Isaia 50:10 - Baibuli Ekibono kya Katonda 2014

¹⁰ Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Isaia 50:10 ပူးပေါင်းရင်းမြစ်များ

2 Samueli 22:29

Wo Musengwa Katonda, bwenebwene oli itaala lyange, era niiwe Katonda wange amuliikirira mu nzikiiza.

1 Ebyomubyanda 5:20

Baata obwesige mu Musengwa Katonda nga bamusaba ababeere, era yaababeera yaabaleetera okughangula Abahagari ghalala ni boonaboona abaali nabo.

2 Ebyomubyanda 20:12

Wo Katonda waife, babonereze, kuba ife tuzira maani ga kulwanisa igye inene lino eritulumbye. Titwidhi kya kukola, aye tulingiriire ku iwe.”

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Yobu 13:15

Bona, oba Katonda andhita, andhite, kiki kye nkaasuubirayo? Aye ndidha kwewozaaku mu maiso ge.

Yobu 29:3

entaala ye yayakiranga agho ku mutwe gwange, okuumulisa mbite mu nzikiiza.

Zabbuli 111:10

Mu kutya Musengwa Katonda n'omusookera amagezi; abo abagondera ebiragiro bye abagha okutegeera. Musengwa Katonda asaakibwenga ebyanda n'ebyanda.

Zabbuli 128:1

Wa nkabi oyo atya Musengwa Katonda, n'atambulira ku mateeka ge.

Zabbuli 145:21

Nze ndidha kusaakanga Musengwa Katonda, na buli kitonde kisaakenga eriina lye eitukuvu ebyanda n'ebyanda.

Zabbuli 23:4

Era ni bwemba nga ndi kutambulira mu kikonko ekiidhwire enzikiiza etiisa ng'oti kufa, ezira kibi kye ntyamu, kuba iwe oli ninze. Mpulira emiraala bw'oba ng'ogemye omwigo gwo ogunkuuma, era ng'ogemye n'ogwo ogundholeka engira.

Zabbuli 25:12

Omuntu oyo atya Musengwa Katonda, Musengwa Katonda alimulagirira engira entuufu okugema.

Zabbuli 25:14

Musengwa Katonda aba mukagwa w'abo abamutya, era akakasa endagaano ye nabo.

Zabbuli 28:7

Musengwa Katonda n'amaani gange era n'engabo yange, oyo ye neesiga n'omwoyo omulala. Ambeera era yansanhusa, ndidha kumwembera olwembo olw'okumusiima.

Zabbuli 42:11

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka, oyo ni Katonda wange era n'ambeera.”

Zabbuli 62:8

Bantu bange, mumwesigenga ebiseera byonabyona, mumukobere ebiri mu myoyo gyaimwe byonabyona; kuba oyo n'omukuumi waife.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Isaia 10:20

Mu kiseera ekyo, Abaisiraeli baidhukulu ba Yakobo abalisigalagho nga n'abawoniegho, baliba nga tibakeesiga ighanga eryo eryabaghangula, aye nga mu mazima beesiga Musengwa Katonda, Omutukuvu wa Isiraeli.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 26:9

Omwoyo gwange gwegomba okuba aghalala n'iwe obwire, era nkunoonia obutakoogha. Kuba bw'osalira abantu emisango mu nsi, olwo beega okukola ebituufu.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Isaia 59:9

Abantu bakoba bati: “Bwenebwene okukola amazima kutuli ghala, n'okukola ebituufu kutuziramu. Tunoonia obutangaavu, aye twabona bwa nzikiiza ndhereere eri bedimudimu.

Isaia 8:17

Ndidha kuteegerera Musengwa Katonda atubeere, waire nga mpegaano yeegisiisa ku bantu be. Oyo nze ye ndidha okusuubiriramu.

Isaia 9:2

Abantu abaabanga mu nzikiiza, baboine obutangaavu bungi; abo abaabanga mu nzikiiza eri bedimudimu ng'oti n'ey'e magombe, ekimulika kibaakiire.

Okulira 3:2

Yansindiikiriza yaanhingiza mu nzikiiza eri bedimudimu.

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Nahumu 1:7

Musengwa Katonda mulungi, oyo n'ekifo eky'okwewogomamu mu biseera ebizibu; alabirira abo abamwesiga.

Zefania 3:12

Be ndirekagho mu imwe, n'abo abawombeefu n'abaavu abanaidhanga okunsaba okubeerwa.

Haggai 1:12

Agho Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona, n'abantu boonaboona abaira okuva mu bunhage e Babilonia, baakola ekyo Musengwa Katonda waibwe kye yabalagira. Baatya era baagondera obukwenda bwa Haggai omulanzi Musengwa Katonda ye yatuma.

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Yoanne 12:46

Nze naidha mu nsi ng'ekimuliikirira, kiisi andhikiriza alobe kusigala mu nzikiiza.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Ab'Efeso 5:8

kuba eira mwali mu nzikiiza, aye okuva lwe muli bantu ba Musengwa, muli ba butangaavu. Kale mutambule ng'abantu abali mu butangaavu,

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

1 Petero 5:7

Mumulekere ebibeeraliikiriza byonabyona, kuba abafaaku inho.

1 Samueli 30:6

Daudi yaaba mu buzibu obutaloodheka, kuba abantu baakoba okumukuba amabaale. Abantu boonaboona baali banakughavu, nga balumirwa batabane baibwe ni baghala baibwe. Aye Daudi yaafuna amaani mu kwesiga Musengwa Katonda we.