Isaia 50:1 - Baibuli Ekibono kya Katonda 2014

¹ Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 50:1 ပူးပေါင်းရင်းမြစ်များ

1 Bakyabazinga 21:25

Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

2 Bakyabazinga 17:17

Baaghangayo abaana baibwe abalenzi n'abaghala ng'emisengo egyokebwa. Beeraguzanga era baakolanga eby'obulogo, era beegheerangayo irala okukola ebibi, baaleetera Musengwa Katonda okusungughala.

2 Bakyabazinga 4:1

Agho namwandu ow'owundi ku b'ekikunsu ky'abalanzi, yaalirira Elisha ng'akoba ati: “Omugheereza wo, baze, yafa. Era oidhi omugheereza wo oyo nga bweyali atya Musengwa Katonda. Aye mpegaano omuntu eyali amubandha, aidhie okutwala abaana bange bombi abafuule abairu be.”

Nehemia 5:5

Ate nga twena tuli ba musaayi mulala ni Bayudaaya banaife abo. Abaana abaife, boona baana ng'oti n'abaibwe bwe bali. Aye ife tukaka batabane baife ni baghala baife okuba abairu. Era baghala baife abandi twabatunda ira mu bwiru. Ate nga ekyo titughanga kukyebeera, kuba enimiro dhaife, n'amasamba gaife ag'emizabbibu, biri mu buyinza bwa bantu bandi.”

Zabbuli 44:12

Abantu bo waabatundamu akaghendo akazira ghe kaaga, waaloba kufunamu magoba naire.

Okuvaayo 21:7

“Omusaadha bw'anaatundanga mughala we ng'omwiru omukazi, omwiru oyo taalekebwenga kuja nga wa idembe ng'oti n'abairu abasaadha bwe balekebwa.

Isaia 1:28

Aye alizikiriza abo abamudheemera n'abo abakola ebibi, era yaasaaniagho abo abamuvaaku.

Isaia 27:8

Musengwa Katonda yabonereza abantu be ng'abatwala mu bunhage. Yabakunguudhia n'empewo ye enkambwe eva e buvandhuba.

Isaia 43:27

Dhaadha waimwe eyasooka yakola ebibi, n'abakulembeze baimwe boona baayonoona bansungughaza.

Isaia 46:8

Imwe abakozi b'ebibi, mwidhukire ekintu ekyo era mukirowoozeeku.

Isaia 52:3

Musengwa Katonda akoba ati: “Imwe abantu bange mwatundibwa mu bwiru nga ghazira asaswire mpiiya naire, era mulinunulwa nga ghazira asaswire mpiiya.

Isaia 54:6

Isiraeli, oli ng'oti n'omukazi omufumbo akaali omuto, iba ye yabayiza, ate n'amala n'amuvaaku n'amulekulira agho mu nnaku; era oli ng'oti n'omukazi iba ye yabinga n'asigala nga munakughavu. Aye mpegaano Musengwa Katonda akweta oire y'ali, ng'akoba ati:

Isaia 54:7

“Nakulekulira agho okumala akaseera, aye ndikwiza ye ndi, kuba nkugonza inho.

Isaia 58:1

Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Isaia 64:6

Twenatwena twafuuka ng'oti n'abatali balongoofu, n'ebikolwa byaife byonabyona ebirungi, biri ng'oti n'ekivaalo ekikongeire eiko. Olw'ebibi byaife, twenatwena tuli ng'oti makaba maniavu, era empewo etufuuwa ere yaatutwalikiza irala.

Yeremia 3:1

Musengwa Katonda akoba ati: “Omusaadha bw'abinga mukazi we, omukazi oyo naabayira omusaadha owundi, omusaadha oyo asobola kabiri okwiza omukazi oyo? Olwo ensi eyo eba teyonooneike? Aye imwe Abaisiraeli timwali beesigwa ye ndi, mwaba ng'oti malaaya bw'aba n'abagonzi be abangi. Aye obwo mwenda kabiri kwira ye ndi?

Yeremia 3:8

Baabona nga mminga Abaisiraeli abo naabagha n'embaluwa ebabinga, olw'obutaba beesigwa ng'oti n'omukazi malaaya. Aye ab'e Buyudaaya abo baganda b'Abaisiraeli, tibaatya naire. Boona baaja buje, baafuuka abatali beesigwa ng'oti n'omukazi malaaya,

Yeremia 4:18

Imwe Abayudaaya, niimwe beene abeereetera ebyo, olw'ensambo ye mwebisangamu n'ebintu bye mwakolanga. Ebibi byaimwe n'ebyabaleetera okudaagadaaga okwo, era bibafumitiire irala ku mwoyo.”

Hosea 4:5

Imwe bakabona mugwa mu nsobi omusana n'obwire, n'abalanzi boona baakola n'ekirala ng'oti niimwe. Kale ni ndizikiriza Isiraeli inhaimwe.

Abalevi 25:39

“Muisiraeli mwino bw'anaayavughalanga ni yeetunda y'oli, otamukozesanga mirimo ng'oti mwiru.

Matayo 18:25

Aye olw'okuba yali nga tasobola kulisasula, musengwa we n'okulagira bamutane, ni mukazi we, n'abaana, n'ebintu bye byonabyona bye yali nabyo, eibandha lisasulwe.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?