Isaia 50:6 - Baibuli Ekibono kya Katonda 2014

⁶ Nataagho omugongo gwange baakuba, naataagho amatama bankuunhuula ekirevu, era naaloba kukyukira mbali, nga bali kunfuudha mu maiso okunswaza.

Isaia 50:6 ပူးပေါင်းရင်းမြစ်များ

Nehemia 13:25

Naavumirira inho abasaadha abo, era naabakolimira. Ate abandi naabakuba, era naabakuunhuula n'enviiri. Naabalayiza mu liina lya Katonda nti: “Mutafumbirwagananga nabo, nga mughaayo baghala baimwe okubayira batabane baibwe, oba okutoola baghala baibwe okubayira batabane baimwe, oba okubayira imwe beene.”

Yobu 16:10

Abantu baaningiriire baayasaamirira. Baneebbuuseeku bankuba empi ku matama.

Yobu 30:10

Baneesiniirwa, tibakaaseeta ghe ndi, tibatya na kwidha kunfuudha mu maiso matanta.

Zabbuli 129:3

Omugongo gundidhwire bigufulugufulu, ng'oti n'enimiro ye balimiisa embago y'ente.

Zabbuli 69:7

Ku lulwo abantu banvuma, era tikaayala na mu bantu.

Zabbuli 69:8

Aboluganda lwange baaningaku ng'oti tibandidhi, baganda bange ku maama bambona ng'oti ndi wa ndha.

Isaia 53:5

Aye olw'ensobi dhaife baamufumita baamutaaku ebibwa, era olw'ebibi byaife baamunuubulanuubula. Baamudaazadaaza ife tuwonezebwe, era baamukuba emiigo ife tube abalamu.

Isaia 53:7

Baamudaazadaaza era baamukiriga, aye yaaba mugonvu yaakigumira, yaaloba waire okubumbula omunwa. Yaaba ng'oti n'entaama ye batwala okwita, era ng'oti n'entaama ye basalaku ebiviiri, n'etaliraku naire. Tiyabumbula munwa naire.

Okulira 3:30

Era omuntu oyo atafangayo ku mikuzi emeka gy'akubiibwa, oba ku bivumo ki by'avumiibwa.

Mika 5:1

Abantu ab'e Yerusalemu mwesoloze mukole eigye! Batuzingiiza! Bakubye omufuzi wa Isiraeli ku itama n'olwigo.

Okubala 12:14

Aye Musengwa Katonda yaamwiramu ati: “Nguli ise n'abaire ng'amufuudhie amatanta mu maiso, ti yandibaire na buswavu kumala nnaku musanvu? Kale leka asibirwe kuliya okw'ekifo abantu ghe baasimba weema dhaibwe okumala enaku musanvu, memale bamale bamwingize kabiri.”

Matayo 26:67

Baamufuudha mu maiso, baamudaazadaaza inho, baamukuba empi,

Matayo 27:26

Agho Pilato yaabalekulira Barabba ate Yesu nga bamaze okumuwaiga enkoba, yaamubagemya bamukomerere ku musalaba.

Matayo 27:30

Baamufuudhaku amatanta, baatoola olugada baamukonta mu mutwe.

Matayo 5:39

Aye nze mbakoba nti: Mutatakanianga mubi era ole bw'akukubanga ku itama ery'omukono omusaadha omugaluliranga n'erindi.

Mariko 14:65

Ng'olwo abandi batoolera kumufuudhaku, baamughemba mu maiso, baamukuba, eno nga bwe bamukoba bati: “Teeba akukubye.” N'abakuumi baamusangaaza na gafunsi.

Mariko 15:19

Baamukonta mu mutwe n'olugada, baamufuudhaku, baakuba amakiryaivu baamusinza.

Yoanne 18:22

Yesu bwe yakoba ebyo, omukuumi mulala ku baali beemereire agho yaamukuba oluyi ng'akoba ati: “Otyo bw'oiramu Omukulu wa Bakabona.”

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.