemerwa ekivunika.

Isaia 54:9

“Nga bwe nalayira mu biseera bya Noa obutairamu kabiri kuleeta maadhi ga mwidhuzo kubanda ku nsi, ni leero ntyo bwe ndi kulayira obutairamu kabiri kukusungughaliranga na kukudhuukanga, waire okukubonerezanga.

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Matayo 24:35

Eigulu n'ensi biriwaagho aye ebibono byange tibiriwaagho.

Yoanne 5:24

“Bwenebwene mbakobera nti: Kiisi awulira kibono kyange n'aikiriza oyo eyantuma, ali n'obulamu obutawaagho era taja kusalirwa musango, aba amaze okusomoka okuva mu kufa okungira mu bulamu.

Amateeka Agokubiri 4:19

“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.

2 Ab'e Thessalonika 2:16

Musengwa waife Yesu Kurisito mwene, era ni Katonda Lata eyatugonza olw'ekisa kye n'atugha eisanhu eritawaagho n'okusuubira ebirungi,

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

Abaheburayi 9:12

Yangira mu Kifo Ekitukuvu Einho omukuzi mulala guti gwamala, nga tatwalayo musaayi gwa mbuzi na nte nto ng'omusengo, aye ng'atwala omusaayi gwe mwene olw'okutufunira okununulibwa okutawaagho.

Abaheburayi 9:15

Kale ni Kurisito n'akwania endagaano empyaka, abo abaasuubizibwa ebirungi ebitawaagho babifune. Kuba yafa, yaanunula abantu mu bibi byaibwe bye baakolanga nga bakaafugibwa endagaano eyasooka.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.