Isaia 5:14 - Baibuli Ekibono kya Katonda 2014

¹⁴ Amagombe kye gava ni gabeeguguna, ni gaasamya omunwa okumira abakungu b'omu Yerusalemu aghalala n'eikuukuubira ery'abantu baamu, abaakiwowoiganirangamu nga basagamba.

Isaia 5:14 ပူးပေါင်းရင်းမြစ်များ

Zabbuli 49:14

Basindikibwa mu nsi ey'abafu ng'oti ntaama, olumbe lwabaaya, baaserengeta mu magombe aghazira kusibamu, emibiri gyaibwe gyavundira eyo. Mu nsi y'abafu n'eri amaka gaibwe.

Zabbuli 55:15

Abazigu bange mbendeza kufa kikutuko, baaziikibwa nga balamu. Amaka gaibwe gaidhwire abakozi b'ebibi, ebiidhwire mu myoyo gyaibwe.

Ensambo 1:12

Leka tubamire nga balamu ng'amagombe bwe gakola, basaanegho ng'abo abaika eyo ghansi mu lwina.

Ensambo 27:20

Ng'amagombe bwe gatalekera kumira bafu, n'amaiso g'omuntu goona gatyo bwe gataiguta kubona.

Ensambo 30:16

Amagombe, enda ey'omukazi omugumba, eitaka eikalu bekalukalu, n'omuliro ogutaiguta nku.

Isaia 14:11

Ebitiibwa byo n'enhembo dhe baakwemberanga ku ntongooli, byonabyona babiisiisa e magombe. Enhengere buti n'edhifuuse omufaliso gw'osulaku, era dhaafuuka emyebwiko gye weebwika.’

Isaia 14:9

Abali e magombe bagugumwike okukusangaaza ng'otuuseeyo. Bali kusiikuula bale boonaboona abaliyo abaali abafuzi ku nsi, baidhe okukulamusa. Boonaboona abaali bakyabazinga basitwike ku bityamo byaibwe eby'obwakyabazinga.

Isaia 21:4

Akazunguluze kangemye era ndi kudhugumira olw'okutya. Enzikiiza ey'eigulo ye mbaire neegomba etuuke, eri ku ntiisa butiise.

Isaia 24:8

Abaakolanga ebinhumo nga bakubiraku obugoma, baalekera. Abaakubanga emizira baazima, n'abaakubanga endingidi tibakaadhikuba.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Ezekieli 7:12

Ekiseera kituuse, olunaku lutuuse, omuguzi alekere okusagamba, n'omutunzi alekere okulira amaziga kuba boonaboona Katonda abasungughaliire.

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Habakkuku 2:5

Obukombe tibwesigika. Abantu abalulunkanira eby'obukombe beekuluntaza inho aye tibatereera. Bali ng'oti magombe geene, basigala nga bakaayenda. Kyebava ni balwanisa amaghanga n'amaghanga, ni baja nga banhagamu abantu n'ebintu.

Matayo 7:13

“Mwingirire mu mulyango omutono kuba omulyango omunene, n'engira enene etuuka mu kuzikirira, era abantu kamaala bagema eyo.

Luka 17:27

Abantu baali bali ku kulya, kunhwa, kubayiza, na kubayira, okutuusa ku lunaku Noa lwe yangira mu lyato, amaadhi ag'omwidhuzo gaidha gabazikiriza boonaboona.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.