Isaia 5:24 - Baibuli Ekibono kya Katonda 2014

²⁴ Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Isaia 5:24 ပူးပေါင်းရင်းမြစ်များ

2 Bakyabazinga 19:22

Olowooza oti naani y'ovumye era y'odhooze? Naani y'okaabukiire era y'oziimwire? Ninze Omutukuvu wa Isiraeli!

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Yobu 18:16

Ali ng'oti muti ogukala okuviira irala ku mizi, okutuuka ghaigulu ku busanso bw'ensaga

Yobu 8:17

Emizi gyabyo gikunkuna mu mmungo y'amabaale, era gyerangira ku buli ibaale.

Zabbuli 50:17

Timwenda kugalagirwa, era bye mbakoba mubisuula bw'ere.

Okuvaayo 15:7

Ng'oli mu kitiisa kyo eky'obwakyabazinga oghangula abazigu bo; obasindikira ekiruyi kyo kyabamamula ng'oti n'omuliro bwe gumamula eisubi eikalu.

Okuvaayo 5:12

Kale abantu baasaatuukira mu biketezo byonabyona ebya Misiri nga baagala eisubi.

Isaia 1:31

Ab'amaani baliba ng'oti isubi ikalu, ate ebibi bye bakola byaba ng'oti nnimi dha muliro, olwo baliyiira ghalala nabyo, era ghaabulagho n'omuntu asobola okulobera okuzikirizibwa kwaibwe.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 24:6

Musengwa Katonda kyaviire n'akolimira ensi, abantu baayo yaabasingisa omusango era yaabazikiriza mu bungi. Abasigairegho baaba nga bali bwa batono bati.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 30:12

Kale ni Omutukuvu wa Isiraeli akoba ati: “Nga bwe munhooma bye mbakoba, ni mwesigulira ku kutuntuza abandi n'okukola eby'obudankaanu,

Isaia 30:9

Badheema buliidho era baajiira ku kuguyaguya, baaloba okugondera amateeka ga Musengwa Katonda.

Isaia 47:14

Bona eno, abo baliba ng'oti isubi ikalu, omuliro gwabookya okubasaaniagho. Tibalisobola kwewonia kubbeibbera kwa muliro gwa maani gutyo. Tiguliba gwa kisuusu abantu gwe batyama agho ni boota.

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”

Isaia 8:6

Yankoba ati: “Abantu bano nga bwe balobye amaadhi ag'akaiga Shiloa agakuuluula empola, aye ni basanhuka olwa Rezini ni Peka mutabane wa Remalia abaidhie okubabeera,

Isaia 9:18

Ebyonoono by'abantu byokya ng'oti muliro, ogusaaniagho enkandwa n'amawa; ni gumamula ebibira, ni guvaamu ebire eby'omwosi ebiri ng'oti mpango, era ni gunioka nga guja ghaigulu.

Isaia 9:19

Olw'ekiruyi Musengwa Katonda Afuga Amagye ky'ali nakyo, ensi ekunaine omuliro, abantu baaba ng'oti n'enku dhe guli kwokya, ghaabulagho omuntu waire omulala ati asaasiraku muganda we n'aloba kumukola kabi.

Yeremia 6:19

Iwe ensi wulira. Ndidha kuleeta akabi ku bantu bano, olw'entegeka dhaibwe edh'olugezigezi dhe bayiiya; kuba baaloba okuwulira bye mbakoba, era baaloba okugondera amateeka gange.

Yeremia 8:9

Abagezi baidha kuswazibwa, batye inho era baweemu n'amaani; kuba baaloba okwikiriza ebibono byange nze Musengwa Katonda. Kale agho magezi ki ge bali nago?

Ezekieli 15:6

Musengwa Katonda kyava n'akoba ati: “Nga bwe mpaayo omuzabbibu ni bagutoola mu miti egy'omu kibira okuja okugukumisa omuliro, era ntyo bwe ndighaayo abatyamye ab'omu Yerusalemu ni mbabonereza.

