Isaia 5:25 - Baibuli Ekibono kya Katonda 2014

²⁵ Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 5:25 ပူးပေါင်းရင်းမြစ်များ

1 Bakyabazinga 14:11

Kiisi wa ku lulyo lwo anaafiiranga mu kibuga, embwa dhiidha kumulyanga, ate anaafiiranga mu irungu, enhonhi dhimulyenga. Musengwa Katonda n'ayogeire ekyo.’ ”

1 Bakyabazinga 16:4

Iwe Baasha, omuntu wo yeenayeena anaafiiranga mu kibuga, embwa dhiidha kumulyanga, n'oyo yeenayeena anaafiiranga mu nsiko enhonhi dhiidha kumulyanga.”

1 Bakyabazinga 21:24

Era iwe Ahabu, omuntu wo yeenayeena anaafiiranga mu kibuga, embwa dhiidha kumulyanga. Ate oyo yeenayeena anaafiiranga mu irungu, enhonhi dhiidha kumulyanga.’ ”

2 Bakyabazinga 13:3

Obusungu bwa Musengwa Katonda bwatumbukira ku Isiraeli ng'oti muliro, yaaleetera Hazaeli kyabazinga wa Siria ni mutabane we Benihadadi okubaghangulanga emikuzi egighera.

2 Bakyabazinga 9:37

Omulambo gwe guliba mu nsiko ey'eyo mu Yezireeli ng'oti bwa busa, ghabulegho aghanga n'okukoba ati ono ni Yezebeli.’ ”

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Yobu 9:13

Obusungu bwa Katonda tibukoma, aghangula abazigu be, abayambi ba Rahabu.

Zabbuli 106:40

Agho obusungu bwa Musengwa Katonda bwatumbukira ku bantu be abo ng'oti muliro, Musengwa Katonda oyo yaatuuka okwesinwa abantu be abo beene be yeerondera.

Zabbuli 114:7

Iwe ensi dhugumira nga Musengwa Katonda atuuse, nga Katonda wa Yakobo aboneike,

Zabbuli 18:7

Olwo ensi yaayuuga yeesunda, emisingi egy'ensozi gyatengeeta era gyadhugumira; kuba agho Musengwa Katonda yali asungughaire.

Zabbuli 68:8

ensi yatengeeta, eigulu lyayugha amaadhi, olusozi Sinai lwadhugumira olw'okwidha kwo, iwe Katonda wa Isiraeli.

Zabbuli 77:18

Olukuba lwo lwatyabuka mu kiwunga nga luvuga ng'oti nkede ya kigaali, okumyansa kwamulisa ensi yoonayoona, ensi yaatengeeta era yeesunda.

Zabbuli 78:38

Aye Katonda olw'okuba n'okusaasira okungi einho, yaabasonigha okwonoona kwaibwe, yaaloba kubazikiriza kubamalagho. Emikuzi kamaala ng'afuga obusungu, yaamira ekiruyi kye

Zabbuli 83:10

abaitirwa mu kibuga Endori, ni baba agho ku itaka ng'oti mmungo ya busa.

Okuvaayo 7:19

Agho Musengwa Katonda yaakoba Musa ati: “Koba Aaroni oti, ‘Toola omwigo gwo ogololere omukono gwo ku bifo mu Misiri byonabyona ebibaamu amaadhi bino: emiiga, emyala, ebibali n'ebidiba amaadhi gaamu goonagoona gafuuke musaayi. Era ghaja kuba omusaayi mu nsi Misiri yoonayoona, waire ni mu bintu ebiterekebwamu amaadhi.’ ”

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 14:19

Aye iwe bakuswire bw'ere amagombe go ye gatali, ng'oti n'omwana avaamu ng'akaabulaku, ekintu abantu kye batenda naire. Bakubunzeeku emirambo gy'abo abaitiirwa mu lutalo, baakusuula ghalala nagyo mu lwina olw'amabaale, waafuuka omulambo gwe batyankirira n'ebigere.

