Isaia 5:2 - Baibuli Ekibono kya Katonda 2014

² Yaalitoodha bukalamu era yaalirondalondamu amabaale agaalimu, yaalisimbamu emizabbibu egisingamu bulungi. Yaalizimbamu ekituuti ekirengererwaku, yaalisimamu n'ekikunhiro ky'omwenge gw'emizabbibu. Yaasuubira ati eisamba eryo liidha kubaza emizabbibu emirungi, aye lyabaza bwa gikaagha ng'oti gya mu nsiko.

Isaia 5:2 ပူးပေါင်းရင်းမြစ်များ

2 Samueli 7:10

Ntegekeire abantu bange Abaisiraeli ekifo, mbate omwo babenga mu kifo ekyo nga kyaibwe ku bwaibwe, ghalobe kubaagho ekibatabula kabiri. Abantu ababi tibaja kwirayo kubadaazadaaza,

Nehemia 13:15

“Mu biseera ebyo, naabonanga mu Buyudaaya abantu abakunha omwenge ogw'emizabbibu ku lunaku lwa Sabbato! Abandi baatwikanga ku ndogoyi dhaibwe, emungo edh'engaano, n'omwenge gw'emizabbibu, n'emizabbibu gyene, n'ebibala eby'emiti emitiini, n'emigugu egya buli nsambo. Abantu abo naababonanga nga baleeta ebintu ebyo mu Yerusalemu ku lunaku lwa Sabbato! Aye nze naabalabulanga obutatunda kintu kyonakyona ku lunaku lwa Sabbato.

Zabbuli 80:8

Watuleeta ng'omuzabbibu okuva mu Misiri, waabinga amaghanga agaali mu nsi eno, waagusimbamu.

Zabbuli 80:9

Waagulimaku, gwasimba emizi, gwabuna ensi.

Okuvaayo 33:16

kuba abantu balimanha batya ng'osiima nze ni beene bye tukola? Bw'oja n'ife, olwo oidha kwoleka nga ghaligho endhawulo ghagati gha ife n'abantu abandi boonaboona ab'oku nsi.”

Isaia 1:8

Ekibuga Sioni kisigaire agho kityo ng'oti n'ekibuga kye bazingiiza, kiri ng'oti n'entindi eyeewolookereire mu isamba ly'emizabbibu, era ng'oti n'ekigangu kye bakuumiramu enimiro y'amaliibwa.

Isaia 5:7

Isiraeli n'eisamba eryo ery'emizabbibu erya Musengwa Katonda Afuga Amagye; abantu b'omu Buyudaaya n'ekirime kye yasimba nga musangaavu. Yabasuubiramu okukola amazima, aye baakola bwa butemo. Yabasuubiramu okukola ebituufu, aye baakola bwa biriza bantu maziga!

Yeremia 11:17

“Nze Musengwa Katonda Afuga Amagye, nali ntairegho Abaisiraeli n'Abayudaaya. Aye mperaano ndi kubeesoomera kubasindikira kabi. Ekyo bakyereeteire beene olw'ebibi bye bakola, ni bansungughaza nga baniokeza omusambwa Baali obubbaani.”

Yeremia 2:21

Ate nga nali mbasimbye ng'omuzabbibu ogw'embala, ogw'ensigo esingamu bulungi. Aye bona bwe mwonooneike ni mufuuka ng'oti n'omuzabbibu ogw'omu nsiko!

Hosea 10:1

Abaisiraeli bali ng'oti n'omuzabbibu ogubala emizabbibu kamaala. Ye baakoma okweyongera obungi, ye baakoma n'okuzimba alutaari enhingi. Era ensi yaibwe ye yakoma okweyongera okuba enungi, ye baakoma n'okulungiya empango dh'amabaale dhe baasinzanga.

Mika 4:8

Era iwe Yerusalemu, ekibuga Katonda mw'aba n'alengera abantu be, ng'omwayi bw'ayemerera ku kituuti n'alengera entaama dhe, oliiramu waaba ekibuga ekikulu eky'obwakyabazinga nga bwe wabanga eira.

Okubala 23:9

Mbabona nga ndi ku ngulu ku nsozi enene, naabalengera nga ndi ku busozi obutono. Abantu abo bali eighanga eriba lyonka, eighanga eriteetabula na maghanga gandi.

Matayo 21:19

Yaabona omuti omutiini ku ngira, yaaja ghe guli, aye tiyayagaanaku kantu okutoolaku amakaba gonka. Yaagukoba ati: “Otaanianga ebyanda n'ebyanda!” Era omuti omutiini gwakaliragho.

Matayo 21:33

“Muwulire olufumo olundi. Ghaaligho omuntu mulala eyali n'eisamba lye ery'emizabbibu, yaalisitaku olukomera, yaasimamu ekikunhiro eky'omwenge gw'emizabbibu, yaazimbamu ekituuti ekireeyi, yaataamu abakozi, yaaja mu nsi eyindi.

Matayo 21:34

Ebiseera eby'okukungula bwe byatuuka yaatuma abagheereza be eri abakozi afune ebiva mu isamba lye.

Mariko 11:13

Agho bwe yalengera omuti omutiini nga guliku amakaba, yaaja ghe guli abone oba ng'ayagaanaku akantu. Aye yaja okugutuukaku nga kuzira kantu, okutoolaku amakaba gonka kuba ebiseera tibyali bya mitiini.

Mariko 12:1

Agho Yesu yaatoolera okwogera nabo mu nfumo, ati: “Ghaaligho omuntu, yaasimba eisamba ery'emizabbibu, yaalisitaku olukomera, yaasimamu ekikunhiro eky'omwenge ogw'emizabbibu, yaazimbamu ekituuti ekireeyi, yaataamu abakozi, yaaja mu lugendo olw'eghala.

Mariko 12:2

“Ekiseera bwe kyatuuka, yaatuma omugheereza we y'abalimi anoneyo ku bibala eby'eisamba ery'emizabbibu.

Ab'e Roma 9:4

Bano n'Abaisiraeli abaafuna omukisa okufuuka abaana ba Katonda, ni bagabana ku kitiisa kye, n'akola nabo endagaano, n'abagha Amateeka, n'ensambo ey'okusinzangamu, era n'ebisuubizo.

1 Ab'e Korintho 9:7

Mwisirukale ki eyeesasulira mwene ng'ali mu igye? Naani asimba enimiro y'emizabbibu n'atalya ku bibala byayo? Mwayi ki atanhwa ku mata ga mu kyayo kye?

Amateeka Agokubiri 32:6

Obwo bwene, mutyo bwe mugwaine okubisa Musengwa Katonda, imwe abantu abasiru era abatategeera? Ti ni iseimwe eyabataagho? Ti n'eyabafuula eighanga?

Abalamuzi 16:4

Ebyo bwe byawa, Samusoni yaayenda omukazi mu kiiko ky'e Soreki, ng'eriina lye ni Delila.