Isaia 51:4 - Baibuli Ekibono kya Katonda 2014

⁴ Imwe abantu bange mumpulirise; imwe eighanga lyange mutege kutu muwulire bye nkoba. Nditaagho amateeka gange, naayegeresa abantu boonaboona okukola amazima agaliba ekimulika eri amaghanga goonagoona.

Isaia 51:4 ပူးပေါင်းရင်းမြစ်များ

Zabbuli 106:5

Nsobole okubona ng'abantu bo be weerondera, obulamu bubajiira bukalamu. Olwo nsagambire ghalala n'eighanga lyo, era neesiime n'abo ababo.

Zabbuli 147:20

Ekyo takikolerangaku nsi yindi yoonayoona, era tibaidhi by'alagira. Mwenamwena musaake Musengwa Katonda!

Zabbuli 33:12

Eighanga eriri ni Musengwa Katonda nga ni Katonda waalyo, lya nkabi; abantu Musengwa Katonda b'alonda okuba ababe, ba nkabi.

Zabbuli 50:7

“Imwe abantu bange mumpulirise, ndi ni kye mbakoba; imwe Abaisiraeli, ndidha kubalumiriza. Ninze Katonda, Katonda waimwe.

Zabbuli 78:1

Bantu bange, mutege kutu muwulire bye mbeegeresa; mwetegereze kiisi kibono kye mbakoba.

Okuvaayo 19:6

Era munaabanga eighanga eitukuvu, mwampeerezanga nga bakabona. Ebyo by'obe okobe Abaisiraeli.’ ”

Okuvaayo 33:13

Buti ni kye nkusaba, nga bw'osiima bye nkola, ndholeka ensambo ye mbe neebiseemu, nsobole okukumanha obukalamu era nhongere okukusiimya. Wo Musengwa Katonda, idhukira ng'abantu bano niiwe mwene owabeerondera babe abantu bo.”

Ensambo 6:23

Kuba ebyo bye bakulagira biri ng'oti itaala eryaka mu nzikiiza, n'ebyo bye bakwegeresa byaba ng'oti butangaavu, ate ebyo bye bakuneniamu byakutuusa ku bulamu.

Isaia 1:27

Olw'okuba Musengwa Katonda akolera ku mazima era nga mutukuvu, alinunula Yerusalemu n'abantu baamu boonaboona abeenenia.

Isaia 2:3

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Isaia 26:2

Mwigulegho emiryango gyakyo, muleke abantu ab'eighanga eryesiga Katonda baingire, abantu abo abakola ebituufu.

Isaia 26:8

Wo Musengwa Katonda, ife tujiira ku ebyo by'oyenda, era titwerabira liina lyo; kuba mu eryo mwe tufunira bye twegomba.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 42:21

Musengwa Katonda olw'okuba yayenda okulokola abantu, yasalagho okugulumiza amateeka ge, abantu bagatengamu ekitiisa.

Isaia 42:6

“Nze Musengwa Katonda nakweta oleetere abantu okukolerwanga eby'amazima ebibagwaniire. Nakugema ku mukono naakukuuma. Era ndibita mu iwe naakola endagaano n'abantu boonaboona, era naaleetera amaghanga goonagoona obutangaavu.

Isaia 49:6

Musengwa Katonda oyo yankoba ati: “Iwe eky'okuba omugheereza wange n'okola ogw'okwizaagho ekitiisa ky'ebika bya Yakobo, n'okwiza Abaisiraeli abaawonagho, tikimala. Ku ebyo ndyongerezaaku okukufuula eitaala eri amaghanga, olwo ensi yoonayoona erokolebwe.”

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Isaia 63:8

Musengwa Katonda yakoba ati: “Bwenebwene bano bantu bange, abataja kunguyaguya.” Kale ni yaaba Omulokozi waibwe.

Mika 4:2

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Luka 2:32

Ekimulika eky'okumulisa amaghanga ekitiisa, eky'abantu bo Abaisiraeli.”

1 Ab'e Korintho 9:21

Mu bamaghanga agandi nafuuka ng'abamaghanga agandi abatafugibwa Mateeka, nsobole okuleeta abamaghanga agandi. Kino tikitegeeza kiti tigondera mateeka ga Katonda. Mu butuufu ngondera eiteeka lya Kurisito.

Amateeka Agokubiri 18:18

Ndidha kubasindikira omulanzi okuva mu ighanga lyaibwe, ali ng'oti niiwe. Ndidha kumukobera eby'okwogera, olwo abakoberenga byonabyona bye ndimulagira.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.