Isaia 51:13 - Baibuli Ekibono kya Katonda 2014

¹³ Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Isaia 51:13 ပူးပေါင်းရင်းမြစ်များ

Yobu 37:18

osobola okugemeraku Katonda okubamba eigulu, ni limesunkana ng'oti mbonerwamu?

Yobu 9:8

Yabamba eigulu yenka, yaawoza okwefuukuula okw'enhandha.

Zabbuli 104:2

weebwika obutangaavu ng'oti kivaalo, era waayandhuluza eigulu ng'oti weema.

Zabbuli 106:13

Aye beerabira mangu bye yabakolera, baalekera n'agho okumalanga okumwebuuzaaku abaghe ku magezi.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Isaia 10:24

Kale Musengwa Katonda Afuga Amagye akoba ati: “Imwe abantu bange ababa mu Sioni, mutatya Bassiria bwe babaswanhula era ni babakuba emiigo ng'Abamisiri bwe baakolanga

Isaia 14:4

Musengwa Katonda bw'alituukiriza ekyo, Abaisiraeli baliyeeyereza kyabazinga w'e Babilonia, nga bakoba bati: “Omufuzi kaabuluuku akomye, n'obukambwe bwe tibukaaligho!

Isaia 16:4

Mutuleke tusenge mu nsi yaimwe, mutuwonie oyo ali kwenda okutuzikiriza; kuba oyo atunhigiriza alituusa ekiseera yaavaagho, yaalekera agho okutuzikiriza. Oyo atutyankirira n'ebigere aliva mu nsi yaife.

Isaia 17:10

Iwe Isiraeli weerabiire Katonda wo akuwonia, waamuvaaku oyo ali ng'oti lubaale mwe weewogoma. Oize mu kusimba nimiro dh'omala n'osengamu emisambwa.

Isaia 40:21

Obwo bwenebwene timukiidhi era timukiwulirangaku? Ghazira muntu akibakoberangaku okuva mu mainhama? Era timukitegeerangaku okuva ku kutondebwa kw'ensi?

Isaia 40:22

Kale ni bwenebwene Katonda oyo n'atyama ghaigulu gh'ensi eneetooloovu. Abantu abagibaaku baboneka nga batini ng'oti masisi. Katonda oyo yabambagho eigulu ng'oti lutimbe, yaalyandhuluza ng'oti weema ya kubaamu.

Isaia 42:5

Musengwa Katonda n'eyatonda eigulu yaalibambagho, era yaayandhagho ensi yaagitaamu n'ebigirimu byonabyona. Abantu ababa mu nsi eyo ni bagitambuliramu, yabataamu omuuka gwe bagheera n'omwoyo ogw'obulamu. Era Musengwa Katonda oyo akoba omugheereza we ati:

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Isaia 45:12

Ninze natonda ensi, naatonda n'abantu abagibaamu. Nakozesa obuyinza bwange, naabamba eigulu, era ninze nfuga n'ebiri ghaigulu mu ibbanga byonabyona.

Isaia 45:18

Musengwa Katonda yatonda eigulu, era oyo ni Katonda. Yaawumba ensi yaagikola, yaagitaagho yaaba ngumu begulugulu. Tiyagitondera kubaagho nga ntabangufutabangufu, yagitaagho nga ya kubangamu bantu. Era akoba ati: “Ninze Musengwa Katonda zenka, ezirayo Katonda wundi naire.

Isaia 48:13

Ninze mwene eyataagho omusingi gw'ensi, era nze mwene naabambagho eigulu; bwe mbyeta bivugira era byaidha mangu.

Isaia 49:26

Abo abakukiriga iwe Yerusalemu ndibaleetera okwitagana beene na beene, baatamiira okuyugha omusaayi gw'abantu ng'oti bwe batamiira omwenge. Olwo abantu boonaboona balimanha nga ninze Musengwa Katonda Omulokozi era Omununuzi waimwe. Era balimanha nga ninze Katonda wa Isiraeli Aghanga Ebintu Byonabyona.”

Isaia 54:14

Okukola amazima n'obutuufu birikuleetera okuba ow'amaani. Oliwona okutuntuzibwa, era ebintu ebitiisa tibiriseeta gh'oli.

