Isaia 51:5 - Baibuli Ekibono kya Katonda 2014

⁵ Ndija mangu naabawonia, era ekiseera kyange eky'okulokola kiri kumpi. Mwene nze ninze ndifuga amaghanga. Era ensi edh'eghala dhinteegereire nga dhisuubirira mu nze okudhirokola.

Isaia 51:5 ပူးပေါင်းရင်းမြစ်များ

Zabbuli 110:6

Aidha kusalira ensi dhoonadhoona omusango, adhiidhuze emirambo era afafaaganie bakyabazinga mu nsi yoonayoona.

Zabbuli 67:4

Imwe amaghanga mwenamwena musangaale era mwembe olw'eisanhu, kuba Katonda asalira abantu emisango ng'aziramu kyekubira, era yaafuga amaghanga goonagoona ag'oku nsi.

Zabbuli 85:9

Mu butuufu bwene mwetegefu okulokola abo abamugha ekitiisa, olwo ekitiisa kye kibe nga kibonebwa mu nsi yaife.

Zabbuli 96:13

byonabyona nga biri mu maiso ga Musengwa Katonda ali kwidha. Aidha kusalira ensi omusango mu butuufu, ni mu mazima nga tasaliriza.

Zabbuli 98:9

kuba ali kwidha okusalira ensi omusango mu butuufu. Aidha kufuga abantu boonaboona, ng'akolera ku mazima.

Isaia 11:11

Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.

Isaia 24:15

Abo abaliba ku luuyi olw'e buvandhuba boona balimusaaka; n'abo abaliba mu biketezo eby'oku nhandha baamusaaka, oyo Musengwa Katonda, Katonda wa Isiraeli.

Isaia 26:4

Mwesigenga Musengwa Katonda ebyanda n'ebyanda, kuba Musengwa Katonda oyo ali ng'oti lubaale olwewogomwamu, aidha kubakuumanga ebyanda n'ebyanda.

Isaia 33:2

Wo Musengwa Katonda, tugemerwe ekivunika, kuba eisuubi lyaife liri mu iwe. Tukuumenga buli kaakyeire, era otulokolenga mu biseera ebizibu.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 40:10

Bwenebwene Musengwa Katonda wuuyo aidha ng'afuga n'amaani n'obuyinza. Wuuyo aidha n'ebirabo eby'okugabira abantu be, n'ebibonerezo eby'okwesasuuliza ku bazigu be.

Isaia 42:4

Taliwaamu maani waire okuwaamu eisuubi. Alireetagho okukolanga eby'amazima mu nsi ebigwaniire. N'ebiketezo eby'oku nhandha biri eyo biteegereire amateeka ge.”

Isaia 46:13

Obulokozi bwange mbuseesiisa kumpi, tibukaali ghala naire. Tija kulwagho kulokola bantu bange. Ndinunula Yerusalemu olwa Isiraeli okumpeesanga ekitiisa.”

Isaia 49:1

Imwe ebiketezo eby'oku nhandha muwulirise kye nkoba, imwe amaghanga agali eyo e ghala mumpulirise. Musengwa Katonda yandheta nga nkaali na kuzaalibwa, yaanonda nga nkaali na mu nda ya maama, mbe mugheereza we.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 56:1

Musengwa Katonda akoba abantu be ati: “Mukolenga amazima n'obutuufu, kuba ndi kumpi kwidha okubalokola, era ndholeke nga ninze mbawonia ebizibu byaimwe.

Isaia 59:16

Yeewuunhia okubona nga ghaziragho muntu waire omulala ati, afaayo kuwolerezaagho abo abatuntuzibwa. Kale mwene alikozesa obuyinza bwe n'obutuufu bwe, yaanunula abantu be okubatuusa ku bughanguzi.

Isaia 60:9

Ago n'amaato agava mu nsi edh'eghala, nga gakulembeirwamu amaato ag'e Tarushishi, agali kuleeta abantu ba Musengwa Katonda okuva eyo eghala. Abantu abo baleese feeza waibwe ni zaabu waibwe, okugha ekitiisa Musengwa Katonda Omutukuvu wa Isiraeli, kuba ataire ekinhagansi mu bantu be.

Isaia 62:11

bamanhe nga Musengwa Katonda ali kulangirira mu nsi yoonayoona ati: “Mukobe ab'omu Sioni muti, bona, omulokozi wuuyo aidha, ng'ali n'ebirabo eby'okugabira abantu be, n'empeera ey'okubasasula.”

Isaia 63:5

Nalingirira inho, aye nga tibona aidha ye ndi kuunhamba. Naatya inho, aye nga ghazira angumya. Kale naakozesa amaani gange n'obusungu bwange, byandeetera okughangula.

Yoeli 3:12

“Abantu ab'amaghanga ka basitukiremu, baje mu Kiiko kya Yehoshafati; kuba eyo nze Musengwa Katonda ye ndityama okulamula amaghanga goonagoona ageezungulwire agho.

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Matayo 3:2

yaakoba ati: “Mwenenie kuba Obwakyabazinga obw'omu igulu buseese.”

Mariko 16:15

Agho yaabakoba ati: “Muje mu nsi yoonayoona mukobere ebitonde byonabyona Amawulire Amalungi.

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Ebikolwa by'Abatume 17:31

kuba yataagho olunaku, lw'aja okusaliraku ensi yoonayoona omusango mu mazima ng'abita mu muntu ye yalonda, era kino yakikakasa abantu boonaboona bwe yazuukiza omuntu oyo.”

Ab'e Roma 2:16

Era okusinziira ku Mawulire Amalungi ge nkobera abantu ku lwa Kurisito Yesu, kiti bwe kiriba ku lunaku Katonda lw'alisaliraku abantu omusango olw'ebyo bye bagisa.

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Amateeka Agokubiri 30:14

Aye biri kumpi inho n'imwe. Bibali ku munwa, ni ku myoyo, olwo mughange okubituukirizanga.

1 Samueli 2:10

Abazigu ba Musengwa Katonda aja kubazikiriza baweegho; aja kubabwatukira ng'oti lukuba ng'ali mu igulu. Musengwa Katonda aja kulamula ensi yoonayoona, aghe kyabazinga we amaani, agulumize obukumu bw'oyo ye yasiiga omuzigo.”