Isaia 5:5 - Baibuli Ekibono kya Katonda 2014

⁵ Mpegaano ka mbakobere kye nja okukolera eisamba lyange eryo: Nja kulitoolaku olukomera olulyezungulwire, mmenhegho n'ekigo ekirikuuma, ensolo dhiriire omwo era dhirityankirire.

Isaia 5:5 ပူးပေါင်းရင်းမြစ်များ

Amainhama 11:4

Agho baakoba bati: “Ka twezimbire ekibuga, twezimbire n'omunaala ogutuuka ku igulu tumanhikane, memale tulobe kusansaanizibwa mu nsi.”

Amainhama 11:7

Ka twike ghansi tutabuletabule olulimi lwaibwe, buli mulala alobe kutegeera wundi ky'akoba.”

Nehemia 2:3

Agho naatya inho, naakoba kyabazinga nti: “Isebantu kyabazinga, ghangaala byanda na byanda! Nnaalobera ki okwekapa mu maiso, ng'ate ekibuga omuli amagombe ga badhaadha bange bakizikiriiza kiri bifulukwa byereere, nga n'emiryango gyakyo bagyokiikya omuliro?”

Zabbuli 89:40

Owomoirewomoire ebituli mu bimante bye, waamenhamenha ebifo bye eby'okwewogomamu.

Zabbuli 89:41

Buti ababise boonaboona bamumazeeku ebibye nga babinhaga; ab'oku muliinaano baamusekerera.

Ensambo 24:31

Naja okubona, nga mwonamwona muzise n'amawa; era nga ku itaka kwidhwire isubi, n'olukomera lwaku olw'amabaale nga lwagwa.

Omulangirizi 3:3

Ekiseera eky'okwita, n'ekiseera eky'okuwonia. Ekiseera eky'okumenha, n'ekiseera eky'okuzimba.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 25:10

Musengwa Katonda alikuuma olusozi luno Sioni, aye Abamoabu balityankirirwa ng'oti n'eisubi bwe balityankirira mu busa okukolamu ebigimusa.

Isaia 28:18

Olwo endagaano yaimwe ye mwakola n'okufa naagimenhagho, n'entegeeragana ye mwataagho ghagati ghaimwe n'amagombe naagisazaamu. Era akabi namuzisa bwe kaliidha, kalibaleka nga kabatenteinetenteine.

Isaia 28:3

Okwekuluntaza okw'abakulembeze abatamiivu, alikutyankirira n'ebigere.

Isaia 32:10

Mpegaano muli mu idembe, aye mu mwaka mulala guti gwonka, muliba mu kudhugumira budhugumire, kuba emizabbibu gye mukungula buti, ku olwo tigiryama.

Yeremia 18:11

Kale ni kobera abantu b'omu Buyudaaya n'ab'omu Yerusalemu, oti ndi kukola entegeka okubakolaku akabi, era neetegeike okubabonereza. Bakobe buli muntu alekere okukola ebibi, era akyuse empisa dhe n'ebikolwa bye ebibi.

Yeremia 21:4

“Muje mukobe Zedekia muti Musengwa Katonda, Katonda wa Isiraeli akoba ati, ‘Nja kughangula eigye lyo eriri kulwanisa kyabazinga w'e Babilonia n'eigye lye eribazingiiza okubeezunguluza. Era nja kusolokeza eby'okulwanisa byaimwe ghagati mu kibuga.

Yeremia 28:8

Abalanzi abaayogera eira, nga iwe ninze tukaali, baakoba entalo, n'endhala, n'endwaire ya kawumpuli, ebyali eby'okwidha biite abantu mu maghanga kamaala ni mu bwakyabazinga obw'amaani.

Yeremia 45:4

“Aye nze Musengwa Katonda nkoba nti, ndi kumenhamenhagho kye nazimba era ndi kwiwululagho kye nasimba. Era nja kukola ntyo ensi eno yoonayoona.

Okulira 1:15

Abalwani bange ab'amaani, Musengwa yabasuula ere ng'oti n'abatagasa. Yaataagho eigye okuunumba, okufafaagania abasaadha bange ab'amaani. Antyankiriire n'abantu bange ng'oti mizabbibu mu kikunhiro eky'omwenge ogw'emizabbibu.

Okulira 2:6

Yamenhagho eisinzizo lye ng'ole bw'amenhagho entindi eba ng'eri mu musiri, endhu eyo abantu mwe baajanga olw'embaga edh'ebibinuko ebyalagirwa, yaagizikiriza yafuuka bifulukwa byereere. Musengwa yalekeza agho ebibinuko ebyalagirwa, yaalekeza ni Sabbato. Era olw'obusungu obungi, kyabazinga ni bakabona takaabaliku naire.

Okulira 4:12

Mu bakyabazinga boonaboona ni mu bantu abandi boonaboona ab'oku nsi, yali ezira asobola kwikiriza nga ghaligho omuzigu oba omulumbagani yeenayeena, asobola okwingira mu miryango gya Yerusalemu.

Danieli 8:13

Agho naawulira omutukuvu mulala ng'ali kwogera. Era omutukuvu owundi yaabuuza ole eyayogera ati: “Ebyo ebiboneibwa mu kubonekerwa biribaagho kutuuka li? Ebigheebwayo ebyokebwa ebya buli lunaku birimala kiseera ki nga bikaali kwizibwagho? Okwonoona kulizikiriza ensi kutuuka li? Eigye ery'omu igulu n'eisinzizo birityankirirwa kutuuka li?”

Hosea 2:12

Ndyonoonayonoona emizabbibu gye n'emiti gye emitiini, gye yakoba ati: “Gino n'empeera yange abagonzi bange ye bampa olw'okubagheerezanga.” Aye nze ndigireetera okuzika gyafuuka kibira. Era ensolo edh'omu nsiko dhiriidha dhaalya emizabbibu n'emiti emitiini egyo.

Hosea 2:14

Kale ni bona eno, ndimulembereza naamutwala mu irungu, naayogera naye mu kugonza okungi.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Okwolekebwa 11:2

Aye oluya lw'eisinzizo luleke, otalupima, kuba lwagheebwa abamaghanga agandi abaidha okumala emyezi amakumi ana n'ebiri (42) nga baniinirira ekibuga ekitukuvu.