Isaia 51:17 - Baibuli Ekibono kya Katonda 2014

¹⁷ Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Isaia 51:17 ပူးပေါင်းရင်းမြစ်များ

Yobu 21:20

Ababi abo ka babone beene nga bwe bazikirizibwa, bawulire obusungu bw'oyo Aghanga Ebintu Byonabyona.

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Zabbuli 60:3

Abantu bo obaleeteire obuzibu obukalangufu; otughaire omwenge ogw'emizabbibu okunhwa, gwatugaaliisa ng'oti batamiivu.

Zabbuli 60:5

Ife b'ogonza tuwulirise otuwonie, otughe obughanguzi n'obuyinza bwo.

Zabbuli 75:10

Amaani ag'ababi goonagoona aligazikiriza, ate amaani ag'abatuufu aligongeraku obungi.

Zabbuli 75:8

Katonda agemereire mu ngalo ekikopo eky'omwenge ogw'emizabbibu omuka ogw'obusungu bwe. Aja kugufukira ababi ab'oku nsi boonaboona, bagunhwe gwonagwona okutuuka ni ku iseedha.

Isaia 29:9

Mwesirughaze mufuuke basirusiru! Mwetulughaze mufuuke batulu! Mutamiire nga timunhweire na ku mwenge! Mutagale nga timukombye ku kitamiiza naire!

Isaia 40:2

Mwize amaani mu bantu b'omu Yerusalemu. Mubakobe muti mpegaano okudaazibwadaazibwa kukomye, era ebibi byaibwe bisoniyiibwa. Nze Musengwa Katonda namala okubagha ekibonerezo ekibajaamu olw'ebibi byaibwe.”

Isaia 51:21

Kale ni, imwe abadaazibwadaazibwa, ni mutamiira nga timunhweire na ku mwenge,

Isaia 51:22

Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Isaia 63:6

Natyankatyanka mu busungu amaghanga, naagamanhiangula n'ekiruyi kyange, naayugha ku itaka omusaayi gw'abantu ogubagha obulamu.”

Yeremia 13:13

Olwo omale obakobe oti, nze Musengwa Katonda nja kutoola abantu b'omu nsi eno: bakyabazinga baidhukulu ba Daudi, ni bakabona, n'abalanzi, n'abantu boonaboona ab'omu Yerusalemu, mbaidhuze omwenge gw'emizabbibu ng'oti n'omuntu bw'aidhuza ekidoome, okutuusa nga boonaboona batamiire.

Yeremia 25:18

Ab'omu Yerusalemu n'ab'omu bibuga byonabyona ebya Buyudaaya, ghalala ni bakyabazinga n'abakungu baabyo baakinhwa. Olwo, ebibuga ebyo bisobole okufuuka ebifulukwafulukwa mu nsambo etiisa einho. Era olwo abantu babyesimoozenga bwesimooze era babikolimirenga, nga bwekiri ni ye buli eno.

Yeremia 25:27

Agho Musengwa Katonda yankoba ati: “Kobera abantu oti nze Musengwa Katonda Afuga Amagye Katonda wa Isiraeli, nkoba nti, ‘Munhwe mutamiire mutuuke n'okwegoga, era mugwe ghansi nga timukaasobola na kusituka, olw'olutalo lwe nja okubasindikira.’

Yeremia 44:6

Kyenava ni mmalira obusungu bwange n'ekiruyi kyange ku bibuga by'omu Buyudaaya, ni mu nguudo dh'omu Yerusalemu. Naabikunaaniaku omuliro, byasigala agho bityo nga bifuuse bifulukwa byereere, nga bwe bikaali ni ye buli eno.

Zekaria 12:2

“Bona eno, ndifuula Yerusalemu kyaba ng'oti kikopo kya mwenge gwa mizabbibu. Abantu ab'amaghanga agakyezungulwire balikinhwa kyabaleetera okutagala ng'oti batamiivu. Era abazigu bwe balizingiza Yerusalemu, balizingiza n'ebibuga eby'omu Buyudaaya byonabyona.

Matayo 20:22

Yesu yairamu ati: “Kye musaba timukiidhi. Mughanga okunhwa ku kikopo kye nja okunhwa?” Baamukoba bati: “Tughanga.”

1 Ab'e Korintho 15:34

Mweireku mulekere agho okukola ebibi, kuba abandi ku imwe timwidhi Katonda. Kino nkyogeire mbagemye ensoni.

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

Amateeka Agokubiri 28:28

Musengwa Katonda aidha kubagwisanga eiralu, abafuulenga batulu, era abaleeterenga okusoberwa.

Amateeka Agokubiri 28:34

Enaku eyo ye munaabonanga eidha kubasuulanga bwa iralu.

Okwolekebwa 14:10

yeena alinhwa omwenge ogw'emizabbibu ogw'obusungu bwa Katonda, nga gufukiibwa mu kikopo eky'obusungu bwe era nga tigudhuuluusiibwamu naire. Era alidaazibwadaazibwa n'omuliro n'obunhota bwa salufa, mu maiso ga bamalaika abatukuvu n'ag'Entaama Ento.

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.

Okwolekebwa 18:6

Mumukole nga mwene bwe yabakola, ate ku bikolwa bye mumwesasuuzeemu emikuzi ebiri. Ekikopo kye yabatabulira imwe, mukimutabuliremu obuka bwa mikuzi ebiri.

Abalamuzi 5:12

Zuuka, zuuka Debora, situka oyembe olwembo! Zuuka Baraki mutabane wa Abinoamu, twala abo be wanhaga.