Hosea 11:9

Tiribamaliraku busungu bwange obubitirivu, tiriirayo kabiri kubazikiriza; kuba nze ndi Katonda, se ti muntu buntu. Ninze Omutukuvu ali mu imwe, era tiribazikiriza.

Hosea 5:12

Kale kyendiva ni nsaaniagho Isiraeli ng'oti n'ekintu ekiriiriibwa ebisiisa, ni mmaliragho irala Buyudaaya ng'oti n'ekintu ekivunze n'enhengere.

Hosea 9:16

Abaisiraeli bali ng'oti kisimbe kye batemye emizi ni gikala, ni kitataaku bibala. Boona tibalizaala baana. Aye era ni bwebandizaire, nandiise abaana baibwe abo abagonzi.”

Yoeli 2:5

Dhituumiratuumira ku ngulu kw'ensozi nga dhivuuma ng'oti n'okupakalania okw'ebigaali eby'omu lutalo; era ng'oti n'okutulikatulika okw'eisubi eikalu nga liri kumamulwa omuliro. Dhisimbye enhiriri ng'oti igye lya maani eryetegeike okulwana.

Amosi 2:4

Musengwa Katonda akoba ati: “Abantu ab'e Buyudaaya bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baanhooma amateeka gange, n'ebiragiro byange baaloba kubigema. Baatwalirizibwa emisambwa badhaadha baibwe gye baasinzanga.

Amosi 2:9

“Ate nga ku lwaibwe nze nazikiriza nasaaniagho Abamori, abaali abaleeyiriri ng'oti mivule era ab'amaani ng'oti n'emiti emikologho.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Luka 10:16

“Awulira imwe aba awuliire nze; aloba okubawulira aba alobye kuwulira nze; ate aloba okuwulira nze aba alobye kuwulira ole eyantuma.”

Luka 3:17

Wuuyo agemye olugali mu ngalo aja kulongoosa bukalamu ekifo kye aghakubirwa engaano, engaano agisololeze mu kyagi, omusinsi agwokye n'omuliro ogutazikira.”

Luka 7:30

Aye Abafarisaayo n'Abanamateeka baaloba amagezi ga Katonda, era tiyababatiza.

Yoanne 12:48

Oyo aloba nze era n'asambaadha ebibono byange, ali n'amusalira omusango. Ebibono bye ndhogera n'ebirimusalira omusango ku lunaku olw'ensembo.

Ebikolwa by'Abatume 13:41

‘Mubone eno imwe abanhoomi, mwewuunhie era muzikirire! Kuba nkola omulimo mu biseera byaimwe, omulimo gwe mutaliikiriza, waire nga ghaligho agubainhonhola.’”

Amateeka Agokubiri 28:24

Mu kifo ky'amaadhi okugwa, Musengwa Katonda aidha kubasindikiranga kiwunga alimu enkungu n'omusenho mu nsi yaimwe, okutuusa lwe munaazikiriranga.

1 Ab'e Thessalonika 4:8

Kale, aloba bino aba talobye bya bantu buntu, aye aba alobye bya Katonda oyo abagha Mwoyo we Omutukuvu.

1 Samueli 15:23

Obudheemu kuba kukola kibi ng'oti n'okweraguza bwe kuba, n'okwekuluntaza kuba kukola kibi ng'oti n'okusinza ebitali Katonda bwe kuba. Nga bwe waloba okukola Musengwa Katonda kye yakulagira, Musengwa Katonda yeena alobye okukuleka ku bwakyabazinga.”

1 Samueli 15:26

Samueli yaamwiramu ati: “Tiidha kwirayo n'iwe, kuba waloba okukola Musengwa Katonda kye yakulagira, era Musengwa Katonda yeena alobye okukuleka ku bwakyabazinga bwa Isiraeli.”