Isaia 5:30 - Baibuli Ekibono kya Katonda 2014

³⁰ Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Isaia 5:30 ပူးပေါင်းရင်းမြစ်များ

Omulangirizi 12:2

Mu kiseera ekyo oliba nga tokaabona bulungi butangaavu bwa muunienie, oba bwa mwezi, waire obw'endhuba. Era ng'olwo ebire biira ku igulu byagema ng'amaadhi gamaze okugwa.

Isaia 13:10

Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.

Isaia 13:4

Muwulire akasasamalo akali ku lusozi ng'oti n'amamiro ag'olukunkumuli lw'abantu. Muwulire okwasiikana okw'obwakyabazinga, okwasiikana okw'amaghanga agali kwesoloza. Musengwa Katonda Afuga Amagye ali kusoloza eigye okulwana olutalo.

Isaia 17:12

Ha, wulira abantu abangi nga bwe bali kuwolomboka! Bali kuwolomboka ng'oti nhandha! Ha, wulira empiriito y'amaghanga! Gali kuyoolooka ng'oti n'enhandha eri kwefuukuula!

Isaia 30:6

Buno n'obukwenda bwa Katonda obugema ku nsolo edh'omu kiketezo ekikalukalu eky'oku luuyi olw'omukono omusaadha olw'e buvandhuba: “Abakwenda ba Buyudaaya babita mu nsi eidhwire ebizibu ebitiisa, erimu empologoma n'emisota egy'obusagwa egya buli nsambo, nga n'omuli n'egyo egiguluka ng'oti nhonhi. Batwika eby'obukombe byaibwe ku ndogoyi ni ku mabbango g'engamiya, baabitwalira abantu abatasobola kubagasa naire.

Isaia 59:9

Abantu bakoba bati: “Bwenebwene okukola amazima kutuli ghala, n'okukola ebituufu kutuziramu. Tunoonia obutangaavu, aye twabona bwa nzikiiza ndhereere eri bedimudimu.

Isaia 8:22

oba ni balinga ghansi ku itaka, tibalibona kintu kindi naire, okutoolaku enaku n'enzikiiza etiisa, egemye bedimudimu, era mu yeene eyo mwe balibabingira.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 30:5

“Nawulira amamiro g'omuntu ali kudhugumira, omuntu atiire einho era azira miraala naire.

Yeremia 50:42

Baligema obulaso n'empiima, nga bakambwe era nga tibasaasira naire. Empindo dhaibwe nga bali ku mbalaasi dhirivuuma ng'oti kuwolomboka kwa maadhi ga nhandha. Balyetegekera olutalo, okulwanisa imwe abantu b'omu Babiloni.

Yeremia 6:23

Bagemye obulaso n'amafumo, bakambwe era tibasaasira naire. Empindo dhaibwe nga bali ku mbalaasi dhivuuma ng'oti kuwolomboka kwa maadhi ga nhandha. Beetegekeire olutalo, okulwanisa imwe abantu b'omu Yerusalemu.”

Okulira 3:2

Yansindiikiriza yaanhingiza mu nzikiiza eri bedimudimu.

Ezekieli 26:3

“Kale ni, nze Musengwa Katonda kyenva ni nkoba nti: Bona eno iwe ekibuga Tiro, buti nze nfuuse muzigu y'oli. Era ndisitula amaghanga kamaala, gaidha gaakulumba ng'oti kwefuukuula kwa nhandha.

Yoeli 2:10

Bwe dhiba dhiidha, ensi yeesunda n'eigulu lyatengeeta. Endhuba n'omwezi biirugala, n'emuunienie dhaalekera okwaka.

Amosi 5:18

Mukagwireku, imwe abenda einho olunaku lwa Musengwa Katonda lutuuke! Mulwenda lwaki? Tiruliba lunaku lwa isanhu, aye luliba lwa bizibu.

Amosi 8:9

Ku lunaku olwo, ndiragira endhuba yaagwa mu kasana ghagati, era naasindika enzikiiza yaagema ku nsi.” Musengwa Katonda atyo bw'akoba.

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Okwolekebwa 6:12

Entaama Ento bwe yakakampula akamanhiso akomukaaga, naja okulinga nti nga mbona musisi ow'amaani, n'endhuba ng'eirugala ng'oti kisiriiza, n'omwezi gwonagwona nga gumyuka ng'oti musaayi.