Isaia 51:10 - Baibuli Ekibono kya Katonda 2014

¹⁰ Niiwe owakaza amaadhi amangi ag'enhandha, waata engira ku ntobo yaayo, abantu bo b'onunwire basobole okusomoka.

Isaia 51:10 ပူးပေါင်းရင်းမြစ်များ

Zabbuli 106:10

Kale yaabatoola mu ngalo dh'abazigu baibwe; yaabawonia abo ababakiriga.

Zabbuli 106:9

Yakaabukira Enhandha Emyufu yaakala; yaasomosa abantu be okubita ku ntobo y'enhandha ng'ekaze ng'oti irungu.

Zabbuli 74:13

Enhandha wagigabaniamu ghabiri n'amaani go, waakonkona emitwe egy'agasota ag'omu maadhi.

Zabbuli 77:19

Watambula ku nhandha, waakola akagira ku maadhi amangi, aye ebigere mw'obise byaloba kuboneka.

Okuvaayo 14:29

Aye nga Abaisiraeli baabita mu nhandha nga batambulira ku itaka ikalu, ng'amaadhi geebunze ku mbali ni ku mbali ng'oti bimante.

Okuvaayo 15:13

Waatambuza abantu bo be wanunula ng'obooleka okugonza okutakoma. Wabagema ku mukono n'omukono gwo ogw'amaani waabatuusa gh'oba aghatukuvu.

Isaia 11:15

Musengwa Katonda alikozesa empewo ye ebabula yaakaza ekikono ky'enhandha y'e Misiri; era yaasonka omukono gwe ku mwiga Eufurate, yaagwawulamu obwiga musanvu, abantu bwe basobola okusomoka nga tibabozeeku naire.

Isaia 11:16

Ghalibaagho oluguudo abantu be Abaisiraeli abaliwonagho mwe balibita nga bava mu Assiria, ng'oti ni bwe ghaaligho oluguudo Abaisiraeli mwe baabita nga bava mu Misiri.

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 35:9

Eyo teribaayo mpologoma, waire okubaayo ensolo yoonayoona enswankuzi eriidha okutambulira mu ngira eyo. Aye abo Musengwa Katonda b'alinunula n'abaligibitamu.

Isaia 42:15

Ndyonoonayonoona ensozi n'obusozi, naakaza eisubi n'emiti ebidhiriku. Emiiga ndigifuula bizinga, naakaza n'ebidiba eby'amaadhi.

Isaia 43:16

Eira einho, Musengwa Katonda oyo n'eyatema oluguudo mu nhandha, yaakola engira mu maadhi amaleeyi.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Isaia 62:12

Mulyetebwa “Bantu batukuvu,” era “Abantu aba Musengwa Katonda abaanunulwa.” N'iwe Yerusalemu olyetebwa “Kibuga Katonda ky'ayenda,” era “Kibuga Katonda ky'atalekulirangaku agho.”

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Mika 7:15

Wo Musengwa Katonda, tukolere ebyewuunhio nga bwe wakolanga mu biseera bye twalinga e Misiri.

Zekaria 10:11

Bwe baliba nga bali kubita mu nhandha ey'e Misiri, nze Musengwa Katonda ndikuba okwefuukuula okw'enhandha eyo, n'entobo ey'omwiga Kiyira yaakala. Okwekuluntaza kw'Abasiria kuliisibwa ghansi, n'obuyinza bw'Abamisiri bwawaagho.