Isaia 5:6 - Baibuli Ekibono kya Katonda 2014

⁶ Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Isaia 5:6 ပူးပေါင်းရင်းမြစ်များ

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 8:35

“Eigulu bwe lineesibanga amaadhi ni gatagwa, olw'abantu okuba nga bakoze ebibi ni bakusungughaza, aye olumaliira ni balekayo okukola ebibi ng'omaze okubabonereza, ni bakweghemba nga balingiriire ekifo kino,

Yobu 31:40

kale leka enkandwa dhikulemu mu kifo ky'engaano, n'obukaala mu kifo kya sayiri.” Ebibono bya Yobu bikanze agho.

Ensambo 24:31

Naja okubona, nga mwonamwona muzise n'amawa; era nga ku itaka kwidhwire isubi, n'olukomera lwaku olw'amabaale nga lwagwa.

Isaia 24:12

Ekibuga kisigaire agho kityo, nga kiri bwa bifulukwa byereere. Emiryango gyakyo bagikubyekubye, baagireka nga gimenheikemenheike.

Isaia 30:23

Olwo buli bye mulisiganga, Musengwa Katonda alibifukiriranga amaadhi agagwa byakula, yaabaleetera okukungula ebirime eby'omwero. Ensolo dhaimwe dhiriba n'ebyayiro ebigazi obukalamu.

Isaia 32:10

Mpegaano muli mu idembe, aye mu mwaka mulala guti gwonka, muliba mu kudhugumira budhugumire, kuba emizabbibu gye mukungula buti, ku olwo tigiryama.

Isaia 49:19

Waire ng'ensi yo yali ezikiriziibwa yaalekebwagho etyo ng'ezise, aye olwo eriba ntono nga tesugamu abo abaliidha okugibaamu. Era abo abaagireka nga bamaze okugizikiriza, eriba ebali ghala inho.

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Isaia 7:19

Baliidha beeyugha mu biiko, ni mu ntanda edheeyatisa mu mbaale, ni mu bisaka byonabyona eby'amawa, ni mu byayiro byonabyona.

Yeremia 14:1

Bino Musengwa Katonda bye yakobera Yeremia nga bigema ku ndoboozi, ati:

Yeremia 14:22

Ku bakatonda ab'amaghanga agandi abaziramu makulu, ghaligho asobola okugwisa amaadhi? N'eigulu ku bwalyo lyonka lisobola okutoonhesa waire obw'olumiiyirizi? Ti niiwe Musengwa Katonda waife? Eisuubi lyaife lyonalyona liri mu iwe, kuba niiwe okola ebintu ebyo byonabyona.

Yeremia 25:11

Ensi eyo yoonayoona eja kufuuka bifulukwa byereere mu nsambo etiisa einho, era amaghanga agaliiraine agho galigheerezanga kyabazinga wa Babilonia okumala entangama ya myaka nsanvu.

Yeremia 45:4

“Aye nze Musengwa Katonda nkoba nti, ndi kumenhamenhagho kye nazimba era ndi kwiwululagho kye nasimba. Era nja kukola ntyo ensi eno yoonayoona.

Okulira 2:6

Yamenhagho eisinzizo lye ng'ole bw'amenhagho entindi eba ng'eri mu musiri, endhu eyo abantu mwe baajanga olw'embaga edh'ebibinuko ebyalagirwa, yaagizikiriza yafuuka bifulukwa byereere. Musengwa yalekeza agho ebibinuko ebyalagirwa, yaalekeza ni Sabbato. Era olw'obusungu obungi, kyabazinga ni bakabona takaabaliku naire.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Hosea 9:6

Okuzikirira bwe kulituuka ni kubasansaania, Abamisiri balibasoloza imwe baabaziika e Menfisi. Aghaali eby'obukombe byaimwe ebya feeza ghalimeragho bisaka, n'aghaali weema dhaimwe ghaameregho amawa.

Yoeli 1:7

Dhaazikiriza emizabbibu gyaife, dhaaguguna n'emiti gyaife emitiini. Dhaagimalaku ebiwuudhu byonabyona era ensaga dhaagyo dhaalanguka ng'obona bwa byeru.

Amosi 4:7

Naagemerera amaadhi gaaloba kugwa mu kiseera ebirime byaimwe ghe byageetaagira einho, ng'ekaabulayo emyezi esatu okutuuka ku kukungula. Naatoonhesaaku amaadhi mu kibuga ekindi aye nga mu kindi tigagwa. Amaadhi gaagwa mu musiri ogundi aye ogundi gwakala olw'amaadhi obutagwa.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.

Okwolekebwa 11:6

Abo bali n'obukumu okukingula amaadhi gaaloba kugwa mu kiseera kye bamala nga bakobera abantu ebibono bya Katonda. Era bali n'obukumu obw'okufuula amaadhi omusaayi, n'okuleeta ku nsi ebibamba ebya buli nsambo, buli ghe baba nga bendeire.