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Isaia 7:4

Omukobe oti, ‘Guma obe mwikaikamu, otatya era otawaamu maani. Obusungu obubitirivu obwa Rezini, n'obw'Abasiria, n'obwa Peka mutabane wa Remalia, buli ng'oti mwosi bwosi oguva ku buti obubiri obunioka.

Isaia 9:4

Kuba obatoireku obuzito obwabavunanga, waamenhamenha emiigo gye baabakubisanga ku mabega, waaghangula amaghanga agaatuntuzanga abantu bo, ng'oti ni bwe waghangula Abamidia.

Yeremia 2:32

Omughala asobola okwerabira ebyamadholobera bye by'avaala? Oba omugole okwerabira ebivaalo bye eby'obugole? Aye abantu bange baneerabiire enaku kamaala edhitabalika!

Yeremia 38:19

Aye kyabazinga yairamu ati: “Nze ntya Bayudaaya banaife abaamala okweghaayo ni baira ku luuyi lw'Abababilonia. Abababilonia basobola okumpaayo eri Abayudaaya abo bandeetera okulumizibwa nga bandaazadaaza.”

Yeremia 41:18

Baayenda okuja e Misiri olw'okutya Abababilonia, kuba Ishimaeli mutabane wa Nethania yatemula Gedalia mutabane wa Ahikamu, kyabazinga w'e Babilonia ye yali aghaire okufuga Buyudaaya.

Yeremia 51:15

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabambagho eigulu.

Yeremia 51:19

Aye Katonda wa Yakobo tali ng'oti ni byene, kuba n'eyakola ebintu byonabyona. Era yalonda Isiraeli okuba eighanga erirye ku bubwe. Eriina lye, ni Musengwa Katonda Afuga Amagye.

Danieli 3:15

Mpegaano ni, oba nga olunaawulira muti okuvuga okw'endeka, n'endere, n'endingidi, n'endongo, n'entongooli, n'ebivuga ebindi, munaaba beetegefu okweyala ghansi musinze ekiwumbe kya zaabu kye nakola, olwo ghazira kabi kaidha kubatuukaku. Aye bwe munaaloba okukisinza, baidha kubasuula mangu ago mu kikoomi ekiri kugeigera omuliro. Ghaligho katonda yeenayeena anaabawonia nabatoola mu buyinza bwange?”

Danieli 3:18

Aye Katonda waife ni bw'aba nga taakole atyo, twenda okukumanhisa, iwe Isebantu kyabazinga, nga tituja kugheereza bakatonda bo waire okusinza ekiwumbe kya zaabu kye wataagho.”

Danieli 3:19

Agho Nebukadinezzari yaasungughala ekibitiriire, yaatungulira Shaduraka, ni Meshaki, ni Abedinego, amaiso. Yaalagira bakume ekikoomi kigeigere emikuzi musanvu okusinga bwe kigeigeranga buliidho.

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.

1 Ab'e Korintho 1:20

Kale olwo omugezi ali gha? Oba omwegerese ali gha? Oba kabwidhibwidhi ow'ensi eno mu kutakana ali gha? Katonda ayoleike ng'amagezi ag'ensi eno gaaga busiru,

1 Ab'e Korintho 15:55

Iwe kufa obughanguzi bwo buli gha? Iwe kufa okulumya kwo kuli gha?”

Amateeka Agokubiri 32:18

Beerabira omulwanirizi waibwe ow'amaani, baaloba kwidhukira Katonda waibwe eyabagha obulamu.

Amateeka Agokubiri 6:12

mwegenderezenga mulobe kwerabiranga Musengwa Katonda eyabatoola e Misiri, ye mwali nga mukola obwiru.

Amateeka Agokubiri 8:11

Musa yaayongera okukoba Abaisiraeli ati: “Mwekuumenga mulobenga kwerabira Musengwa Katonda waimwe, nga muloba okukuuma amateeka ge, n'ebiragiro bye, n'okulamba kwe, bye ndi kubagha olwaleero.

Abaheburayi 11:15

Era nguli baali badhuuba ku nsi ye baavaamu, bandighanze okwirayo.

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.

Okwolekebwa 20:9

Balisaatuukira mu nsi yoonayoona, baazingiza enkambi y'abatuukirivu, n'ekibuga kya Katonda ekigonzi. Aye omuliro guliika nga guva mu igulu, gwabazikiriza