Isaia 5:8 - Baibuli Ekibono kya Katonda 2014

⁸ Mukagwireku imwe abagula endhu nga mwongereza ku dhe muli nadho, ni mugula n'enimiro okwongereza ku dhe muli nadho, okutuusa nga ghazira ghe mutaguze, olwo ensi mugibeemu mwenka.

Isaia 5:8 ပူးပေါင်းရင်းမြစ်များ

Yobu 15:28

Era aba mu bibuga ebyasengukamu abantu; ate endhu, asula mu bifulukwa ebidhuliriire okugwa.

Yobu 20:21

Ghazira ky'alya n'alekagho. N'eisanhu lye kye liriva ni limuwaaku.

Ensambo 15:27

Omuntu alulunkanira okufuna amagoba mu kukupankupania aleetera ab'omu maka ge ebizibu, aye ole akyagha enguzi aghangaala.

Ezekieli 11:15

“Iwe omuntu, abatyamye b'omu Yerusalemu bakwogeraku iwe ni Baisiraeli baino abali mu bunhage, nga bakoba bati, ‘Abo abaatwalibwa mu bunhage baviire inho ku Musengwa Katonda. Era buti Musengwa Katonda oyo yatugha ensi eno ebe yaife ku bwaife.’

Ezekieli 33:24

“Iwe omuntu bona eno, abantu abali mu bifo ebyayonoonebwa mu nsi Isiraeli bakoba bati, ‘Oba nga Aburahamu yali muntu mulala yenka aye yaagheebwa ensi eno yoonayoona, kale ife abangi tuti eteekwa okuba nga yatugheebwa ebe yaife.’

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.

Mika 2:1

Bakagwireku abantu abo ababa mu buliri bwaibwe ni bakyesa obwire nga bayiiya ebibi bye banaakola. Era obwire olukya buti nga bakola nga bwe baba bayiiyiiza.

Mika 2:2

Bwe beegwaniza omusiri, nga bagunhaga, oba ndhu, nga batwala butwale. Era nga bwebabisa ebintu eby'omuntu, n'omuntu mwene yeena bwe bamubisa.

Habakkuku 2:6

Aye abantu abo abaghangulwa baja kuyeeyereza abo ababaghangula, era babanhoome nga babakoba bati: “Mukagwireku! Mubaire munhaganga ebitali byaimwe era mwebungaku emisingo gy'abo be muwola. Aye ebyo muja kubirekera li?”

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [