Isaia 5:10 - Baibuli Ekibono kya Katonda 2014

¹⁰ Eisamba ery'emizabbibu ery'eyiika eikumi, liidha kuvangamu bwa lita munaana edh'omwenge ogw'emizabbibu. Ate omusiri ogusigibwamu ekiibo ekiramba eky'ensigo, gwidha kukungulwangamu kaibo bwibo.”

Isaia 5:10 ပူးပေါင်းရင်းမြစ်များ

Okuvaayo 37:22

Ekintu ekyo ekiri ng'oti kimuli, n'ensaga, n'ekikondo kyene, byakolebwa nga byegemeire ghalala mu zaabu omukenenule, nga ghazira kyawukaineku.

Isaia 32:13

n'olw'ensi ey'abantu bange eri kumeramu amawa n'enkandwa. Bwenebwene munakughale olw'amayumba agasanhusa, abantu ge baasagambirangamu mu kibuga ekyo ekyeyagaza.

Isaia 7:23

“Olunaku olwo bwe lulituuka, buli kifo aghaabanga emizabbibu olukumi (1,000), nga buli mulala gujaamu ebitundu bya feeza lukumi, ghalizika ghaameragho nkandwa na mawa.

Yeremia 48:33

Ntoiregho okusangaala n'okusagamba mu nsi engimu ey'e Moabu. Era naalekeza omwenge ogw'emizabbibu okudhuluudha okuva mu bikunhiro eby'omwenge ogw'emizabbibu. Tighakaaligho bakunha mwenge gwa mizabbibu nga bwe baasiikana olw'eisanhu. Okwasiikana okuligho buti tikwa isanhu naire.

Yoeli 1:17

Ensigo dhaife dhifiira mu biwumpu eby'eitaka eikalu. Amaterekero gawolongeire gaayonooneka, kuba tighakaali mere ya kugaterekamu.

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Abalevi 27:16

“Omuntu bw'anaaghangayo ekitundu ky'eitaka lye yasikira, libe erya Musengwa Katonda, omughendo gwalyo gunaabalwanga nga babonera ku bungi bw'ensigo edhimala okusiga mu itaka eryo. Eitaka erimalagho kilo amakumi abiri edh'ensigo ya sayiri linaabalirirwangamu ebitundu bya feeza bitaanu.

Haggai 1:6

Mwasiga bingi aye mwakungula bitono. Muli n'emere ey'okulya aye tebamala kubaigusa. Muli n'omwenge ogw'okunhwa aye tigubamala ndiwo! Muli n'engoye edh'okuvaala aye tidhibamala kusuugha. Abakozi empeera ye bafuna tebamala mu byetaago byaibwe.

Haggai 2:16

ng'omuntu asobola okuja ku mmungo ey'engaano ng'asuubira okwagaanayo kilo ebikumi bibiri, aye ghaabangagho bwa kilo kikumi kyonka. Ate omuntu bwe yajanga okusena lita ekikumi edh'omwenge ogw'emizabbibu ku kikunhiro, yayagaanangayo lita makumi ana (40) gonka.

Amateeka Agokubiri 28:38

“Mwidha kusiganga ensigo kamaala mu nimiro, aye mwidha kukungulanga kitono, kuba enzige dhiidha kulyanga ebirime byaimwe.

Amateeka Agokubiri 28:39

“Mwidha kusimbanga amasamba g'emizabbibu era mugalabirirenga bukalamu, aye timuukungulengamu mizabbibu, waire okunhwa ku mwenge gwagyo, kuba obusiisa bwidha kugiryanga.