Isaia 5:27 - Baibuli Ekibono kya Katonda 2014

²⁷ Mu abo timulibaamu akoogha waire eyeekontola kugwa; timulibaamu awongera waire atenduka. Ensibiro edh'omu nkende dhaibwe tidhirirebera naire, waire obukosi bw'engaito dhaibwe okukutuka.

Isaia 5:27 ပူးပေါင်းရင်းမြစ်များ

1 Bakyabazinga 2:5

“Ate era oidhi Yoabu mutabane wa Zeruia kye yankola, bwe yatemula abaduumizi b'eigye lya Isiraeli ababiri Abuneri mutabane wa Neri, ni Amasa mutabane wa Yetheri. Yabatemulira mu biseera eby'emiraala, ng'abeesasuulizaaku olw'abantu abaitibwa mu ntalo. Mu nsambo eyo yandeetera okuvunaanibwa ogw'okwita abantu abaziraku musango.

Yobu 12:18

Avaalulula bakyabazinga ebivaalo eby'ekitiisa yaabafuula abairu, yaabasiba ebikerebetu.

Yobu 12:21

“Aleetera abakungu okunhoomebwa, ab'obukumu yaabamala amaani.

Zabbuli 18:32

Katonda oyo n'ampa amaani era yantoolera mu ngira ebizibu,

Zabbuli 93:1

Musengwa Katonda ni Kyabazinga ali n'ekitiisa n'amaani. Ensi kyeva n'eba engumu mu kifo kyayo, ni ghabula ekisobola okugiseseetula.

Ensambo 3:23

Olwo oidha kutambulanga bukalamu mu ngira yo nga ghazira kikutiisa, era ekigere kyo tikiidhanga kwekontola naire.

Isaia 11:5

Aidha kufuganga mu butuufu ni mu bwesigwa.

Isaia 45:1

Musengwa Katonda yalonda kyabazinga Kuro, yaamutuma okughangula amaghanga, n'okutoola ku bakyabazinga obukumu. Musengwa Katonda alimwiguliragho emiryango gy'ebibuga, ghaaloba kubaagho agiigalagho. Musengwa Katonda akoba Kuro oyo ati:

Isaia 45:5

Ninze Musengwa Katonda zenka, ezirayo Katonda wundi naire. Ndikugha amaani ge weetaaga, waire nga iwe tondidhi.

Danieli 5:6

Agho kyabazinga amaiso gaamumyuka, yaatya inho, amagulu gaamudhugumira, n'ebikiryaivu byakontagana.

Matayo 3:4

Yoanne ono, yali n'ekivaalo kye nga kya buviiri bwa ngamiya n'olukoba olw'oluwu mu nkende era emere ye yali nga nzige na mudheenene gwa mu nsiko.

Amateeka Agokubiri 32:25

Abazigu baidha kubaitiranga mu ntalo mu nguudo, ate eka mu ndhu dhaibwe mwidhule ebitiisa. Abazigu baidha kwitanga abaisuka n'abaguna, era baitenga abakaire ab'envu n'abato abonka.