Isaia 23:11

Musengwa Katonda agololeire omukono gwe ku nhandha, yaayuuzayuuza obwakyabazinga bungi. Alagiire ebifo eby'okwewogomamu eby'e Kanaani babizikirize.

Isaia 25:11

Balyandhuluza emikono gyaibwe ng'oti n'omuntu ali kwewuga mu maadhi, aye Musengwa Katonda alibamala amaani ago agabaleetera okwekuluntaza.

Isaia 29:2

memale mbabonereze. Abantu baliwowoola amaziga baanakughala, era ekibuga ekyo kiriba ng'oti alutaari yeene, nga kisaabaine omusaayi.

Isaia 42:25

Kale kyeyava n'atumaliraku obusungu bwe, era n'atusindikira entalo. Yatutumbukizaaku obusungu bwe ng'oti muliro bwayaka mu Isiraeli mwonamwona, aye twaloba kumanha birigho, bwatwokya aye era twaloba kubaagho ni kye twegamu naire!

Isaia 51:20

Abantu bo baziriike bali agho beegolomoire mu maagaanana aga buli luguudo. Bali ng'oti mpongo egwire mu lutuula lw'omuyiizi. Musengwa Katonda abanoziiza n'obusungu bwe, Katonda oyo abakangaiviire n'amaani.

Isaia 64:3

Olundi, bwe waika n'okola ebitiisa bye twali titusuubire, ensozi dhaatengeetera mu maiso go.

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Isaia 66:24

Bwe balibanga bavaayo, baliringanga ku mirambo egy'abantu abandheemera, kuba enhengere edhibalya tidhirifa, n'omuliro ogubookya tigulizikira, era baliba kyenhinhalwa eri abantu boonaboona.”

Isaia 9:11

Kale ni, Musengwa Katonda ky'aliva n'asiikuula abazigu ba Rezini, n'abaleetera okulumba Isiraeli.

Isaia 9:16

Abakulembeze ab'abantu bano babakiidhamya bukiidhamye, era baabaleetera okudaaliimira irala.

Isaia 9:17

Kale ni, Musengwa Katonda talireka abaana baibwe abaakaisuka kuwonagho, waire okusaasira banamwandu baibwe oba abaana baibwe bamulekwa; kuba abantu boonaboona tibatya Katonda, bakola ebibi era boogerayogera eby'ekisiru. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 9:20

Abantu balinhakula buli ghantu mu nsi eyo aye nga tibamatira, era baalya buli kamere ke balyagaana ghano ni ghale aye nga tibaiguta. Balituuka n'okulya abaana abaibwe beene.

Isaia 9:21

Abamanasse n'Abaefuraimu balirwanagana beene na beene, ate baamala beeyimba okulwanisa ab'ekika kya Yuda. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Yeremia 15:3

‘Nze Musengwa Katonda ndidha kubataaku eby'okubazikiriza bina: olutalo lwidha kubaita, embwa dhiyuzeyuze emirambo gyaibwe, enhonhi dhibamoodhogole, n'ensolo edh'omu nsiko dhibakankamire okubamalagho.

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 17:4

Mulirekula ensi ye nabagha ng'omugabo ogwaimwe, abazigu baagitwala. Nja kubafuula bagheereza ba bazigu baimwe eyo mu nsi ye mutaidhi naire, kuba obusungu bwange butumbwike ng'oti muliro era tiguja kuzikira.”

Yeremia 4:24

Nalingirira ensozi, naabona nga dhiri kutengeeta, n'obusozi bwonabwona nga buli kwewuubira eno n'ere.

