Isaia 49:20 - Baibuli Ekibono kya Katonda 2014

²⁰ Abantu bo abaazaalirwa mu bunhage balikukoba bati, ‘Ensi eno efuuse ntono inho, tekaatumala, tughe aghantu aghandi ghe tunaaba.’

Isaia 49:20 ပူးပေါင်းရင်းမြစ်များ

2 Bakyabazinga 6:1

Lwali lulala, ab'omu kikunsu ky'abalanzi abaabanga ni Elisha baamukoba bati: “Isebo, weena nga bw'oli kubona, ekifo kye tubaamu n'iwe kitono inho.

Isaia 29:23

Bwe mulibona ku ebyo bye ndibakolera, ni mubona ku baana be ndibagha, muligulumiza eriina lyange, mwayatula nga bwendi Omutukuvu wa Yakobo, era mwantaamu ekitiisa nze Katonda wa Isiraeli.

Isaia 51:3

Ndisaasira Yerusalemu n'abantu boonaboona ababa mu bifo byakyo ebyayonoonebwa. Ebiketezo byakyo eby'eirungu ndibifuula byaba ng'oti n'enimiro y'Edeni, ng'oti n'enimiro yange yeene nze mwene ye neerimira. Okusangaala n'okusagamba n'ebiribanga eyo, nga kw'otaire n'enhembo edh'okuneebaza n'okunsaaka.

Isaia 60:4

Weezunguluze amaiso obone, abantu boonaboona nga bwe bali kwesololeza aghalala nga baidha y'oli. Batabane bo baliva eghala eyo baidha; ni baghala bo balibabbeeda baabaleeta y'oli.

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Zekaria 10:10

Ndibasoloza naabatoola mu Misiri, naabatoola ni mu Assiria naabaiza ewaibwe. Naabata mu Gileadi ni mu Lebanoni, woonawoona ghaidhula abantu.

Zekaria 2:4

Malaika eyasooka yaakoba ole owundi ati: “Lumuka oje, okobe omwisuka oyo ali n'olukoba olupima mu ngalo oti, mu Yerusalemu muja kubaamu abantu kamaala inho era nga bali n'ebyayo byaibwe kamaala. Kale nga tibasobola kuweera mu kibuga ekyo nga kyezungulwirwa ekimante.

Matayo 3:9

Era muteeyinula nga mukoba muti, ‘Tuli ni iseife Aburahamu,’ kuba, ka mbakobere, mu mabaale gano Katonda aghanga okufuniramu Aburahamu abaana!