Isaia 51:18 - Baibuli Ekibono kya Katonda 2014

¹⁸ Mu baana boonaboona be wazaala, muziramu waire omulala ati akukulemberamu; mu bantu bo abo boonaboona be wakuza, muziramu waire omulala ati akugema ku mukono.

Isaia 51:18 ပူးပေါင်းရင်းမြစ်များ

Yobu 8:20

Aye Katonda talekulira agho bantu baziraku musango, ate tayamba bakozi ba bibi.

Zabbuli 142:4

Nninga eno n'ere mbone munange, aye nga ghazira andiku naire, ghazira ye naalumukira, era ghazira muntu yeenayeena anfaaku.

Zabbuli 88:18

Ondeeteire bakagwa bange abangonza einho okuneesamba, era buti enzikiiza ni munange yenka ye nasigaza.

Isaia 41:13

Nze Musengwa Katonda wo ninze nkugha amaani, era ninze ndi kukukoba nti, ‘Otatya, ndidha kuyamba.’

Isaia 45:1

Musengwa Katonda yalonda kyabazinga Kuro, yaamutuma okughangula amaghanga, n'okutoola ku bakyabazinga obukumu. Musengwa Katonda alimwiguliragho emiryango gy'ebibuga, ghaaloba kubaagho agiigalagho. Musengwa Katonda akoba Kuro oyo ati:

Isaia 49:21

Agho olyebuuza mule oti, ‘Naani eyanzaalira abaana bano boonaboona? Nze nafiirwa abaana, naasigalagho mulala ati ng'oti n'ole atazaalangaku, era abazigu bantoolagho, bantwala mu bunhage. Kale, naani eyaleeta abaana bano, ate nga bwenebwene nze naasigalagho mulala nti? Abaana bano baava gha.’ ”

Isaia 54:11

Musengwa Katonda akoba ati: “Iwe ekibuga Yerusalemu odaazibwadaazibwa era oyuuzibwayuuzibwa kiwunga, ghaaloba kubaagho akugumyaku naire. Aye bona eno, ndikuzimbisa amabaale ag'okudholigadholiga, emisingi gyo naagizimbisa amabaale ag'omughendo ageetebwa saffiro.

Yeremia 10:20

Eweema dhaife badhoonoine, n'emigugha egidhibamba gyonagyona gikutwike. Abaana baife batuviireku, tibakaaligho. Ghazira muntu wa kutubambira weema dhaife, na kudhitaamu nsuubo dhaamu.”

Yeremia 31:32

Teriba ng'oti n'ere ye nakola ni badhaadha baibwe, lwe nabagema ku mukono ni mbatoola e Misiri kuba waire nga nze nali Musengwa Katonda waibwe, aye era tibaakuuma ndagaano eyo

Ezekieli 34:6

Entaama dhange edho dhaaja nga dhitambulatambula eyo dhityo, ku nsozi enene ni ku busozi obutono. Dhaasansaanira mu nsi yoonayoona aghazira adhinonerezaaku oba adhinooniaku.

Amosi 5:2

“Isiraeli omughala omwegha agwire butasituka. Alekeibwa agho ku itaka nga yeegolomoire. Ghazira naire wa kumuyambaku okusitukagho!”

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Matayo 9:36

Bwe yabona abantu kamaala batyo, yaabagemerwa ekisa, kuba baali beinhamiire era nga babundaire ng'oti n'entaama edhiziraku mwayi.

Mariko 8:23

Yaagema omutulu ku mukono, yaamutoola mu kibuga. Era ng'amaze okumufuudha ku maiso n'okumugemaku, yaamubuuza oba ng'aliku ni ky'abona.

Ebikolwa by'Abatume 13:11

Aye mperaano bona eno, Musengwa akusonseemu olwala, oidha kuba mutulu nga tobona ndhuba okumala entangama.” Mangu ago ekifu n'enzikiiza byamugwa ku maiso, yaaghaamanta ng'ayagala ow'okumugema ku mukono.

Ebikolwa by'Abatume 9:8

Saulo yaasituka okuva ghansi, yaakanula amaiso aye nga tasobola kubona. Baamugema ku mukono, baamutwala mu Damasiko.

Abaheburayi 8:9

Teriba oti n'endagaano ye nakola ni badhaadha baibwe, ku lunaku lwe nabagema ku mukono okubatoola mu nsi Misiri; kuba tibaakalangukira ku ndagaano ye nakola nabo. Zeena kyenava ni ndekayo okubafaaku.