Yeremia 4:8

Kale ni muvaale ekutiya olw'enaku, mulire amaziga era muwowoole; kuba Musengwa Katonda akaatusungughaliire ekibitiriire.’ ”

Yeremia 6:12

Abantu abandi n'abalitwala endhu dhaibwe, okwo nga kw'otaire emisiri gyaibwe ni bakazi baibwe. Nja kugolola omukono mbonereze abantu boonaboona ababa mu nsi eno,

Yeremia 8:2

Gaja kusansaanira buli ghantu, ghansi gh'endhuba, n'omwezi, n'emuunienie dhoonadhoona edh'oku igulu. Ebyo n'ebintu, abantu abo bye baagonzanga, ni babijiirangaku, ni babigheerezanga era ni babisinzanga. Era amagumba gaibwe ago tigaja kusolozebwa waire okuziikibwa, aye gaja kubanga ku itaka okwo ng'oti busa.

Yeremia 9:22

Emirambo gy'abantu gija kusigala bw'agho gityo, ng'oti mmungo dha busa mu nimiro, era ng'oti binhwa bya ngaano bye bakesiisa ni baleka obwagho, ni ghabulagho omuntu abitoolagho.”

Okulira 5:22

Obwo bwenebwene watusuulira irala ere nga toliirayo kutwiza y'oli? Okusungughala kwo tikuja kukoma?

Ezekieli 15:6

Musengwa Katonda kyava n'akoba ati: “Nga bwe mpaayo omuzabbibu ni bagutoola mu miti egy'omu kibira okuja okugukumisa omuliro, era ntyo bwe ndighaayo abatyamye ab'omu Yerusalemu ni mbabonereza.

Ezekieli 30:25

Bwenebwene ndireetera emikono gya kyabazinga w'e Babilonia okuba egy'amaani, era naamuta mu ngalo empiima yange, aye naanafuya egya kyabazinga w'e Misiri. Bwe ndita empiima yange mu ngalo dha kyabazinga w'e Babilonia, n'agyolekeza ensi Misiri, olwo balimanha nga ninze Musengwa Katonda.

Ezekieli 6:14

Ndigolola omukono gwange naababonereza, era naazikiriza ensi yaibwe yaafuuka bifulukwa, okuviira irala ku irungu okutuukira irala e Ribula. Olwo abantu boonaboona baamanha nga ninze Musengwa Katonda.”

Danieli 9:16

Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

Hosea 14:4

Musengwa Katonda akoba ati: “Ndiiza abantu bange ye ndi, naabagonzanga n'omwoyo gwange gwonagwona; kuba ndekeire okubasungughalira.

Amosi 8:8

Olw'ebikolwa ebyo, ensi eritengeeta, n'abantu boonaboona baagemwa enaku ensi erisiikuuka, yeefuukuula ng'oti n'omwiga Kiyira.

Mika 1:4

Buli lusozi lw'alitangaku ekigere nga lusaanuuka ng'oti muzigo bagutaire ku muliro. Era nga luyuyika mu kiiko ng'oti maadhi gayuyika kuva ku lusozi.

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

Habakkuku 3:10

Ensozi dhaakubona dhaatengeeta; amaadhi ag'amaani gaayuyika. Amaadhi ag'enhandha gawolomboka era geefuukuula inho.

Zefania 1:17

Musengwa Katonda akoba ati: “Nja kuleetera abantu ebizibu batuuke n'okutambula nga bamaamanta ng'oti batulu, kuba bakoze ebibi ebinsungughaza. Omusaayi gwaibwe guja kuyuyibwa ku itaka ng'oti maadhi, n'emirambo gyaibwe girekebwe agho ng'oti busa.”

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

Amateeka Agokubiri 31:18

Bwenebwene ndibeegisaaku olw'ebibi bye bakoze nga bakyuka okusinza emisambwa.

1 Ab'e Thessalonika 2:16

nga batwekiika emberi tulobe kukobera abamaghanga agandi ebibono eby'okubalokola. Ekyo buliidho kyaidhuuliriza ebibi bye bakola. Aye ekiviire mu ebyo ni Katonda okubamaliraku ekiruyi kye.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.