Isaia 51:20 - Baibuli Ekibono kya Katonda 2014

²⁰ Abantu bo baziriike bali agho beegolomoire mu maagaanana aga buli luguudo. Bali ng'oti mpongo egwire mu lutuula lw'omuyiizi. Musengwa Katonda abanoziiza n'obusungu bwe, Katonda oyo abakangaiviire n'amaani.

Isaia 51:20 ပူးပေါင်းရင်းမြစ်များ

Isaia 29:9

Mwesirughaze mufuuke basirusiru! Mwetulughaze mufuuke batulu! Mutamiire nga timunhweire na ku mwenge! Mutagale nga timukombye ku kitamiiza naire!

Isaia 40:30

Abaisuka boona bakoogha, n'abakaali abato boona baawaamu amaani.

Isaia 49:26

Abo abakukiriga iwe Yerusalemu ndibaleetera okwitagana beene na beene, baatamiira okuyugha omusaayi gw'abantu ng'oti bwe batamiira omwenge. Olwo abantu boonaboona balimanha nga ninze Musengwa Katonda Omulokozi era Omununuzi waimwe. Era balimanha nga ninze Katonda wa Isiraeli Aghanga Ebintu Byonabyona.”

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 51:17

Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Isaia 51:21

Kale ni, imwe abadaazibwadaazibwa, ni mutamiira nga timunhweire na ku mwenge,

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Isaia 8:21

Era baidha kuyengeeteranga mu nsi nga beeraliikirivu inho, era nga balumwa endhala. Ng'endhala eri kubaluma, baidha kwesinwanga bakolime kyabazinga waibwe ni Katonda waibwe. Ni bwebaliringa ghaigulu batya,

Yeremia 14:16

N'abantu be bakobera obulanzi obwo boona baliitibwa mu nsambo n'endala. Emirambo gyaibwe, ghalala n'egya bakazi baibwe, n'egya batabane baibwe ni baghala baibwe, gija kusuulibwa mu nguudo dha Yerusalemu, nga ghazira na muntu agiziika mu nsambo eyo mbeesasuulizeeku olw'ebibi byaibwe.”

Yeremia 14:18

Bwentambula ni njaaku eyo mu byalo, mbona mirambo gy'abaitirwa mu lutalo. Bwenhingira mu bibuga, mbona bantu bali kulambuka ndhala. Abalanzi ni bakabona bakola emirimo gyaibwe nga buliidho mu nsi, aye bazira kye baidhi.”

Okulira 1:15

Abalwani bange ab'amaani, Musengwa yabasuula ere ng'oti n'abatagasa. Yaataagho eigye okuunumba, okufafaagania abasaadha bange ab'amaani. Antyankiriire n'abantu bange ng'oti mizabbibu mu kikunhiro eky'omwenge ogw'emizabbibu.

Okulira 1:19

Nayeta bakagwa bange baidhe baanhambe, aye baaloba kwidhayo. Bakabona bange n'abantu abakulu baafiira mu kibuga, nga bali kwagala emere ey'okulya balobe kulambuka ndhala.

Okulira 2:19

Muzuuke obwire emikuzi egigheraku mulirire Musengwa! Mumukobere ebibali ku mwoyo byonabyona ng'awulira. Mughanike amakono mugoolekeze Musengwa Katonda, nga musabira abaana baimwe abali kulambukira endhala ku nguudo dh'ekibuga.

Okulira 4:11

Musengwa Katonda yadhuuna obutalekamu, era obusungu bwe bwayaka ng'oti muliro yaateera oluyiira olwayokya Sioni okutuukira irala ku misingi gyakyo.

Okulira 4:2

Abaisuka ab'omu Sioni abaatwalibwanga okuba ab'omughendo ng'oti zaabu mukenenule, buti batwalibwa ng'oti bitamutamu bya itosi.

Okulira 5:13

Bakaka abaisuka baife okusa ku mmengo, abalenzi abato baayuuga n'ebinhwa by'enku ebizito.

Ezekieli 12:13

Ndimutega naamugemya mu lutuula lwange, naamutwala mu kibuga Babiloni mu nsi ey'Abakaladea, yaafiira eyo aye nga ekibuga ekyo takiboineeku naire.

Ezekieli 17:20

Ndimutega naamugemya mu lutuula lwange, naamutwala mu Babilonia. Naamusalira eyo omusango gwamusinga, era naamubonereza olw'obutaba mwesigwa ye ndi.

Ezekieli 39:19

Era enhonhi edho n'ensolo edho, nga dhiri ku kibinuko eky'omusengo kye nja okudhitegekera, dhirirya amasavu okutuusa nga dhiigwite, dhaanhwa n'omusaayi okutuusa nga dhigutamiire.

Amateeka Agokubiri 14:5

empongo, empuuli, endhobe, embuzi edh'omu nsiko, n'entaama edh'omu nsiko,

Amateeka Agokubiri 28:20

“Bwe munaakolanga ebibi ni muva ku Musengwa Katonda, Musengwa Katonda oyo aidha kubasindikiranga ebikolimo, okusoberwa era n'okutabulwa, mu byonabyona bye munaakolanga, okutuusa lwe mulizikirizibwa ni muwaagho amangu geene.

Okwolekebwa 14:10

yeena alinhwa omwenge ogw'emizabbibu ogw'obusungu bwa Katonda, nga gufukiibwa mu kikopo eky'obusungu bwe era nga tigudhuuluusiibwamu naire. Era alidaazibwadaazibwa n'omuliro n'obunhota bwa salufa, mu maiso ga bamalaika abatukuvu n'ag'Entaama Ento.